Тойота компаниясынын автоунаасы. Архив

Toyota компаниясы эки жылдан кийин абада уча турган унааларды чыгарат

337
(жаңыланган 15:29 15.05.2017)
Учуучу унааны чыгаруу боюнча долбоорду ишке ашыруу үчүн компаниядан 42 миллион иен (болжол менен 370 миң доллар) каражат бөлүнгөн.

БИШКЕК, 15-май — Sputnik. Япониянын ири автоунаа чыгаруучу Toyota компаниясы 2019-жылдан тарта учуучу унааларды чыгарат. Бул тууралуу The Nikkei Asian Review маалымат порталы жазып чыкты. 

Ал унаалардын төрт тарабына сегиз канат орнотулуп абада гана эмес, жерде да жүрүүгө жөндөмдүү болору айтылууда.

"Өндүрүүчүлөр алгачкы жолу 2019-жылдын январь айында автоунаанын ичине адамды отургузуп учуруу пландалууда. Ал эми 2020-жылы Токио Олимпиадасында ошол учуучу унаа менен Олимпиаданын отун жандырууну көздөп жатат", — деп жазылат.

SkyDrive деп аталган долбоорду 2015-жылы Toyota компаниясынын кызматкерлери сунуштаганда жетекчилик колдобой койгон. Мындан улам алар интернет аркылуу каражат чогулта башташкан. Кийинчерээк жетекчилик макулдугун берип, долбоорду ишке ашыруу үчүн 42 миллион иен (болжол менен 370 миң доллар) каражат бөлгөн.

337
Белгилер:
Toyota, унаа, компания
Тема боюнча
Кытайда туристтер үчүн "Титаник" кемесинин көчүрмөсү курулууда
Ошто "унаа үстүнөн учуучу" автобустун жолу курулмай болду
Суусундук кармаган кыздар. Архивдик сүрөт

Ден соолукту талкалаган суусундук. Дарыгердин эскертүүсү

189
Дарыгер кадимки сууну да качан гана чаңкаганда ичүү керектигин айткан. Бирок аны көп ичүү эмнеси менен кооптуу экендигин тактаган эмес.

БИШКЕК, 17-окт. — Sputnik. Адамдын ден соолугуна коркунуч жаратып, диабеттен тарта онкологиялык ооруну чакырган азыктардын бири газдалган таттуу суусундуктар экенин дарыгер жана теле алып баруучу Александр Мясников айтып берген. Бул туурасында РИА Новости жазды.

Адистин айтымына караганда, баарынан кооптуусу газдалган суусундук.

"Диабетти жаратып, кишини семиртип, акырында онкологиялык ооруга алып барып такайт. Бул чындыгында ден соолукту талкалоочу жолдордун бири. Остеопороздон тарта онкология, жүрөк, кан тамыр ооруларын жаратат", — деп түшүндүргөн Мясников.

Дарыгер кадимки сууну да качан гана чаңкаганда ичүү керектигин айткан. Бирок сууну көп ичүү эмнеси менен кооптуу экендигин тактаган эмес.

Мясников чай менен кофенин пайдалуу жактарын да эске сала кеткен. Кофе жүрөк, кан тамыр илдеттеринин, боор оорунун алдын аларын айтса, көк чайдын онкологияга каршы күрөшүү артыкчылыгын белгилеген.

Буга чейин россиялык онколог Елена Смирнова жоон ичеги рагына кабылуу тобокелчилигин арттырган суусундуктарды тизмектеп айтып берген. 

189
Белгилер:
Россия, ден соолук, суусундук, зыян
Тема боюнча
Боору жарабай калган. 1,5 литр коланы 10 мүнөттө ичкен киши каза болду
UFC чемпиону Валентина Шевченко. Архивдик сүрөт

Валентина Шевченко Холли Берринин тасмасында кимдин ролун ойногон. Сүрөт

84
UFC чемпиону Шевченко Голливуд жылдызы Холли Берри менен тасмада спорттогу каршылаштардан болушат. Тасманын премьерасы 23-октябрда Netflix сервисинде көрсөтүлөт.

БИШКЕК, 17-окт. — Sputnik. UFC уюмунун эң жеңил салмактагы чемпиону, кыргызстандык Валентина Шевченко Instagram баракчасында Bruised ("В синяках", "Көгала болгондо") тасмасын тартуу учурундагы сүрөттөр менен бөлүштү.

Тасманын премьерасы 23-октябрда Netflix сервисинде болмокчу. Анда Шевченко башкы ролдогу Жекинин, тагыраагы, Холли Берринин спорттогу атаандашы болот. Сценарий боюнча, Жекинин карьерасы кичинекей уулу менен мамилесин оңдогондон кийин жанданат.

Шевченко Lady Killer (Киши өлтүргүч аял) каймана аты бар мушкердин ролун аткарат. Жеки маанилүү беттеште аны менен кармашып, мурдагы атак-даңкын кайтаргысы келет.

"Bruised тасмасында Lady Killer ролунда", — деп жазган Валентина.

Кинонун трейлери интернетке 14-октябрда чыккан. Тасма өзү 2019-жылдын декабрында тартылып бүткөн.

84
Белгилер:
UFC, Валентина Шевченко, тасма, роль, мушкер, беттешүү
Тема боюнча
Шевченко катышкан Холли Берринин тасмасынын трейлери чыкты. Видео
Татынакай! Шевченко Холли Берринин тасмасы боюнча маектеги сүрөтүн жарыялады