Всемирный саммит правительств в Дубае

Дубай полициясына суктанган Сапар Исаков, оозду ачырган "Көз" долбоору

3758
(жаңыланган 15:47 13.02.2018)
Саммитке 150гө жакын мамлекеттен келген өкмөт мүчөлөрү менен эл аралык уюмдардын өкүлдөрү укук коргоо, саламаттык сактоо, инвестиция жаатында тажрыйба алмашат

ДУБАЙ, 11-фев. – Sputnik. Бириккен Араб эмирлигинин Дубай шаарында өкмөттөр аралык дүйнөлүк алтынчы саммит өтүп жатат. Кыргызстандын атынан премьер-министр Сапар Исаков жетектеген делегация келген.

  • Дубай полициясы өзүнүн ишмердүүлүгү тууралуу презентация өткөргөндөн кийин Сапар Исаков атайын китепчеге каалоо-тилек калтырды
    Дубай полициясы өзүнүн ишмердүүлүгү тууралуу презентация өткөргөндөн кийин Сапар Исаков атайын китепчеге каалоо-тилек калтырды
    © Sputnik / Айида Батырбекова
  • Дубай полициясынын башкы кеңсеси
    Дубай полициясынын башкы кеңсеси
    © Sputnik / Айида Батырбекова
  • Полиция кызматкерлери ушул жерден күнү-түнү калааны онлайн режимде көзөмөлдөп турат
    Полиция кызматкерлери ушул жерден күнү-түнү калааны онлайн режимде көзөмөлдөп турат
    © Sputnik / Айида Батырбекова
  • Дубай полициясынын башчысы, генерал майор Абдулла Халиф Аль Марри өзүнүн командасы менен биргеликте ишке киргизилип, учурда ийгиликтүү иштеп жаткан долбоорлорун кенен айтып берди.
    Дубай полициясынын башчысы, генерал майор Абдулла Халиф Аль Марри өзүнүн командасы менен биргеликте ишке киргизилип, учурда ийгиликтүү иштеп жаткан долбоорлорун кенен айтып берди.
    © Sputnik / Айида Батырбекова
1 / 4
© Sputnik / Айида Батырбекова
Дубай полициясы өзүнүн ишмердүүлүгү тууралуу презентация өткөргөндөн кийин Сапар Исаков атайын китепчеге каалоо-тилек калтырды

10-февралда башталган иш-чара бүгүн күн соңунда аяктайт. Саммитке 150гө жакын мамлекеттен келген өкмөт мүчөлөрү менен эл аралык уюмдардын өкүлдөрү катышууда. Алар укук коргоо, саламаттык сактоо, инвестиция жаатында, дегеле мамлекеттик мекемелердин кызмат көрсөтүүсүн инновациялык жаңы деңгээлге көтөрүү боюнча тажрыйба алмашууну көздөшүүдө.

Кыргызстандын өкмөт башчысы 10-февраль күнү бир катар эки тараптуу жолугушууларды өткөрүүгө жетишти. Өзгөчө басым Дубай полициясы Кыргызстанда ишке ашканы жаткан "Акылдуу шаар" долбоорунун аналогун кандай иштетип жатканына жасалды.

Дубай полициясынын башчысы, генерал майор Абдулла Халиф Аль Марри өзүнүн командасы менен биргеликте ишке киргизилип, учурда ийгиликтүү иштеп жаткан долбоорлорун кенен айтып берди. Презентацияга өзү күбө болгон өкмөт башчы Сапар Исаков аткарылган ишке суктанып жатканын жашырган жок.

Дубай полициясы элге көрсөтүп жаткан кызматтарын кыргыз делегациясына айтып берди.

• Дубай полициясынын башкаруу борбору шаарга коюлган сегиз миң камера, дрон, кошумча мобилдик жабдыктар жана спутник аркылуу күнү-түнү шаардын көчөлөрүн көзөмөлдөп турат. Жабдыктардагы маалыматтар автоматтык түрдө эреженин бузулушун аныктап, жарандардын жүзүн тааный алат. Ошондой эле полиция камералардын жардамы менен Тез жардам болобу, ӨКМдин унаалары болобу же жөн гана айдоочу болобу, учурда кайсы көчөдө турганын атай алат.

• Дубайда Dubai Polis көп функциялуу тиркемеси аркылуу жарандар айып пулдарын төлөп, кырсык, кылмышкерлер тууралуу полицияга кабар бере алат. Ошондой эле тийиштүү кеп-кеңеш дагы ала алышат. Бул тиркемени учурда 2 миллионго жакын адам колдонот.

• SOS кызматы. Жогоруда аталган тиркемеде жарандар үчүн SOS кызматы иштейт. Кооптуу жагдайга кабылган жаран ошол кнопканы басып койсо, полиция жаран учурда каерде турганын аныктап тез жетип барат.

