АКШнын президенти Дональд Трамптын арихвидк сүрөтү

Трамп "Ислам мамлекетин" АКШ жеңгенин жар салды. Россиянын жообу

1083
(жаңыланган 12:42 14.12.2017)
Владимир Путин дүйшөмбү күнү Сириядагы Хмеймим шаарындагы авиабазага барып россиялык аскерлердин Сирия аймагынан чыгып кетишине буйрук берген

БИШКЕК, 13-дек. — Sputnik. Америкалык президент Дональд Трамп Ирак менен Сириядагы "Ислам мамлекети" террордук уюмунун согушкерлерин АКШ жок кылып, эми башка аймактардагы террорчулардын изине түшкөнүн жар салды. Бул тууралуу РИА Новости жазып чыкты.

Трамп террорчулар канчалык тез жайылып жатса, АКШнын аскерлери дагы ошончолук тездик менен алардын изине түшүп жатканын белгилеген.

Ал эми Россиянын Федеарация кеңешинин сенатору Алексей Пушков Сириядагы террорчуларды АКШ жок кылды деген Трамптын пикирине социалдык тармак аркылуу жооп кайтарды. Ал Ак үй башчысынын пикири америкалык тарыхчылардын "нацисттик Германия согушка АКШ кошулгандыгы үчүн жеңилген" деген риторикасын эске салганын билдирди.

"Бирөөнүн жеңишин өзүңөргө ыйгарып алганды токтоткула! Гитлерди жеңүү үчүн башкы ролду СССР ойноду. Ал эми АКШ экинчи фронтту ачуу үчүн үч жыл күтүп отурган", — деди ал.

Америкалык лидердин билдирүүсүнө Федерация кеңештин башчысы Константин Косачев дагы көңүл бурбай койгон жок. Анын айтымында, эгер АКШ террорчулардын изине азыркыдай түшүп жатса, согушкерлер тынчсызданбай эле койсо болот.

"Бир нерсени айтып коюу керек — эгер Америка согушкерлер менен азыркыдай күрөшүп "жеңип" жатса, анда террорчулар сүйүнө берсин. Анткени алар өздөрүн коопсуз сезе алат. Бирок, тилекке каршы, калган адамзатынын коопсуздугу коркунучта калат", — деди парламентарий.

Владимир Путин дүйшөмбү күнү Сириядагы Хмеймим шаарындагы авиабазага барып россиялык аскерлердин Сирия аймагынан чыгып кетишине буйрук берди. Президенттин айтымында, Россиянын аскерлери Сириянын өкмөттүк армиясы менен биргеликте "Ислам мамлекети" террордук уюмун жеңилүүгө дуушар кылды.

Россия Сирия бийлигинин суранычы менен 2015-жылдан бери аталган аймакта террорчулукка каршы операцияларды жүргүзүп келет. Ал эми АКШ өлкө бийлигинин уруксатысыз аймакка кирип келген.

1083
Белгилер:
Россия, Сирия, АКШ, 'Ислам мамлекети' террордук тобу, терроризм
Тема боюнча
Трамп Путин менен эмне тууралуу сүйлөшкөнүн Twitter баракчасына жазды
Сирия боюнча Астанадагы жолугушууну Пентагондун башчысы "натыйжасыз" деп атады
Стаканга суу алып жаткан адам. Архив

Диетолог суу тууралуу мифтерди жокко чыгарды

23
Дарыгер суу тууралуу азыр айтылып жүргөн айрым нерселерди жокко чыгарып, анын себептерин түшүндүрдү.

БИШКЕК, 1-авг. — Sputnik. Учурда суу жана анын адамдын организмине тийгизген таасири тууралуу айтылып жаткан нерселердин көпчүлүгү жөн гана миф. Бул тууралуу "Прайм" агенттигиндеги маегинде эндокринолог, диетолог Ульяна Румянцева айткан.

"Мисалы, бир күндө 2 литр суунун өзүн ичиш керек деп айтылып жүрөт. Бул туура эмес, ар кайсы организм уникалдуу, баарына 2 литр суу керек деген түшүнүк жок. Экинчиден, сөз болуп жаткан көлөм бир гана суудан турушу керектигин дагы эч ким далилдеген эмес. Ага чай, кофе, шире, шорпо кошула берет. Болгону алкоголь ичимдиги менен газдалган суусундуктарды эсептебеш керек", — деди дарыгер.

Адис логикалык жактан ойлонуп көргөндө деле элдин баарына 2 литрден суу ичүү системасы туура келбесин белгилейт. Таргыраак айтканда, эркектин организми аялдыкына караганда сууну көбүрөөк  талап кылат.

Ал эми толук адамдар учурдагы салмагына эмес, жашына жана боюна жараша идеалдуу деп эсептелген салмакка ченеп ичиши керек.

"Адам ооруп турган учурда, инфекция жуктуруп, дене табы көтөрүлгөндө болушунча көбүрөөк суу ичкени жакшы. Башка ооруларга чалдыккан учурларда ашыкча суу терс таасирин тийгизип коюшу мүмкүн", — деди диетолог.

Сөзүнүн аягында адис бардыгы индивидуалдуу экенин кошумчалады.

23
Белгилер:
суу, дарыгер, миф, ден соолук, адам, норма
Тема боюнча
Канадада жасалма уруктандыруу үчүн өз уругун пайдаланып жүргөн дарыгер кармалды
Кыргызстандык балбан Акжол Махмудов. Архив

Акжол, Мээрим, Үзүр. Кыргызстандык балбандардын алгачкы атаандаштары аныкталды

273
(жаңыланган 13:04 01.08.2021)
Бүгүн кыргызстандык балбандар чүчү кулак кармашкан. Алар эртең, 2-августта, саат 08:00дө килемге чыгат.

БИШКЕК, 1-авг. — Sputnik. Токиодогу Олимпиада оюндарында күрөш боюнча 2-августта килемге чыга турган кыргыз балбандарынын алгачкы атаандаштары аныкталды. Бул тууралуу Кыргызстандын күрөш федерациясынын маалымат кызматы кабарлады.

Бүгүн балбандар чүчү кулак кармашкан. Алар эртең, 2-августта, саат 08:00дө килемге чыгат.

Грек-рим күрөшүнөн 77 килограмм салмак категориясы боюнча катышып жаткан Акжол Махмудов Тунистин балбаны Ламджед Маафи менен кармашат.

68 килограмм салмак категориясы боюнча Мээрим Жуманазарова болгариялык Мими Христова менен күрөшөт. Анын атаандашы 28 жашта, 2020-жылы Европанын чемпиону болгон. 2016-жылы өткөн Олимпиаданын катышуучусу.

97 килограмм салмак категориясы боюнча Үзүр Жузупбеков армениялык Артур Алексанян менен беттешет. Ал дүйнөнүн үч жолку чемпиону, 2016-жылкы Олимпиаданын чемпиону.

273
Белгилер:
Олимпиада-2020, күрөш, балбан, чучу кулак
Тема:
2021-жылы Токиодо өтө турган Олимпиада оюндары
Тема боюнча
Бекдөөлөт Расулбеков Олимпиадада 6-орунду ээледи. Видео
Шашып кетти. Жоламан Шаршенбеков жарым финалга чыга албай калды