Россиянын Судандагы элчисинин сөөгү бассейнден табылды
(жаңыланган 21:05 03.09.2017)
Дипломаттын эмнеден каза болгону болжолдуу айтылдыБИШКЕК, 24-авг. — Sputnik. Россиянын Судандагы элчиси Миргаяс Ширинский жүрөгү кармап каза болушу ыктымалдыгын элчиликтин маалымат катчысы Сергей Коняшин билдиргенин РИА Новости агенттиги жазды.
Белгилей кетсек, Ширинский бассейнге түшүп жатканда учурда көз жумган.
"Азыр эмнеден каза болгону боюнча расмий маалымат жок. Андыктан так корутунду чыгаруу да эрте. Эгер дарыгердин кароосунан кийин алынган маалыматка таянсак элчинин жүрөгүндө маселе бар. Анын мээсине кан таамп, же жүрөгү кармаган болушу мүмкүн", — деди Коняшин.
Судандын полициясы элчи сүзүп жүргөн суудан ууландыруучу зат таппаганын билдирген. Жергиликтүү укук коргоо органдарын элчинин сөөгүн тапкан кызматкер чакырган.
Белгилер:
Баланын коопсуздугун колу менен коргогон мышык. Ич жылыткан видео
Балкондун кармагычына колун созгон бөбөктү жанында отурган мышык кадимкидей тыйып, кадам сайын "тартипке чакырып" жатканын көрүүгө болот.
Тили чыга элек бала балкондун кармагычына колун созуп, асылгысы келип, бирок ага жанында периште сымал кайтарып отурган мышык "жол бербей" жатканы четте турган кишинин ичин жылытат. Агала мышык "максатына жетүүгө тоскоол болгонун" түшүнгөн сымал, бөбөктүн бөлмөнүн башка тарабына кетип бара жаткан учуру менен видео аяктаган.
Белгилер:
Мамагенттик: Токио Олимпиадасынан үч медаль утабыз деген максат бар
(жаңыланган 19:04 27.01.2021)
Мамагенттик ата мекендик спортчулар эл аралык ири мелдештерге мыкты даярдык көрүүсү үчүн бардык зарыл шарттар түзүлүп жатканы айтылууда.БИШКЕК, 27-янв. — Sputnik. Кыргызстан Токио Олимпиадасынан үч медаль утууну пландап жатат. Бул тууралуу Жаштар иши, дене тарбия жана спорт боюнча мамлекеттик агенттигинин башчысы Канат Шабданбаев айтканын агенттиктин маалымат кызматы билдирди.
Бүгүн, 27-январда, мекеменин коллегиясы өтүп, ага вице-премьер Эльвира Сурабалдиева жетекчилик кылган.
"Азыркы тапта олимпиадалык оюндарга чейин биздин спортчулардын лицензиялык мелдештерге катышуусу турат. Жалпысынан спорттун 13 түрү боюнча 21 лицензия алууга жетишүүнү максат кылганбыз. Олимпиада оюндарында үч медаль алуу ниетибиз бар. Паралимпиадалык спорттун түрлөрү боюнча 3 лицензиядан кем эмес жана Паралимпиада оюндарында бир байгелүү орунга жетебиз деп пландаштырып жатабыз", — деген ал.
©
AFP 2021 / KIRILL KUDRYAVTSEV
Кыргызстанда учурда Олимпиада оюндарына жалпысынан алты лицензия бар. Грек-рим күрөшүнүн балбаны Атабек Азисбеков, кыздар күрөшүнүн дүйнө чемпиону Айсулуу Тыныбекова, жөө күлүк спортчулар Дарья Маслова, Юлия Андреева жана Мария Коробицкая, ошондой эле суучул Денис Петрашов лицензия утуп алышкан.
Анаркулов: инаугурацияга чакырылгандардын баарынын ПЦР-анализи таза чыкты
(жаңыланган 22:01 27.01.2021)
Президенттин кызматка киришүү үчүн ант берүү аземине ар кайсы катмардагы миңден ашуун мейман чакырылган.БИШКЕК, 27-янв. — Sputnik. Жаңы шайланган президент Садыр Жапаровдун инаугурациясына чакырылган коноктордун баарынын коронавируска тапшырган тести таза чыкты. Бул тууралуу президенттин маалымат кызматынын жетекчиси Нургазы Анаркулов билдирди.
©
Sputnik / Табылды Кадырбеков
Иш-чара санитардык-эпидемиологиялык талаптарга ылайык уюштурулуп, коноктордун баары коронавирус инфекциясына ПЦР-анализ тапшырышкан.
Садыр Жапаровдун инаугурациясы эртең, 28-январда, саат 11:00дө Токтогул Сатылганов атындагы Кыргыз улуттук филармонияда өтөт.