БИШКЕК, 9-сен. — Sputnik. Сауд Аравиясы Катар менен бардык диалогдорду токтотуп тураарын падышачылыктын ТИМинин атын атабаган өкүлү билдирген. Бул туурасында SPA агенттигине шилтеме берип РИА Новсти жазды.
Катардагы QNA маалымат агенттиги эки лидер ортосундагы маек АКШ президенти Дональд Трамптын суранычы менен болгондугун жазган.
SPA маектеши телефондогу сүйлөшүү боюнча билдирүү жасаган Катар бийлиги маалыматты туура эмес берип койгонун айтты.
Ал эми Сауд Аравиясынын өкүлү телефондогу талкуу төрт өлкө тарабынан коюлган ультиматум боюнча сүйлөшүүлөрдү жүргүзгүсү келген Катардын өтүнүчү менен ишке ашканын билдирген.
"Мунун баары Катар дагы деле олуттуу диалогго даяр эместигинен жана мурдагы эле терс саясатын жүргүзүп жатканынан кабар берет", — деген SPA агениттигинин маектеши.
Белгилей кетсек, 5-июнда Сауд Аравиясы, Бириккен Араб эмирлиги, Бахрейн жана Египет Доха менен болгон дипломатиялык мамилесин токтоткон. Себеби алар Катарды террорчулукту колдогон жана алардын ички ишине кийлигишкен деген кине коюшкан. Кийин Доха менен болгон мамилесин бир катар мамлекеттер да үзгөн.
