Төлгөчү. Архивдик сүрөт

Москвада төлгөчү кемпирдин 150 миң рублин көчөдөн алдап кеткен

165
(жаңыланган 17:23 02.10.2017)
Төлгөчү кемпирге жаман илдет жабышканын айтып, баштык салынган акчага "дуба окуп берем" деген.

БИШКЕК, 28-сен. — Sputnik. Москвада төлгөчү менен анын кызы пенсионердин 150 миң рубль акчасын алдап кеткен. Бул тууралуу РИА Новости жазды.

75 жаштагы кемпир укук коргоо органдарына берген көрсөтмөсүндө аны көчөдөн алдап кетишкенин билдирген. Ал аялдамада турганда чоочун аял жанына келип ага жаман илдет жабышканын айткан. Аны дубалап жандыруу үчүн баштыкка акча салып келүүсүн сураган.

Мындан улам кемпир үйүнө барып айтылган сумманы алып келген. Ошол убакта ары жактан бир кыз келип төлгөчүнү аябай мактаган. Анан алар "дуба окулду" деп акча салынган баштыкты кайра кемпирдин колуна карматкан. Бирок дуба жазылып кетпеши үчүн тогуз күн өтмөйүн ачпай туруусун айтып, кетип калышкан. Пенсионер үйүнө келгенде баштыктын ичи бош чыккан.

Буга шектүү жарандар полиция тарабынан колго түшүрүлүп кылмыш иши козголду. Алар Ленинград облусунан келген мурда соттолгон 62 жаштагы аял жана анын 20 жаштагы кызы болуп чыккан.

165
Белгилер:
акча, алдоочулук, төлгөчү
Тема боюнча
Астанада "сүйлөшкөн" кызын досуна 150 долларга сатып жиберген жигит соттолду
Дистанциондук сабак өтүп жаткан окуучу. Архив

Аралыктан окууда баланын пижамачан отурганы туура эмес. Адистин кеңеши

57
(жаңыланган 18:55 13.08.2020)
Белгилей кетсек, өлкөдөгү эпидемиологиялык абал жакшырганга чейин окуучуларды аралыктан окутуу пландалып жатат. Болгону 1, 5, 9 жана 11-класстар күн алыс мектепке барып, калган учурда үйдө окушу мүмкүн.

БИШКЕК, 13-авг. — Sputnik. Балага аралыктан окуган учурда кийимин алмаштыруу талапка ылайык. Бул тууралуу Sputnik Казакстан радиосунун эфиринде "Квалификацияны жогорулатуу боюнча улуттук борбор" мекемесинин бөлүм башчысы Айман Кусаинова айтып берди.

"Үйдө отуруп сабакка мектептегидей кунт коюу, процесске баш-оту менен аралашуу бала үчүн оңой эмес. Балалык кылып ар нерсеге алаксыйт. Ошол себептен болушунча мектептегидей атмосфера керек. Жадагалса кийимине чейин алмаштырып, өзүн кадимки сабакта отургандай сезгенге шарт түзүү зарыл", — деди Кусаинова.

Министрлик окуучулардын мектеп формасы боюнча түшүндүрмө берди

Анын айтымында, колдон келишинде бала сабак окуган бөлмө же бурч ошол гана максатта колдонулганы жакшы.

"Ал жерде ар дайым компьютер, планшет сыяктуу байланыш каражаты жана окуу куралдары гана болушу шарт", — дейт адис.

Белгилей кетсек, өлкөдөгү эпидемиологиялык абал жакшырганга чейин окуучуларды аралыктан окутуу пландалып жатат. Болгону 1, 5, 9 жана 11-класстар күн алыс мектепке барып, калган учурда үйдө окушу мүмкүн.

57
Белгилер:
кеңеш, кийим, окуучулар, мектеп
Тема боюнча
1-класстар мектепке күн алыс барып окушу мүмкүн. Элмира Иманалиева менен маек
Туриндик Ювентус клубунун чабуулчусу Криштиану Роналдунун архивдик сүрөтү

Криштиану Роналду эзелки атаандашы Лионель Мессинин клубуна өтөбү?

151
(жаңыланган 17:38 13.08.2020)
Футболчунун агенти бир катар клубдарга байланышып, Роналдуну командаларына алууга каалоосун сураган. Арасында Барселонага да кайрылган.

