Тиш доктур. Архивдик сүрөт

Окумуштуулар: эркек кишилер улгайган сайын тиш доктурдан коркуп калышат

150
(жаңыланган 10:18 02.10.2017)
Окумуштуулардын айтымында, тиш доктурдун бөлмөсүнө кирген кишилердин бардыгынын жүрөк согушу ылдамдаган.

БИШКЕК, 2-окт. — Sputnik. Тюмень мамлекеттик университетинин окумуштуулары дарыгерлер менен биргеликте жүргүзгөн изилдөөсүнүн жыйынтыгын чыгарды. Анда 24-35 жаштагы эркек кишилер тиш доктурдан башка курактагыларга салыштырмалуу көбүрөк коркору аныкталган. Бул тууралуу РИА Новости агенттиги "Медицинская наука и образования Урала" журналына таянуу менен жазып чыкты.

Изилдөөгө тиштин кариес дартына чалдыккан 50дөн ашык бейтап катышкан. Окумуштуулардын айтымында, тиш доктурдун бөлмөсүнө кирген кишилердин бардыгынын жүрөк согушу ылдамдаган. Тиш тазалоочу аппараттан чыккан үн кишилердин тынчсыздануусун ого бетер арттырган.

Ал эми өспүрүм курактагы эркек балдар тиш доктурдан коркпой, өздөрүн эркин алып жүрүшкөн. Бирок жашы өйдөлөп калган кишилер дарыгердин бөлмөсүнө киргенде абдан тынчсызданышкан.

Тюмень мамлекеттик университетинин профессору, медицина илиминин доктору Николай Прокопьевдин айтымында, улгайган кишилердин ооруга болгон эмоционалдык-психологиялык таасири жогору. Андыктан алар айланада болуп жаткан нерсени жүрөккө жакын кабыл алышары изилдөөдө белгиленген.

150
Белгилер:
медицина, тиш, изилдөө, Окумуштуулар
Тема боюнча
Жаагыңды тешип салам! Тиш доктурдун жинин кашайткан 5 учур