Анкара шаары. Архив

Түркия: 20дан ашуун офицер өмүр бою түрмөдө отурмай болду

183
(жаңыланган 21:44 30.10.2017)
Бул иш боюнча 28 адам суралып, алардын үчөө акталган

БИШКЕК, 28-окт — Sputnik. Анкарадагы түрк соту Жээктеги коргоо кызматынын 25 офицерин Түркиядагы 2016-жылдагы төңкөрүш аракетине катышкандыгы үчүн өмүр бою абакта отурсун деген чечим чыгарды. Бул туурасында РИА Новости Anadolu агенттигине шилтеме кылып кабарлады.

Соттолгондордун ана башында аталган кызматтын мурдагы жетекчиси Хакан Устем да болду.

Бул иш боюнча 28 адам суралып жатса, сот алардын үчөөсүн актаган.

2016-жылдын 16-июлдун түнүндө көтөрүлүшчүлөр Түркияда төңкөрүш жасоого аракет кылган. Негизги каршылыктар Анкара жана Стамбул шаарларында болгон. Көтөрүлүш токтотулганы менен 240 түрк жараны каза таап, 2 миңден ашык адам жаракат алган. Бул аракеттер катуу күч менен басылган. Түркияда аталган окуядан кийин 50 миң киши камакка алынып, мамлекеттик 140 кызматкер ишинен бошотулган.

Түрк бийлиги төңкөрүш аракетине диний аалым Фетхуллах Гүленди күнөөлөп, АКШдан аны экстрадиция кылууну суранган. Ал эми диний аалым өзү көтөрүлүштү сынга алып, ага тиешеси жок экендигин айтып чыккан.

183
Белгилер:
офицер, түрмө, мамлекеттик төңкөрүш, сот, Түркия
Тема боюнча
Түркия бийлиги 62 козголоңчуну өмүр бою абакка отургузууну талап кылууда
Анкара Гүлендин тарапташтарын өмүр бою кесүү боюнча 3 миңге чукул бүтүм чыгарды