• "Айдоо режими" же "кырсыктын алдын алуу" сервиси. Полиция башчысы өткөн жылы Дубайда 240 миңге жакын жол кырсыгы катталгандыктан бул сервистин мааниси зор экенин белгиледи. Анын айтымында, эгер айдоочу кетип бара жаткан жолдо жол кырсыгы катталган болсо, анын уюлдук аппаратына кырсык тууралуу билдирме келип түшөт дагы, ага башка альтернативдүү жолдор сунушталат.

• Жол эрежесин бузгандыгы үчүн айып пулду айдоочу тиркемеге үн менен, тагыраагы, сүйлөп команда берип төлөй алат. Үн командалары жасалма интеллектинин жардамы менен кабыл алынып, иштетилет.

• "Акылдуу полиция" (Smart Police Station) участогуна келген жаран полиция кызматкерин күтүп отурбастан, санариптик монитор аркылуу эле арызын таштап кете берет. Мындай кызматтардын арты менен элден келген арыздардын 80 пайызы онлайн түшүп, полиция бюрократияны жараткан кагаздан арылган.

• "Көз" долбоору. Бул программа кылмыш качан жана кайсы аймакта болушу мүмкүн экенин аныктайт. Өткөн жылдардагы статистика программанын 60 пайыз анализи туура чыкканын көрсөткөн. Аталган программа шаардын кайсы көчөлөрүндө полициянын көптүгүнө, күмөндүү жагдайларга "көңүлүн буруп" ошонун негизинде алдын ала кайсы жерде кылмыш болушу мүмкүндүгүн айтып берет.

Дубай полициясынын презентация учурунда берген маалыматына караганда, ушундай сыяктуу кызматтардын саны 90дон ашат. Дубайда жарандары жоголуп кеткен өлкөнүн өкүлчүлүктөрү жергиликтүү полицияга онлайн аркылуу түз кайрыла алары белгиленди.

Мындай мамлекеттик кызматттарга кызыккан Сапар Исаков алардын тажрыйбасы Кыргызстанда "Акылдуу шаар" долбоорун ишке ашырууда өтө маанилүү экенин билдирди. Дубай тарап өз учурунда Кыргызстан тажрыйбага муктаж болсо адистерди жиберүүгө даяр экенин айтты. Ал эми өкмөт башчы жакынкы аралыкта Дубай полициясынын башчысына жана анын командасына расмий чакыруу жиберерин билдирди.

3758
Белгилер:
Дубай, полиция, кылмыш, тиркеме, онлайн
Тема боюнча
Исаков Дубайдын "акылдуу шаар" долбоору менен таанышты. Премьерди коштоп баргандар
Бириккен Араб Эмиратына туризм тармагында кызматташуу сунушталды

Белгилүү боксчу көз караштар таймашында атаандашынын бетин тытып алды. Видео

98
(жаңыланган 12:31 23.09.2021)
Бул 6-ноябрь күнү Лас-Вегаста (АКШ) өтө турган беттешке карата уюштурулган биринчи маалымат жыйын болгон.

БИШКЕК, 23-сен. — Sputnik. Мексикалык боксчу, WBA, WBC жана WBO чемпиону Сауль (Канело) Альварес америкалык IBF титулунун ээси, супер орточо салмактагы Калеб Планттин бетин тытып алды. Бул туурасында ESPN телеканалы жазды.

Белгилүү мушкерлердин жаңжалы көз караштар таймашы учурунда чыккан. Алгач алар айтыша кетип, андан соң мексикалык боксчу америкалык атаандашын түртүп жиберген. Ага жооп катары кайтып келип алаканы менен чапкан. Аларды күзөтчүлөр арачалап, токтотуп калган. Натыйжада Альварестин бетинин оң тарабы тытылып кеткен.

"Сен мен тууралуу оозуңа келгендин баарын айтсаң да, апама тийишпе. Мен апам тууралуу жаман нерсе айткан кишинин ар бири менен мушташам", — деп айткан Альварес жаңжалдан кийин журналисттердин суроосуна жооп берип жатып.

Бул 6-ноябрда Лас-Вегаста (АКШ) өтө турган беттешке карата уюштурулган биринчи маалымат жыйын болгон. Ал күнү супер орточо салмак категориясындагы абсолюттук чемпион аныкталат.

98
Белгилер:
бокс, көз караштар таймашы, атаандаштык, мушташ
Тема боюнча
"Нокауттардын ханышасы". Шевченко UFC уюмун кантип багындырган. Видео
Жаракат алгандары бар... Казакстанда спортчулар чабыша кеткен видео
Россиянын Кыргызстандагы элчиси Николай Удовиченко. Архив

Россиянын элчиси мекендештери менен тыгыз иштешкен кыргыз бийлигин үлгү кылды