Жырткыч эс алуучуларды көл жээгинен дыргаяктатып кубалаган видео тарады

(жаңыланган 13:28 20.08.2017)
Жапайы жаныбар алгач балдарды көздөй чуркап, андан соң эс алуучулардын кийим-кечесин аралап тамак издеген.

Ачка болгон тюлень Сан-Диегодогу пляжда эс алуучулардын жүрөгүн түшүрдү. Бул тууралуу РИА Новости USA Today басылмасына шилтеме жасап жазып чыкты.

Маалыматка ылайык, окуя 14-июль күнү болгон. Океан жээгинде эс алуучулар тартып алган видеодо жырткыч алгач балдарды көздөй чуркап, андан соң эс алуучулардын кийим-кечесин аралап тамак издеген.

Окуяга күбө болгон адамдардын бири муну күлкү катары көрсө, дагы бири жапайы жырткычтын кылыгын коркунуч катары санап, андан алыс болууга аракет кылышкан.

Эске сала кетсек, буга чейин Канадада тюлень кичинекей кызды кийиминен тиштеп сууга сүйрөп кеткен.

Белгилер:
эс алуу, Америка, Тынч океаны
Тема боюнча
Тамак талаша тебишкен бугулар видео байкоого түшүп калган
Ысыктан качкан күчүк муздаткычтан чыкпай ээсинин айласын кетирди. Видео
АКШда гольф аянтына чуркап чыккан аюу оюнчулардын жүрөгүн түшүрдү
Эт жеп жаткан адам. Архив

Организмди талкалай турчу азык, суусундуктар. Тизме

Организмди талкалай турчу азыктардын катарына эт дагы кирген. Адистин айтымында, эт белоктун булагы болгону менен аны көп жегенде ашказанга күч келип, аталган органдын иштөөсү начарлайт.

БИШКЕК, 19-апр.— Sputnik. Диетолог Елена Кален тамактануу рационунан азайта турчу, ал тургай таптакыр эле чийип салчу тамак-ашты санап бергенин РИА Новости жазды.

Адистин айтымында, биринчи кезекте конфет менен таттуу суусундуктан баш тартуу кажет. Булар ашыкча салмакка, семирүүгө алып келип, канда канттын деңгээлин көбөйтүшү ыктымал.

Жыйынтыгында адам кант диабетине чалдыгышы толук мүмкүн. Ошондой эле таттууну көп жегенде боор жакшы иштебей, тери бузулат.

Организмди талкалай турчу азыктардын катарына эт дагы кирген. Адистин айтымында, эт белоктун булагы болгону менен аны көп жегенде ашказанга күч келип, аталган органдын иштөөсү начарлайт.

Диетолог ичимдикти да тизмеден чийип салууну сунуштаган.

"Ичимдик ичкен адам тез карып, боор, кан тамыр ооруларына чалдыгат. Ичимдик кант диабети, гипертония жана панкреатит илдеттеринин өрчүү тоболкелчилигин жогорулатат", — деген Кален.

Адис кофени көп ичүү да организмди буза турганын айткан. Көпчүлүктүн сүйүктүү суусундугу кан басымды көбөйтүп, жүрөктүн тез согуусун шартташы ыктымал.

Белгилер:
алдын алуу, дарт, суусундук, азык-түлүк, организм, диетолог
Тема боюнча
Вирусту жолотпойт! С витаминине бай алты азык аталды
Эксперт: туура тамактанган баланын ийгиликке жетүү мүмкүнчүлүгү жогору болот

Россия тик учактын ордун баса турчу чакан аэромобилдерди чыгарат. Видео

Россиянын Перспективдүү изилдөөлөр фонду "Циклон" долбоорунун алкагында "Циклокар" деп аталган инновациялык аэромобиль чыгаруу иштерин баштады.

Бул машина 600 килограммдык жүк көтөрүүгө ылайыкталып, ичине алты адам батат. Муну жүзөгө ашыруу иштерин Россия Илимдер академиясынын Сибирдеги бөлүмүнүн Теплофизиктер институту аткарары айтылды.

Биринчи этапта машинанын алдын ала долбоору даярдалган. Ошондой эле диаметри 1,5 метрлик циклдүү кыймылдаткычын жерден сынап көрүшкөн. "Циклокардын" жалпы көлөмү (узун-туурасы) 6,2 жана 6 метрди түзөт, саатына 250 чакырымга чейинки ылдамдыкта жүрөт. Ал эми тыным албай 500 чакырымга чейин жетсе болору белгиленген.

Аэромобиль тик учакка салыштырмалуу чакан эмес, ал имараттардын четине токтоп ичиндеги адамдарды түшүрүүгө да ылайыкташкан.

Белгилер:
кыймылдаткыч, Россия, унаа, чыгаруу, учуу
Тема боюнча
Гонконгдо пандемиядан улам робот-бармендер иштей баштады. Видео