Путин АКШга террорчулар эмне үчүн керек экенин айтып берди
(жаңыланган 10:02 13.06.2017)
Россия президенти АКШнын ЦРУсунан атайын кат келгендигин баса белгиледи.БИШКЕК, 13-июн. — Sputnik. АКШга террорчулар Россиядагы саясий кырдаалды чыңалтуу үчүн керек. Бул тууралуу Россия президенти Владимир Путин режиссер Оливер Стоунга интервью берип жатып билдиргенин РИА Новости жазып чыкты.
Өлкө башчынын айтымында, Чеченстан менен Түндүк Кавказда конфликтилер башталганда америкалыктар террорчуларды колдоого алган.
"Кансыз согуш артта калды. Биздин Европа, АКШ, жалпы дүйнө эли менен мамилебиз жакшы. Андыктан биз алардын колдоосунан үмүт кылганбыз. Бирок анын ордуна америкалык атайын кызматтар террорчуларды колдоп жатышат. Биздин өнөктөштөрдүн кызматташуу боюнча айткандары сөз бойдон калып, чындыгында террорчуларды Россиядагы ички саясий абалды чыңалтуу үчүн колдонууда", — деди Путин.
©
Sputnik / Михаил Воскресенский
"Биз ЦРУдан кат алганбыз. Ал жакта биздин кесиптештер Россиядагы оппозиция өкүлдөрүн колдоого укугу бар экенин, мындан ары да мамилесин улантарын айтышкан. Ошондо сөз жөн гана оппозиция өкүлдөрү жөнүндө эмес, террордук уюмдар тууралуу болуп жатканы түшүнүктүү болгон. Алар террордук уюмдарды оппозиция катары көрсөтүмүш болуп жатышат", — деди президент.
Эске сала кетсек, белгилүү режиссер Оливер Стоун Россия президенти Владимир Путин тууралуу "Путин менен интервью" деген тасма тартып, фильм Россияда 12-15-июнь күндөрү тартууланмакчы.
Аралыктан окууда баланын пижамачан отурганы туура эмес. Адистин кеңеши
(жаңыланган 18:55 13.08.2020)
Белгилей кетсек, өлкөдөгү эпидемиологиялык абал жакшырганга чейин окуучуларды аралыктан окутуу пландалып жатат. Болгону 1, 5, 9 жана 11-класстар күн алыс мектепке барып, калган учурда үйдө окушу мүмкүн.БИШКЕК, 13-авг. — Sputnik. Балага аралыктан окуган учурда кийимин алмаштыруу талапка ылайык. Бул тууралуу Sputnik Казакстан радиосунун эфиринде "Квалификацияны жогорулатуу боюнча улуттук борбор" мекемесинин бөлүм башчысы Айман Кусаинова айтып берди.
"Үйдө отуруп сабакка мектептегидей кунт коюу, процесске баш-оту менен аралашуу бала үчүн оңой эмес. Балалык кылып ар нерсеге алаксыйт. Ошол себептен болушунча мектептегидей атмосфера керек. Жадагалса кийимине чейин алмаштырып, өзүн кадимки сабакта отургандай сезгенге шарт түзүү зарыл", — деди Кусаинова.
Министрлик окуучулардын мектеп формасы боюнча түшүндүрмө берди
Анын айтымында, колдон келишинде бала сабак окуган бөлмө же бурч ошол гана максатта колдонулганы жакшы.
"Ал жерде ар дайым компьютер, планшет сыяктуу байланыш каражаты жана окуу куралдары гана болушу шарт", — дейт адис.
Белгилей кетсек, өлкөдөгү эпидемиологиялык абал жакшырганга чейин окуучуларды аралыктан окутуу пландалып жатат. Болгону 1, 5, 9 жана 11-класстар күн алыс мектепке барып, калган учурда үйдө окушу мүмкүн.
Белгилер:
Криштиану Роналду эзелки атаандашы Лионель Мессинин клубуна өтөбү?
