АКШ Түндүк Кореяга карата жаңы санкцияларды кабыл алат

© REUTERS / KIM HONG-JIЗапуск межконтинентальной баллистической ракеты в КНДР
Запуск межконтинентальной баллистической ракеты в КНДР - Sputnik Кыргызстан
Жазылуу
Дональд Трамп мындай чечимди Кытай президенти менен сүйлөшкөн кийин кабыл алды

БИШКЕК, 30-ноя. — Sputnik. АКШ президенти Дональд Трамп Түндүк Кореяга карата жаңы санкцияларды кабыл аларын өзүнүн Twitter тармагындагы баракчасына жазды.

​Эске салсак, шаршембиге караган түнү Япония жана Түштүк Кореянын аскерлери Түндүк Корея тарабынан рекета учурулуп, анын Япониянын жээктеринен 210 чакырым алыстыкта кулаганын аныкташкан.

Көп өтпөй Түндүк Кореянын бийлиги АКШнын аймагындагы каалаган бутага жетчү баллистикалык ракетасын сыноодон ийгиликтүү өткөргөнүн жар салган.

"Мен азыр эле Кытайдын президенти Си Цзиньпин менен Түндүк Корея тарабынан жасалып жаткан чагымчылык аракеттер тууралуу сүйлөштүм. Бүгүн Түндүк Кореяга каршы санкциялар жарыяланат. Кырдаал көзөмөлдө!" — деп жазды Трамп.

Праздничные мероприятия, посвященные 105-й годовщине со дня рождения Ким Ир Сена, в КНДР - Sputnik Кыргызстан
Түндүк Корея өзөктүү куралды келерки жылы жасап бүтөт
Андан соң АКШнын мамкатчысы Рекс Тиллерсон Вашингтондун санкциялар боюнча "узун тизмеси" бар экенин билдиргенин РИА Новости агенттиги билдирди. Макалада айтылгандай, чектөөлөрдүн катарында финансылык бөгөт коюулар дагы болот.

Ак үй президент Трамп Түндүк Корея тараптан АКШга жана өнөктөштөрүнө туулуп жаткан коркунучтан сактануу керектигин баса белгилегенин айтты. Ошондой эле ал Си Цзиньпинди Пхеньянды "эсине" келүүгө мажбурлаган мүмкүнчүлүктөрдү пайдаланууга чакырды.

Трамптын айтымында, Кытайдын башчысы Түндүк Корея менен ядердик көйгөйдү сүйлөшүү жолу менен чечүүгө даяр.

Жаңылыктар түрмөгү
0