Ислам мамлекетинин башчысы Абу Бакр аль-Багдадинин архивдик сүрөтү

"Ислам мамлекетинин" башчысы АКШнын Сириядагы аскер базасында кармалып турат

947
(жаңыланган 15:59 18.12.2017)
Аль-Багдади жети командири менен кошо Иракта кармалып, андан соң Эль-Хасака шаарына жеткирилген

БИШКЕК, 18-дек. — Sputnik. Америкалык аскерийлер "Ислам мамлекетинин" башчысы Абу Бакр аль-Багдадини колго түшүрүп, аны азыр АКШнын Сириядагы аскер базасында кармап турат. Бул туурасында РИА Новости түркиялык Yeni Şafak гезитине шилтеме берип кабарлады.

Басылма Аль-Багдади Иракта кармалып, алгач Сириянын түндүк-чыгышындагы Рас-эль-Айн шаарында аскерий базасына, андан соң Эль-Хасака шаарындагы жайга алып келингендигин жазды.

"Ислам мамлекетинин" башчысы менен кошо топтун жети командири колго түшүрүлүп, анын бирин Ирактын жараны өлтүрүп салган", — деп жазды гезит.

Июнь айынын ортосунда Россиянын Коргоо министрлиги Ракка шаарынын жанында аль-Багдадинин аба космостук күчтөрдүн 28-майдагы соккусунан жок кылынды деген маалыматты текшерген. Кийинчерээк Пентагон анын тирүү экендигин кабарлаган.

Аль-Багдади (Ибрагим Авад Ибрагим аль-Бадри — ред.) коомчулукка 2014-жылдын июль айында Мосул шаарын басып алып, Жакынкы Чыгышта "ислам халифатын" орнотом деп жар салгандан тартып чыга баштаган. Андан бери Аль-Багдадинин жок кылынгандыгы тууралуу басылма беттеринде бир нече ирет маалымат чыгып, бирок тастыкталган эмес.

947
Белгилер:
"Ислам мамлекети" террордук тобу, Абу Бакр аль-Багдади, АКШ, Россия, Сирия, Ирак
Тема боюнча
ЖМК: "Ислам мамлекети" уюмунун башчысы тарапташтарына акыркы сөзүн айтты
Трамп "Ислам мамлекетин" АКШ жеңгенин жар салды. Россиянын жообу
Россияда көк бөрү боюнча эл аралык мелдеш

Россиядагы көк бөрү турнирин Москва командасы утуп алды. Сүрөт

15
(жаңыланган 16:46 14.06.2021)
Турнир Москва облусунун Сергиев Пасад шаарындагы Благовещенский талаасында болуп, Кыргызстан менен Россиядан төрт команда катышты.

БИШКЕК, 14-июн. — Sputnik. Россияда кыргыздын атактуу жазуучусу Чыңгыз Айтматовдун элесине арналган көк бөрү боюнча эл аралык мелдеш жыйынтыкталды.

Баш байгеге Айтматовдун кубогу ойнотулуп, аны Москва командасы утуп алды.

  • Команды во время международного турнира по кок-бору в России на кубок Чингиза Айтматова. 14 июня 2021 года
    Россияда кыргыздын атактуу жазуучусу Чыңгыз Айтматовдун элесине арналган көк бөрү боюнча эл аралык мелдеш жыйынтыкталды
    © Фото / пресс-служба Федерации кок-бору Кыргызстана
  • Команда из Московской области  выигравшая международный турнир по кок-бору в России на кубок Чингиза Айтматова. 14 июня 2021 года
    Баш байгеге Айтматовдун кубогу ойнотулуп, аны Москва командасы утуп алды
    © Фото / пресс-служба Федерации кок-бору Кыргызстана
  • Команды во время международного турнира по кок-бору в России на кубок Чингиза Айтматова. 14 июня 2021 года
    Турнир Москва облусунун Сергиев Пасад шаарындагы Благовещенский талаасында болуп, Кыргызстан менен Россиядан төрт команда катышты
    © Фото / пресс-служба Федерации кок-бору Кыргызстана
1 / 3
© Фото / пресс-служба Федерации кок-бору Кыргызстана
Россияда кыргыздын атактуу жазуучусу Чыңгыз Айтматовдун элесине арналган көк бөрү боюнча эл аралык мелдеш жыйынтыкталды

