Кытай. Архивдик сүрөт

Булганган абанын түйүлдүк менен ымыркайга тийгизген терс таасири айтылды

99
(жаңыланган 12:25 30.12.2017)
Бир нече тест жасалгандан кийин дем алганда кирген зыяндуу абанын ар бир 10 микрограммы төрөлө турган ымыркайдын салмагын 4 граммга азайтары белгиленген

БИШКЕК, 29-дек. — Sputnik. Абанын булганышы басып жүргөн адамдын гана эмес, курсакта жаткан түйүлдүктүн андан аркы өнүгүшүнө, ымыркайдын салмагына терс таасирин тийгизет. Бул туурасында РИА Новости Times of India гезитине таянып билдирди.

Ченнаи шаарындагы Шри Рамачандра университетиндеги окумуштуулар тобу илимий изилдөөсүнүн жыйынтыгында жогорудагыдай тыянакка келишкен.

Бир нече тест жасалгандан кийин дем алганда кирген зыяндуу абанын ар бир 10 микрограммы төрөлө турган ымыркайдын салмагын 4 граммга азайтары айтылган.

Окумуштуулар Ченнаи шаарындагы жана жакын жайгашкан аймактагы кош бойлуу аялдардын 1200исине эксперимент жасап көргөн. Жаңы төрөлгөн бөбөктөрдүн салмагынын жетишсиздиги аларда жүрөк оорудан тарта гипертония, диабет сыяктуу олуттуу оорулардын пайда болушун шарттары келтирилген.

Илимпоздор абаны шаар жеринде негизинен жеке автоунаалардан бөлүнүп чыккан заттар, ал эми элетте жагылган көмүр, отун жана чым көң булгай турганын айтышкан.

99
Белгилер:
аба, Окумуштуулар, бала
Тема боюнча
Окумуштуулар чөнтөк телефондун жанында уктоонун зыяндарын айтып беришти
Окумуштуулар: чылым чеккен аял шал бала төрөшү мүмкүн