Сомалидеги жарылуу 85 адамдын өмүрүн алып кетти

© REUTERS / FEISAL OMARВззыв в районе Ходан горада Могадишо в Сомали
Вззыв в районе Ходан горада Могадишо в Сомали - Sputnik Кыргызстан
Жазылуу
Буга чейин 40 кишинин каза болгондугу жарыяланган

БИШКЕК, 15-окт. — Sputnik. Сомалинин борбору Могадишо шаарындагы жарылуудан курман болгондордун саны 85ке жетти. Бул туурасында РИА Новости "Аль-Жазира" телеканалына шилтеме кылып кабарлады. 

Буга чейин 40 кишинин каза болгондугу жарыяланган. Ишемби күнү жарылгыч заттар толтурулган автоунаа киши толо жүргөн көчөдө жарылган.

Телеканалдын берген маалыматына караганда, Сомалинин президенти Мохамед Абдуллахи Мохамед бул кайгылуу окуядан кийин өлкөдө үч күндүк аза күтүү жарыялады.

ЖМКлар Могадишо шаарындагы экинчи жарылуу тууралуу маалымдашкан. Андан эч ким жабыркаган эмес, ал эми тартип сакчылар жарылгыч заттар алынган автоунаанын айдоочусун кармады.

Жаңылыктар түрмөгү
0