Францияны 39 жаштагы эң жаш президент башкарат

© REUTERS / Benoit TessierВыборы президента Франции
Выборы президента Франции - Sputnik Кыргызстан
Жазылуу
Ле Пен Макронду жеңиши менен куттуктап, өзүнө добуш бергендерге ыраазычылыгын билдирди.

БИШКЕК, 8-май. — Sputnik. Францияда өткөн президенттик шайлоодо "Алга" кыймылынын 39 жаштагы жетекчиси Эммануэль Макрон жеңишке жеткендигин РИА Новости жазды.

Франциянын ИИМи шайлоонун алдын-ала жыйынтыктарын жарыялады. Анда көрсөтүлгөндөй, Макрон шайлоочулардын 60 пайызын, анын атаандашы, "Улуттук фронт" партиясынын лидери Марин Ле Пен шайлоочулардын 40 пайыз добушун алды. Анткен менен Ле Пен өлкөнүн түндүгүндөгү айрым департаменттерде алдыга чыга алды. 

© REUTERS / Philippe LaurensonЭммануэль Макрондун колдоочулардын сүйүнүчү
Сторонники избранного президента Франции Эммануэля Макрона после объявления результатов второго тура выборов - Sputnik Кыргызстан
Эммануэль Макрондун колдоочулардын сүйүнүчү

Ле Пен Макронду жеңиши менен куттуктап, ал эми өзүнө добуш бергендерге ыраазычылыгын билдирди.

"Эл Франциянын жаңы президентин тандоо менен буга чейинки бараткан жол менен кетүүнү чечти. Мен Макрон мырзага телефон чалып, куттуктадым", — деди Ле Пен.

Первый тур президентских выборов во Франции - Sputnik Кыргызстан
Франциядагы президенттик шайлоодо 101 жаштагы кемпир өмүрүндөгү 17-добушун берди
Анын айтымында, "Улуттук фронт" парламенттик шайлоого жаңыланып барып, жаңы саясий күч боло алышы керек.

Францияда президенттик шайлоонун экинчи туру болду. Өлкө башчылыгына талапкерлигин мурдагы экономика министри Эммануэль Макрон жана "Улуттук фронт" партиясынын лидери Марин Лен Пен койгон. Биринчи турда Макрон 24,01 пайыз, Ле Пен — 21,3 пайыз добуш алган.

Жаңылыктар түрмөгү
0