Клоун. Архив

Дүйнө элин ишендирген 1-апрелдеги 10 тамаша

(жаңыланган 18:12 01.04.2017)
Бул күнү бир катар ЖМКлар абдан таң калыштуу жана кээде үрөй учурган окуялар тууралуу маалыматтарды чын болгондой маалымдашат. Айрымдары ага ишенип да алышат. Sputnik агенттиги чындай жазылган жалган маалыматтарды топтоду.

БИШКЕК, 1-апр. — Sputnik. Дүйнө жүзү боюнча 1-апрель күлкү майрамы катары белгиленип келет. Бул күнү жакындарды, курбу-курдаштарды тамашага салабыз.

Күлкү күнүн ЖМКлар да өткөрүп жибербей окурмандарын, угармандарын тамашалаган учурлар бар. Алардын айрымдары чындыкка ушунчалык жакын жазылгандыктан тарыхта калды.

Sputnik Грузия агенттиги ЖМКларга чыккан 10 тамаша тууралуу жазды.

Өзгөчө спагетти

Өткөн кылымдын эң эсте калган тамашасын ВВС телеканалы даярдаган, алар Швейцариядагы спагеттинин мол түшүмү тууралуу маалымдашкан.

1957-жылы 1-апрелде британиялык телекөрүүчүлөр фермерлер бактарга салаңдап бышкан спагеттилерди үзүп алып, күнгө кургатып жаткан видеолорду көрүшкөн. Берүү бүткөндөн кийин тургундар редакцияга чалып, үй шартында спагеттини кантип өстүрсө болорун сурашкан. Ал учурдагы жашоочулардын мындай кызыгуусун түшүнүүгө болот эле, себеби алар спагеттини банкага салынган түрдө дүкөндөн сатып алышчу.

Белгород выставка музей связь телефон телевизор
© Фото / Алексей Дворкин
Эски телевизор

Телевизорго байпак кийгизип

1962-жылы Швециянын жалгыз телеканалынын техникалык адиси эгер түзсүз телевизорго нейлон байпакты кийгизсе ал түстүү көрсөтүп каларын айтып, аны кандай кийгизүү керектигин көрсөтүп берген. Анын бул көрсөткөнүнө миңдеген жарандар ишенген. Ал эми Швецияда түстүү телевизорлор 1970-жылдары гана чыккан.

Алмашкан убакыт

Австралиянын телеканалы 1975-жылы өлкө мындан ары ондук убакыт бирдигине өтөрүн маалымдаган. Жаңы система боюнча бир мүнөттө 100 секунд, бир саата 100 мүнөт, ал эми бир күн 20 саатка созулаарын билдирген.

Перевод часов в связи с переходом на зимнее время
© Sputnik / Константин Чалабов
Убакытты алмаштыруу

Бул тамашага Түштүк Австралия штатынын премьери Дезмонд Коркоран катышып, жаңы убакыт бирдигин колдой турганын айткан. Ошондой эле административдик имараттарга коюлган жаңы сааттарды дагы видеодо көрсөтүшкөн. Муну көргөн тургундар жаңы сааттарды кайдан сатып алууга болорун, айрымдары электрондук саатты кантип жаңы системага өткөрүү керектигин сурап редакцияга чалышкан.

Суукка чыдамдуу курттар

Discover журналы 1985-жылы 1-апрелде италиялык биолог Април Паццо Антарктидадан суукка чыдамдуу курттарды тапканын жазган.

Окумуштуунун айтымында, илимде белгисиз болгон бул куурттардын сөөктөрү жалпак болуп, денени ысыткандыктан курттар муздун үстүндө катуу ылдамдык менен сойлой алат.

Бул курттар пингвиндерге кол салып жана 1837-жылы жоголуп кеткен изилдөөчү Филипп Пуассондун жоголушуна тийиштиги бар экени да маалымдалган.

Эйфелева башня
© Sputnik / Александр Юрьев
Париждеги Эйфель мунарасы

Эйфел мунарасы көчүрүлгөндө

Эйфел мунарасынын көчүрүлүшү тууралуу макала 1986-жылы 1-апрель күнү Le Parisien гезитине чыккан. Анда мунара башка жакка көчүрүлүп, ордуна Олимпиядалык оюндар үчүн стадион курулаары айтылган.

Түбөлүктүү жай айы

Guardian гезити 1987-жылы англиялык окумуштуулар аба ырайын көзөмөлдөй турган машина ойлоп табылганын жазышкан. Анын жардамы менен жамгыр азайтылып, түбөлүктүү жай айын кылса болоору көпчүлүктү таңкалтырган.