БИШКЕК, 13-авг. — Sputnik. Туриндик "Ювентус" клубунун чабуулчусу Криштиану Роналдунун агенти Жорже Мендеш бир катар алдыңкы клубдарга футболчунун кызматын сунуштаган. Бул тууралуу sport.es маалымат булагы журналист Гильем Балагеге таянып билдиргенин РИА Новости жазды.

Топ клубдардын арасында Роналдунун эзелки атаандашы Месси ойногон каталондук "Барселона", Франциянын "Пари Сен-Жермен" (ПСЖ) жана бир катар түштүк америкалык клубдар бар.

Балаге Би-Би-Си радиосунун түз эфири учурунда Мендеш бир катар клубдар менен байланышка чыгып, келерки жылы Роналду менен келишим түзүүгө каалоосунун бар-жогун сураган. Анткени португалиялык футболчу чакыруу болсо башка клубда ойноо ниети бар экенин билдирген.

Кыргызстандык футболчу Гүлжигит Алыкулов УЕФАнын мелдешинде ойнойт

Журналисттин айтымында, беш жолку "Алтын топ" сыйлыгынын ээси, 35 жаштагы футболчу үчүн жаңы клуб издөөдөгү башкы көйгөй анын жылына алчу 23 миллион доллар маянасы болууда.

"Азыркы учурда футболчу үчүн мындай көлөмдөгү айлыкты төлөй турган клуб табылар-табылбасы белгисиз", — деди Балаге.

Роналду 2003-2009-жылдары Англиянын "Манчестер Юнайтед", 2009-2018-жылдары мадриддик "Реал" клубдарында ойногон. 2018-жылдан азыркы күнгө чейин Италиянын "Ювентус" командасынын намысын коргоп келет.

151
Белгилер:
Барселона ФК, трансфер, Криштиану Роналду, футбол
Тема боюнча
France Football: быйыл "Алтын топ" сыйлыгы берилбейт
Түркияда ойногон кыргызстандык жаш футболчу эл аралык сыйлыкка татыды
Кыргызстандын жаранынын паспорту жана акча. Архив

Кыргызстанда ID-картанын баасы кымбаттайт. Себеби

0
2017-жылдан бери Мамкаттоо кызматы жарандарга атайын чип орнотулган паспорт берип келет. Чипте жарандын фамилиясы, аты, атасынын аты, жеке номери, туулган жылы, дареги, үй-бүлөлүк абалы, улуту, сүрөтү жана электрондук кол тамгасы камтылган.

БИШКЕК, 13-авг. — Sputnik. Ушул жылдын 17-августунан тарта 2017-жылкы үлгүдөгү ID-картанын баасы кымбаттайт. Бул тууралуу Мамлекеттик каттоо кызматынан билдиришти.

Баанын жогорулашына акысыз бланктардын чыгарылбай калганы себеп болду.

Белгилей кетсек, 2017-жылдан бери Мамлекетти каттоо кызматы жарандарга атайын чип орнотулган паспорт берип келет. Чипте жарандын фамилиясы, аты, атасынын аты, жеке номери, туулган жылы, дареги, үй-бүлөлүк абалы, улуту, сүрөтү жана электрондук кол тамгасы камтылган.

"Буга чейин Кореянын Эл аралык кызматташтык агенттиги (KOICA) грант иретинде 1,9 миллион даана бланк берген. Келишим боюнча келерки бланктарды акы төлөп алышыбыз керек. Бир бланктын баасы 206 сом", — деп айтылат билдирүүдө.

Калкты тейлөө борборуна эми телефон аркылуу кезекке туруп коюуга болот

Мындан улам алгачкы жолу паспорт алып жаткан жаран 470 сом (206 сом бланк, 241 сом персонификациялоо, 23 сом банк кызматтарына) төлөшү керек. Ал эми биринчи жолу шашылыш түрдө алып жаткандар 1260 сом (206 сом бланк, 516 сом персонификациялоо, 518 шашылыш түрдө документ даярдоо, 20 сом банк кыматтарына) бериши зарыл. Бул документ 8 күн ичинде даярдалат.

0
Белгилер:
баа, паспорт, Кыргызстан
Тема боюнча
Жоголгон айдоочулук күбөлүк менен номерди кайра алуунун шарттары өзгөрдү