ЖМК: Ирандагы президенттик шайлоодо Роухани алдыда келе жатат

© REUTERS / HANDOUTИрандын азыркы лидери Хасан Роухани шайлоо учурунда
Ирандын азыркы лидери Хасан Роухани шайлоо учурунда - Sputnik Кыргызстан
Жазылуу
Президенттик шайлоого төрт талапкер катышкан. Алар: учурдагы президент Хасан Роухани, аятолла Ибрахим Раиси, мурдагы вице-президент Мостафа Хашеми-Таба жана консерваторлордун атынан талапкер болгон Мостафа Ага-Мирсалим.

БИШКЕК, 20-май — Sputnik. Ирандын азыркы лидери Хасан Роухани 37 миллион шайлоочунун добуштары саналып, анын жыйынтыгы менен алдыда келе жатат. Бул тууралуу Рейтер агенттиги өзүнүн ишенимдүү булактарына таянуу менен билдирди.

Маалыматка ылайык, 40 миллион добуштун 37 миллиону саналып, алардын ичинен 21,6 миллион шайлоочу добушун Роуханиге берген. Андан кийинки орунда аятолло Ибрахим Раиси — 14 миллион добуш менен келе жатат.

Өкмөт башчы Сооронбай Жээнбековдун архивдик сүрөтү - Sputnik Кыргызстан
КСДП президенттикке талапкер катары Сооронбай Жээнбековду көрсөттү
Ишенимдүү булак Рейтерге "бардыгы бүттү, Роухани жеңишке жетти" — деп маалымат берген. Ал ошондой эле дагы 4 миллион добуш саналышы керектигин айткан.

Иранда президенттик шайлоо жума күнү өткөн. Ал жакта президенттик шайлоо менен катар эле шаардык кеңешке жана парламентке дагы шайлоо болгон. Иранда 56 миллион кишинин добуш берүү укугу бар.

Президенттик шайлоого төрт талапкер катышкан. Алар: учурдагы президент Хасан Роухани, аятолла Ибрахим Раиси, мурдагы вице-президент Мостафа Хашеми-Таба жана консерваторлордун атынан талапкер болгон Мостафа Ага-Мирсалим.

Жаңылыктар түрмөгү
0