Президент США Ричарда Никсона с супругой Патрицией по окончании официального визита в СССР. Аэропорт Внуково. 1974 год
© Sputnik / Юрий Абрамочкин
АКШнын президенти Ричард Никсон жубайы Патриция менен. "Внукова" аэропорту, 1974-жыл

Никсондун үчүнчү мөөнөткө калуусу

National Public Radio радиосу 1992-жылы 1-апрелдеги өз уктурууларында Ричард Никсон үчүнчү мөөнөткө барарын айткан. Андагы маалымат Никсондун үнү менен коштолгон. Угармандар чала баштаганда гана алып баруучу бул тамаша экендигин айтып, Никсондун үнүн актер окугандыгын билдирген.

Спирттен жасалган батончик

Россиянын ТАСС агенттиги 1994-жылы арак чыгарган компания лимон, кокос жаңгагы жана туздалган бадыраң даамдалган "спирттен жасалган батончиктерди" чыгара турганын маалымдаган.

Бул шоколаддын бир түрү чет өлкөлүк "Марс" жана "Сникерс" өңдүү таттуулар менен атаандаша турганы айтылган.

Работа сельскохозяйственного предприятия Конюхи в Белоруссии
© Sputnik / Егор Еремов
Талаадагы койлор

Дүйнөнүн тез ылдамдыкта жылып жатышына койлор күнөөлүү

Жаңы Зеландиянын ветеринардык климатология институтунун окумуштуулары 2007-жылы жергиликтүү гезиттердин бирине глобалдык жылуулуктун кесепетин абадагы көмүр кычкыл газынын көбөйүшү менен эмес, койлордун санынын кыскарышы менен түшүндүрүшкөн.

Окумуштуулар койлордун жүнү ак болуп күндүн нурун кайта чагылдырып, планетаны жылыгандан сактап турат дешкен. Алар канчалык азайган сайын жерде ошончолук ысык болуп жатат деп түшүндүрүшкөн.

Учуучу пингвиндер

ВВС телеканалы 2008-жылы көрүүчүлөрдүн назарына учуучу пингвиндер тууралуу маалыматты сунуштаган. Видеорепортажда пингвиндер канаттарын жылытыш үчүн Антарктиданын суугунан Амазонканын ысык токойлоруна чейин учуп барыры баяндалган.

Пингвиндерди компьютердик графиканын жардамы менен учурушкан.

Материал ачык булактардын негизинде даярдалды.

Белгилер:
ЖМК, күлкү, Антарктида, Швеция
Тема боюнча
Тамашоучу "Акылай" — Самат Эркинбеков: кайрылгандарга ийне сайып да берем
COVID-19 менен оруган бала менен медициналык кызматкерлер. Архив

Нур-Султанда коронавирус менен ооруган балдардын саны өсүүдө

(жаңыланган 11:47 23.04.2021)
Казакстандын борборунда күнүнө коронавирустун 350дөн 650гө чейин жаңы учуру катталып жатканы айтылып, оору бөбөктөрдө да көп аныктала баштаганы маалым болду.

БИШКЕК, 23-апр. — Sputnik. Нур-Султан шаарында 14 жашка чейинки балдар арасында коронавирус жуктургандардын саны үч эсе көбөйүп, шаардын санитардык дарыгерлери коңгуроо кагууда. Бул тууралуу шаардын мамлекеттик санитардык башкы дарыгери Сархат Бейсенованын айтымына таянып Sputnik Казакстан кабарлады.

Белгилей кетсек, эпидемиологиялык абал боюнча Нур-Султан шаары бир айдан бери кызыл зонада. Калаада күн сайын 350дөн 650гө чейин жаңы учур катталууда.

"14 жашка чейинки балдар арасында коронавирус жуктургандардын саны апрелде тездик менен өсүп, үч эсеге көбөйдү. Алсак, январда 571, февралда 479, мартта 1 106 болсо, апрелде 1 790го жетти. Балдар эле эмес чоңдор арасында да ооругандардын саны көбөйдү. Ошол эле учурда мектептерде чектөө киргизилгенден улам апрелде окуучулар арасында оору жуктургандар 0,8 пайызга азайган", — деген Бейсенова.

Буга чейин ал коронавирус 3 жаштан 10 жашка чейинкилер арасында көп табылып жатканын айткан. Башкы дарыгер мартка салыштырмалуу апрелде улгайгандар арасында да коронавирус илештиргендердин саны 2,2 пайызга өскөнүн кошумчалады.

Белгилер:
бала, оору, коронавирус, Нур-Султан, Казакстан
Тема:
Дүйнөгө жайылган коронавирус
Тема боюнча
7 киши көз жумуп, 272 киши вирус жугузуп алды. COVID статистикасы

Ийинин таптап... Андраде Шевченко менен кантип тиктешти. Видео

(жаңыланган 10:26 23.04.2021)
Мушкер кыздар UFC 261 турниринде беттешет. Кыргызстандык Валентина Шевченко чемпиондук наамын коргойт, Жессика Андраде наамга талапкер катары чыгат.

