Аюу менен кармашкан каратэчи карыя окуянын чоо-жайын айтып берген

© Sputnik / Владимир Астапкович / Медиабанкка өтүүКалининградский зоопарк
Калининградский зоопарк - Sputnik Кыргызстан
Жазылуу
Карыя тоо таянган аймактагы огородунда иштеп жатканда, аюу ага капыстан кол салган. 70ке таяп калган каратэчи алдастап калган эмес.

БИШКЕК, 2-авг. — Sputnik. 68 жаштагы япондук каратэчи Хирохито Миягава аюу менен кармашып, аны токой арасына качып кирүүгө аргасыз кылды. Бул туурасында РИА Новости Fuji телеканалына таянып кабарлады.

Токио шаарынын тургундары. Архив - Sputnik Кыргызстан
Япониядагы аптап адам өмүрүн алып, миңдеген адамдарды төшөккө жыгууда
Көп жылдан бери каратэ менен машыккан карыя Яманаси префектурасындагы Фуэфуки шаарында жашайт.

Ал тоо таянган аймактагы огородунда иштеп жатканда, аюу ага капыстан кол салган. 70ке таяп калган каратэчи алдастап калган эмес. Спорттук ыкманы пайдаланып, буту менен таамайлап аюуну бир нече ирет тээп жиберген.

"Артымда бир нерсе жакындап келип калганын сездим. Кылчайсам, эки буттап туруп алып, кол салууга камынып жатыптыр. Алгач ичке тептим, андан соң төшкө жеген соң жырткычтын башы "шылк" дейт түштү. Мындан пайдаланып, дагы бир ирет тээп жибердим. Аюу тоо тарапка качып жөнөдү", — деп айтып берген ал.

АКШда гольф аянтына чуркап чыккан аюу оюнчулардын жүрөгүн түшүрдү - Sputnik Кыргызстан
АКШда гольф аянтына чуркап чыккан аюу оюнчулардын жүрөгүн түшүрдү
Карылуу аюу анткен менен абышканын денесин ачуу тырмактары менен тытып алган жетишкен. Дарыгерлер жарааттын анча коркунучтуу эместигин айтышты.

Июлдан тарта аталган префектураны аюулардын аралап жүргөнү боюнча 83 билдирүү түшкөн. Полиция элди кыраакы болууга жана тоого чыкканда абайлоого чакырууда. Японияда жылына аюулардын 100гө жакын кол салуулары катталат.

Жаңылыктар түрмөгү
0