Россиянын президенти Владимир Путин жана Түркмөнстандын башчысы Гурбангулы Бердымухамедов

Россиялык диктор түркмөн президентинин аты-жөнүн айта албай кыйналды

1668
(жаңыланган 11:37 05.10.2017)
Бердымухамедов Борбор Азия чөлкөмүндө туруктуулук менен коопсуздукту камсыздоого жана Түркмөнстан менен Россиянын ортосундагы мамилени чыңдоого кошкон салымы үчүн сыйланды

БИШКЕК, 3-окт. — Sputnik. Түркмөнстандын президенти Гурбангулы Бердымухамедовго Александр Невский атындагы орден тапшыруу учурунда диктор түркмөн башынын атасынын аты — Мяликкулиевич дегенди шар айта албай ыңгайсыз абал жаратты.

​Белгилей кетсек, 2-октябрда Россиянын президенти Владимир Путин Түркмөнстанга расмий иш сапары менен келген.

Бердымухамедовго аталган сыйлык Борбор Азия чөлкөмүндө туруктуулук менен коопсуздукту камсыздоого жана Түркмөнстан менен Россиянын ортосундагы мамилени чыңдоого кошкон салымы үчүн берилген.

Белгилей кетсек, Александр Невский ордени Кыргызстандын президенти Алмазбек Атамбаевге дагы эки тараптуу кызматташууга кошкон салымы үчүн ыйгарылган.

Александр Невский атындагы орден Россия империясында 1725-жылдан 1917-жылга чейин болуп келген. СССРде 1942-жылы кайта калыбына келтирилип, 1992-жылы Россиянын мамлекеттик сыйлыктарынын катарына киргизилген.

1668
Белгилер:
сыйлоо, Гурбангулы Бердымухамедов, Владимир Путин
Тема боюнча
Бекем ден соолук каалайм! Путин Атамбаевди туулган күнү менен куттуктады