UFC уюмунун чемпиону, кыргызстандык мушкер кыз Валентина Шевченко кезектеги атаандашы Жессика Андраде менен көз караштар таймашына чыкты. Чемпиондук наам үчүн кармашуучу спортчулардын видеосун аталган уюм өзүнүн Instagram баракчасына чыгарды. 

Посмотреть эту публикацию в Instagram

Публикация от ufc (@ufc)

Мушкер кыздар 24-апрелде (Бишкек убактысы боюнча 25-апрелде) АКШнын Флорида штатындагы Жексонвилл шаарында өтүүчү UFC 261 турниринде беттешет. Кыргызстандык Валентина Шевченко чемпиондук наамын коргойт, Жессика Андраде наамга талапкер катары чыгат.

Видеонун астына промоушен "Чемпион наамын коргоп кала алабы же жаңы чемпион чыгабы?" — деген таризде билдирүү калтырган.

Кыргызстандык мушкер беделдүү уюмдун бел курун 2018-жылы польшалык Жоанна Енджейчикти уткандан кийин тагынган. 2019-жылы америкалык Жессика Айды, Лиз Кармушту, ал эми былтыр америкалык Кэтлин Чукагянды, бразилиялык спортчу Женнифер Майяны утуп, наамын төрт ирет коргоп калган.

Ал эми атаандашы бразилиялык спортчу эң жеңил салмактын чемпиону болгон. Акыркы беттешин 2020-жылдын 17-октябрында Кэтлин Чукагян менен кармашып, нокаут менен уткан.

Жессика Андраде карьерасында 29 кармашка чыгып, сегиз ирет жеңилген. Кызыгы, бразилиялык кыз Камару Усман менен Хорхе Масвидель чемпиондук кур үчүн таймашкан UFC 251 мелдешинде Роуз Намаюнаска жеңилген. Андраденин Шевченко менен беттеши да дал ушул Камару Усман менен Хорхе Масвидель чемпиондук кур үчүн таймашкан UFC 261 турниринин алкагында өтөт.

Белгилер:
наам, беттешүү, Жессика Андраде, Валентина Шевченко, мелдеш, UFC
Тема:
Валентина Шевченко Жессика Андраденин беттеши
Тема боюнча
Шевченконун көптөн күттүргөн беттешин кайсы жактан көрсө болот. Тизме
Дана Уайт: Шевченко удаасы менен эки супер беттеш өткөрүшү мүмкүн
Белгилүү хирург Мамбет Мамакеев Спутник V вакцинасы менен эмдөө учурунда

"Спутник V" менен эмдөө башталып, биринчи болуп Мамбет Мамакеев алды. Сүрөт

(жаңыланган 11:58 23.04.2021)
Кечээ, 22-апрель күнү, Кыргызстанга россиялык "Спутник V" вакцинасынын 20 миң дозасы жеткирилди. Анын 15 миң дозасын өлкө сатып алса, беш миңи гумжардам катары берилди.

БИШКЕК, 23-апр. — Sputnik. Кыргызстанда россиялык "Спутник V" вакцинасы менен эмдөө башталып, алгачкылардан болуп аны белгилүү хирург Мамбет Мамакеев алды. Бул тууралуу Саламаттык сактоо жана социалдык өнүктүрүү министрлигинен билдиришти.

  • Кыргызстанда россиялык "Спутник V" вакцинасы менен эмдөө башталып, алгачкылардан болуп аны белгилүү хирург Мамбет Мамакеев алды
    © Фото / пресс-служба Минздрава КР
  • Эске салсак, кечээ, 22-апрель күнү, Кыргызстанга россиялык "Спутник V" вакцинасынын 20 миң дозасы жеткирилди
    © Фото / пресс-служба Минздрава КР
1 / 2
© Фото / пресс-служба Минздрава КР
Кыргызстанда россиялык "Спутник V" вакцинасы менен эмдөө башталып, алгачкылардан болуп аны белгилүү хирург Мамбет Мамакеев алды
"Дарыгер Мамбет Мамакеев "Спутник V" вакцинасын алгачкылардан болуп алды. Препараттын бул партиясы 65 жаштан жогоркуларга жана өнөкөт оорусу бар жарандарга сайылат. Ал эми биринчи этапка кирген топ мурдагыдай эле Кытайдын Sinopharm вакцинасын алуусун улантышат", — деп айтылат билдирүүдө.

Эске салсак, кечээ, 22-апрель күнү, Кыргызстанга россиялык "Спутник V" вакцинасынын 20 миң дозасы жеткирилди. Анын 15 миң дозасын Кыргызстан сатып алды. Саламаттык сактоо министрлигинин маалыматына караганда, биринчи партиянын бир дозасы 10 доллардан турду. 20 миң доза 10 миң кишиге жетет.

Тема:
Коронавируска байланыштуу Кыргызстандагы кырдаал
Тема боюнча
Вакцина келди. Россия берген "Спутник V" "Манаска" түшүрүлгөн видео
7 киши көз жумуп, 272 киши вирус жугузуп алды. COVID статистикасы