КМШда телефонду сырттан тыңшоо мүмкүнчүлүгүн жок кылган байланыштын жаңы түрү чыкты

© Sputnik / Сергей Пятаков / Медиабанкка өтүүМузей московской городской телефонной сети
Музей московской городской телефонной сети - Sputnik Кыргызстан
Жазылуу
Ал тыңшоону каалагандарга сүйлөшүүлөр тууралуу маалымат жеткиче эле өчүп калат.

БИШКЕК, 12-май — Sputnik. Казандык окумуштуулар Россия жана КМШнын аймагында биринчи жолу көп түйүндүү кванттык тармакты толук кандуу ишке киргизди. Бул туурасында Sputnik Тажикстан агенттиги Маалыматтык технология, механика жана оптика университетине (УИТМО) шилтеме берип кабарлады.

Көп түйүндүү кванттык тармак маалыматты оптикалык канал аркылуу фотондордун жардамы менен өткөрүүгө шарт түзөт. Бул тармакты сырттан тыңшоого мүмкүнчүлүгүн жок кылат. Андай аракеттер болгондо фотондордун абалы дароо өзгөрүп, сырттан тыңшоону каалаган адамга маалымат жетпей эле өчүп калат.

Учурда кванттык байланыш сиситемасы Европада, Кытайда жана АКШда активдүү даярдалууда.

"Жаңы экспериментте окумуштуулар бардык төрт чекит менен тең байланыш түзө алды. Бул үчүн алар шаардын инфраструктурасына туура келе турган маалыматты берүүнүн жаңы протоколун иштеп чыгышты", — деп айтылат билдирүүдө.

Финал Всероссийского конкурса Юная российская красавица 2017 - Sputnik Кыргызстан
Окумуштуулар смартфондор балага кандай зыян алып келээрин изилдеп чыгышты
Аталган университет 2014-жылы биринчи жолу кванттык байланышты ишке киргизип, Россияда мындай тармак пайда болгон. Жер алдынан өтүп, эки корпусту бириктирип турган оптоволокондук түйүнгө маалымат берүүчү кванттык каналды тууралашкан.

2016-жылдын июнь айында Россиядагы кванттык борбор кайсы бир банктын эки бөлүмүнүн ортосунда байланыштын мындай түрүн ишке киргизгенин жар салган. Эки түйүндөн турган кванттык тармак Казан шаарында 2016-жылдын август айында текшерүүдөн өткөн.

Жаңылыктар түрмөгү
0