Турнир Москва облусунун Сергиев Пасад шаарындагы Благовещенский талаасында болуп, Кыргызстан менен Россиядан төрт команда катышты. Көк бөрүнүн маанисин эл аралык аренада көрсөтүп берүү үчүн Москва, Иркутск жана Подольск шаарларындагы командалардын ар бирине экиден кыргызстандык көк бөрүчү кошулуп ойноду.

Жарым финалда Подольск командасы "Атуул" (Кыргызстан) менен беттешип, 12:2 эсеби менен 3-орунду ээледи. Ал эми финалдык беттеште Москва облусунун командасы Иркутскинин улакчыларын 4:1 эсебинде утуп, баш байгеге ээ болду.

Мындан тышкары, Москва командасынан Бообек Шекербек уулу турнирдин мыкты оюнчусу, Иркутскинин "Бойка" аттуу аргымагы мыкты ат наамына татыды.

Сыйлоо аземине Көк бөрү федерациясынын президенти Искендер Кадыркулов, Спорттун улуттук түрлөрү боюнча дирекциянын директору Айбек Ажигулов жана Россия элдеринин ассамблеясынын аткаруу комитетинин төрагасынын орун басары Назиржон Абдуганиев катышкан.

Спорттун улуттук түрлөрү боюнча дирекция аталган турнирге катышуу үчүн 12 улакчыны Москвага жөнөткөн.

Белгилей кетсек, спорттук иш-чара Россия жана Евразия элдеринин "Русский мир" дене тарбия фестивалынын алкагында өткөрүлдү. Аны Спортту жана тынчтык маданиятын өнүктүрүүгө көмөктөшүү боюнча региондор аралык коомдук фонду, Россиянын Элдер ассамблеясы жана Кыргызстандын Көк бөрү улуттук федерациясы уюштурган.

15
Белгилер:
турнир, мелдеш, Көк бөрү, Россия
Тема боюнча
Россияда Айтматов атындагы эл аралык көк бөрү мелдеши башталды
"Русский мир" фестивалында көк бөрү мелдеши өтөт
Кыргызстандык белгилүү балбан Айсулуу Тыныбекова

Айсулуу Тыныбекова Бириккен күрөш уюмунун рейтингинде 1-орунга чыкты

49
(жаңыланган 16:03 14.06.2021)
Тыныбекова акыркы мелдешине чейин 62 килограмм салмактагы балбандар арасында бешинчи орунда турса, азыр биринчиге жайгашты.

БИШКЕК, 14-июн. — Sputnik. Кыргызстандык белгилүү балбан Айсулуу Тыныбекова Бириккен күрөш уюмунун (UWW) рейтингинин сап башына чыкты. Бул тууралуу спорттук уюмдун сайтында жазылды.

Жаңы рейтинг Польшадагы эл аралык турнир жыйынтыкталгандан кийин жарыяланды. Бул мелдеште Тыныбекова алтын алган.

Эми балбан кыз 62 килограмм салмактагылар арасында биринчи орунда турат. Ага чейин тизмеде бешинчи болчу. Экинчиге венгриялык Марианна Шаштин, үчүнчүгө бразилиялык Лаис Нуньес жайгашты.

49
Белгилер:
рейтинг, балбан, күрөш, UWW, Айсулуу Тыныбекова
Тема боюнча
Утулуп жатып утуп кетти. Тыныбекова Poland Open турниринин финалына чыккан видео
Айсулуу баш болгон балбан кыздар Польшадагы турнирге катышат. Убактысы