Россия президенти Владимир Путиндин архивдик сүрөтү

Путин Мьянмадагы болуп жаткан окуяларга түйшөлгөнүн билдирди

2228
(жаңыланган 22:33 13.09.2017)
Россия менен Египеттин президенттери Кытайдагы жолугушууда Мьянмадагы абалды талкуулашты.

БИШКЕК, 5-сен. — Sputnik. Россия президенти Владимир Путин менен Египеттин жетекчиси Абдул-Фаттах Халил ас-Сиси жолугушууда Мьянмада болуп жаткан жагдайга тынчсыздангандыгын билдиришти. Бул туурасында Россия лидеринин маалымат катчысы Дмитрий Песков Кытайдагы БРИКС саммитинин жыйынтыгы боюнча маалымат берип жатып билдиргенин РИА Новости жазды.

Песков президенттер зомбулукту айыптап, өлкө бийлигин абалды көзөмөлгө алууга чакыргандыгын айтты.

"Аны менен катар эле президенттер көзмө-көз сүйлөштү. Египеттин жетекчиси менен болгон жолугушууда Мьянмадагы абал туурасында да сөз болду. Путин жана ас-Сиси аталган өлкөдө болуп жаткан окуяга түйшөлүп жаткандыгын, ким тарабынан болсо да, кайсы элге болбосун, анын ичинен мусулман калкына жасалган зомбулук болобу, жалпысынан сынга алышты. Эки президент тең өлкө бийлигин абалды көзөмөлгө алууга чакырды", — деп айтты Песков.

Кезегинде Араб республикасынын башчысынын канцеляриясынан Путин менен ас-Сиси "Мьянма өкмөтүнөн каардуулукту токтотуу үчүн зарыл болгон чараларды кабыл алууну талап кылышты. Эгерде уланып кетсе чыңалууну өрчүтүп экстремизм менен террорчулукка алып келиши мүмкүн" деп белгиленген.

Эске сала кетсек, Мьянмадагы окуялар учурда дүйнө коомчулугунун көз кырында туруп, кызуу талкууну жараткан. 

2228
Белгилер:
Владимир Путин, Мьянма, Египет, Кытай
Тема боюнча
Кыргызстандын ТИМи Мьянмадагы абал боюнча тынчсыздангандыгын билдирди
Футбол: Кыргызстан менен Мьянма беттешинин өтпөй турган себеби айтылды
Пикирлер