(жаңыланган 17:38 13.08.2020)
Футболчунун агенти бир катар клубдарга байланышып, Роналдуну командаларына алууга каалоосун сураган. Арасында Барселонага да кайрылган.БИШКЕК, 13-авг. — Sputnik. Туриндик "Ювентус" клубунун чабуулчусу Криштиану Роналдунун агенти Жорже Мендеш бир катар алдыңкы клубдарга футболчунун кызматын сунуштаган. Бул тууралуу sport.es маалымат булагы журналист Гильем Балагеге таянып билдиргенин РИА Новости жазды.
Топ клубдардын арасында Роналдунун эзелки атаандашы Месси ойногон каталондук "Барселона", Франциянын "Пари Сен-Жермен" (ПСЖ) жана бир катар түштүк америкалык клубдар бар.
Балаге Би-Би-Си радиосунун түз эфири учурунда Мендеш бир катар клубдар менен байланышка чыгып, келерки жылы Роналду менен келишим түзүүгө каалоосунун бар-жогун сураган. Анткени португалиялык футболчу чакыруу болсо башка клубда ойноо ниети бар экенин билдирген.
Кыргызстандык футболчу Гүлжигит Алыкулов УЕФАнын мелдешинде ойнойт
Журналисттин айтымында, беш жолку "Алтын топ" сыйлыгынын ээси, 35 жаштагы футболчу үчүн жаңы клуб издөөдөгү башкы көйгөй анын жылына алчу 23 миллион доллар маянасы болууда.
"Азыркы учурда футболчу үчүн мындай көлөмдөгү айлыкты төлөй турган клуб табылар-табылбасы белгисиз", — деди Балаге.
Роналду 2003-2009-жылдары Англиянын "Манчестер Юнайтед", 2009-2018-жылдары мадриддик "Реал" клубдарында ойногон. 2018-жылдан азыркы күнгө чейин Италиянын "Ювентус" командасынын намысын коргоп келет.
Кечтеги жылдыздуу асман. Бишкектин четинен тартылган укмуштуудай 11 сүрөт
(жаңыланган 19:04 13.08.2020)
Борбор калаанын абасы таза эместиги белгилүү. Бирок бийлик коронавирус пандемиясынан бери ыш-түтүн азайып калганын айткан. Анткен менен аба булгангандыгына байланыштуу айрым жылдыздар даана көрүнбөй калганын айта кетели.
Эч ким көрө элек кадрлар. Кыргызстандын жапайы жаратылышы видеодо
Фотографтын айтымында, мындай сүрөттөрдү тартуу үчүн штатив, жакшы камера жана аралыктан туруп башкарган пульт керек.
© Sputnik / Табылды КадырбековБул Бишкектин четтен көрүнүшү. Жанынан көргөндө заңгырап турган имараттар минтип жалтырап гана элес калтырат
© Sputnik / Табылды КадырбековКооз ирмемдерди тартып калуу үчүн кесиптешибиз Табылды Кадырбеков бир нече түн шаар сыртында болду
© Sputnik / Табылды КадырбековСыйкырдуу сүрөттөр үчүн таланттан кийин эле техникалык жабдуу мыкты болуш керек
© Sputnik / Табылды КадырбековФотографтын айтымында, жакшы штатив, камера жана аралыктан туруп башкарган пульт керек
© Sputnik / Табылды КадырбековТоо менен асмандын сулуулугу ширелишип... Мындай сүрөттөрдү адатта фонго коюп алышат
© Sputnik / Табылды КадырбековЧарчаганда ушундай абасы таза, ээн талаага кетип калгың келет
© Sputnik / Табылды КадырбековБорбор калаанын абасы таза эместиги белгилүү, бирок бийлик коронавирус пандемиясынан бери ыш-түтүн азайып калганын айткан.
© Sputnik / Табылды КадырбековАнткен менен аба булгангандыгына байланыштуу айрым жылдыздар даана көрүнбөй калганын айта кетели.
© Sputnik / Табылды КадырбековАдистердин айтымында, жаратылышка чыгып, ага суктануу стресстен арылтат
© Sputnik / Табылды КадырбековОшондой эле таза абада жүрүү ден соолукту чыңдайт
© Sputnik / Табылды КадырбековЭң негизгиси жылдыздуу асман менен жаратылыштын кооздугун көрө аласың
Белгилер: