Лас-Вегаста элди аткылаган киши мультимилионер болгон. ЖМКга анын сүрөтү чыкты

© AP Photo / Courtesy of Eric PaddockЛас-Вегаста элди аткылаган америкалык Стивен Пэддок
Лас-Вегаста элди аткылаган америкалык Стивен Пэддок - Sputnik Кыргызстан
Жазылуу
ЖМКлар жекшемби күнү Лас-Вегаста элди карай ок чыгарган кишинин өмүр баянын жазып чыкты

БИШКЕК, 3-окт. — Sputnik. Лас-Вегаста элди аткылаган америкалык Стивен Пэддок мультимиллионер болгон. Бул тууралуу Associated Press агенттиги анын бир тууган агасы Эрик Пэддокко шилтеме берүү менен жазып чыкты. 

Анын айтымында, Стивен кыймылсыз мүлккө инвестиция жасап байыган. Ал Лас-Вегаска жакын Мексит деген шаарда 2015-жылы 369 миң долларга сатып алган үйүндө жашап келген. Үйүнүн аймагында гольф талаасы, эки бассейн жана спортзал бар.

Эрик анын бир тууганы акчадан эч качан кыйналбаганын, бирок кумар оюндарына берилип жүргөнүн билдирген.

Кадры с места инцидента со стрельбой в Лас-Вегасе - Sputnik Кыргызстан
Лас-Вегастагы адамдарды аткылоо видеого түшүп калган
Ошондой эле 64 жаштагы Стивен Пэддок эки ирет үйлөнгөнү белгилүү болгон. Биринчи жубайы менен 90-жылдардын башында эле ажырашкан болсо, экинчи жубайы делген Мэрил Дэнли анын аялы эмес, шериги экенин ЖМКлар жазып келген.

Пэддок жекшемби күнү кечинде Лас-Вегасдагы аэропорт менен Mandalay Bay казиносунун ортосунда өтүп жаткан музыкалык фестиваль учурунда элге ок чыгарган.

Округдун шерифинин айтымында, анын 40тан ашык куралы болгон. Полиция отелден 23, Мекситтеги үйүнөн 19 даана ок атуучу курал тапкан.

Ал мейманкананын 32-кабатынан элди аткылаган. Ачык асман алдында өтүп жаткан музыкалык фестивалга ондогон адамдар келген болчу. Кылмыш жоопкерчилигин "Ислам мамлекети" террордук уюму алганы менен ФБР анын эл аралык террордук уюм менен мамилеси болгондугун далилдеген бир дагы илинчек тапкан эмес.

Бул АКШда адам өмүрүн алган эң ири окуялардын бири болуп калды.

Жаңылыктар түрмөгү
0