Эр-Рияд шаары. Архивдик сүрөт

Сауд Аравия Катардагы зыяратчылар үчүн атайын учак жөнөтүүгө даяр

94
(жаңыланган 13:42 22.08.2017)
Катарлык зыяратчыларды Boeing 777-300 учактары дайындалган. Алардын ар бирине 300дөн киши батат. Катардан быйыл 1,6 миңдей зыяратчы ажылыкка барары күтүлүп жатат.

БИШКЕК, 21-авг. — Sputnik. Сауд Аравиянын Saudi Airways авиакомпаниясы Катардагы зыяратчыларды ташып келүү үчүн жаңы жети учак бөлдү. Эми бир гана Катардан уруксат күтүп жатат. Бул тууралуу РИА Новости агенттиги "Оказ" гезитине таянуу менен билдирди.

Saudi Airways авиакомпаниясынын жетекчилиги расмий Доха алардын учактарынын конуусуна уруксат бере электигин маалымдаган.

Бирок аталган гезит Катардын бийлиги учактарга уруксат берүү жума башында караларын, себеби катарлык зыяратчыларды ташуу 22-25-августка пландалганын айтышкан. Алардын ажылык амалдары 5-сентябрда аяктайт.

Айрым ЖМКлар Катар зыяратчыларды алып кетүү үчүн Сауд Аравиянын компаниясына уруксат бербей койду деп жазып чыгышкан. Бирок Катардын жарандык авиация башкармалыгы бул маалымат чындыкка коошпой турганын билдирди.

Маалым болгондой катарлык зыяратчыларды Boeing 777-300 учактары дайындалган. Алардын ар бирине 300дөн киши батат. Катардан быйыл 1,6 миңдей зыяратчы ажылыкка барары күтүлүүдө.

94
Белгилер:
ажылык сапар, Сауд Аравиясы, Катар
Тема:
Ажылык – 2017 (42)
Тема боюнча
Казакстанда мушташкан балдарды ажыратпаган полиция кызматкери талкууга түштү
Ажыга бара жаткан өзбекстандыктын жанынан апийим жана 6 миң доллар чыкты
Сауд Аравиясы ажылык сапарга келген катарлыктарга чек араны ача турган болду