Вино. Архив

Эммануэль Макрон шарапты алкоголдук ичимдикке кошууга каршы чыкты

94
(жаңыланган 18:04 24.02.2018)
Макрон шайлоо кампаниясында салттуу француз ичимдигин жактап, Франциянын адабият, маданият, кино тармагын шарапсыз элестетүүгө болбой турганын айтып келген.

БИШКЕК, 23-фев. — Sputnik. Франциянын президенти Эммануэль Макрон шарапты алкоголдук ичимдик катары эсептебей турганын, аны бир күндө эки жолу ичээрин айтты. Бул тууралуу France Info радиостанциясына шилтеме берип РИА Новости агенттиги жазды.

"Жаштардын организми арак, сыра сыяктуу алкологдук ичимдиктерден бузулуп жатат. Бирок буга шараптын эч тиешеси жок. Мен президент болуп турганда алкоголь жана чылым чегүү боюнча көзөмөлдү катуулатуу боюнча мыйзамга өзгөртүүлөр киргизилбейт. Мен өзүм шарапты күндүз жана кечинде ичем", — деди Макрон.

Президенттин мындай билдирүүсүнө февраль айынын башында өлкөнүн Саламаттык сактоо министри Аньес Бузиндин көтөрүп чыккан демилгеси себеп болду.

"Шарап индустриясы ал башка ичимдиктерден өзгөчө, ден соолукка зыяны жоктой кылып көрсөтүлүп жатат. Бирок ал арак, сыра, виски сыяктуу эле адамга залакасын тийгизет. Ошондуктан мыйзам чегинде чектөөлөр киргизилиши керек", — деген министр.

Эске салсак, Макрон шайлоо кампаниясында салттуу француз ичимдигин жактап, Франциянын адабият, маданият, кино тармагын шарапсыз элестетүүгө болбой турганын айтып келген.

94
Белгилер:
Франция, Эммануэль Макрон, шарап, алкоголь
Тема боюнча
Адам баласы ичимдиктен качан кутулат? Окумуштуулардын иликтөөсү
Илимпоздор күнүнө бирден чылым чегүү кандай таасир этерин айтып беришти
Ыйлаган кыз Архивдик сүрөт

Психолог: балага кол көтөрбөш керек, жазанын башка түрлөрү бар

10
Адистин айтымында, баланы жазалоонун негизги максаты — ката кетиргенин сездирип, кийинкиде туура чечим кабыл алууга үйрөтүү.

БИШКЕК, 17-сен. — Sputnik. Баланы жазалоо үчүн эч качан ур-тепкиге албаш керек. Бул тууралуу РИА Новости агенттигине маек куруп жатып психологдор Александр Колмановский жана Екатерина Кес айтты.

Алгач адистердин бири жазанын негизги максатын түшүндүрдү.

"Баланы жазалоонун негизги максаты — ката кетиргенин сездирип, кийинкиде туура чечим кабыл алууга үйрөтүү. Мисалы, канткенде туура эмес болорун, анын аркасынан ата-эне кандай санаа тартып, үйдө кандай абал түзүлөрүн түшүндүрүү зарыл. Анткени бала өзү көп нерсени түшүнө элек, жашоо тажрыйбасы аз, ага азыр оюн эле болсо болду. Ошондуктан "экинчи минтпейсиң же антпейсиң" деп жалаң коркутуп сүйлөп, ур-тепкиге алганда, ал эч нерсени түшүнбөй калат. Анализ кыла албайт. Жөн гана коркуп, жек көрүп же жалакайлык мүнөз калыптанат", — деди Екатерина Кес.

Адистер бала алгачкы жолу ката кетиргенде түшүндүрүү жолу менен маселени чечип, кийинкилеринде чектөө коюуну сунуштаган.

"Айткан тилди укпай, кайра эле катасын кайталай берсе, жөн гана ал жакшы көргөн нерселерден оолактатып коюу керек. Мисалы, компьютердик оюндарга, көчөгө ээн-эркин чыгып ойноосуна чек коюп койсо, жаза таасирдүүрөөк болот", — деди Кес.

Ал эми Александр Колмановский адистердин бул кеңешин айрым ата-энелер туура эмес кабыл алышы мүмкүн экенин айтат.

"Муну уккандардын айрымдары "бизди ата-энебиз урушуп, уруп тарбиялаган. Сопсонун эле киши болбодукпу" деп айтышы мүмкүн. Бирок биз сопсонун, телегейибиз тегиз экенин кантип далилдей алабыз? Көпчүлүк адамдардын өксүгү, комплекси бар. Мунун баары балалыктан калган психологиялык жарааттын изи", — деди адис.

Буга чейин психолог баланы жоопкерчиликке кантип үйрөтсө болорун айтып берген.

10
Белгилер:
уруш, психология, тарбия, ата-эне, бала
Тема боюнча
Баланы жоопкерчиликке кантип үйрөтсө болот? Адистин кеңеши
Өч алууну ойлоно берем. Жолдошу таштап кеткен аялдын каты
Кытайдын Тышкы иштер министри Ван И президент Садыр Жапаров менен жолукту

Кытай Кыргызстанга 100 млн. доллар жана миллион доза вакцина берүүгө даяр

221
(жаңыланган 23:02 16.09.2021)
Президент Садыр Жапаров Кытайдын тышкы иштер министри Ван И менен Душанбеде жолугуп, бир катар маселелерди талкуулады.

БИШКЕК, 16-сен. — Sputnik. Кытай өкмөтү Кыргызстандын социалдык-экономикалык өнүгүүсүн колдоо иретинде 650 миллион юань (100 миллион доллардын тегереги) менен коронавирустук инфекцияга каршы кытайлык вакцинанын 1 миллион дозасын берүүгө даяр. Бул тууралуу Кытайдын тышкы иштер министри Ван И президент Садыр Жапаров менен жолукканда билдирди.

Тараптар Душанбеде өтүп жаткан ЖККУнун Жамааттык коопсуздук кеңешинин саммити менен ШКУ башчыларынын отурумунун алкагында баарлашкан.

  • Президент Кыргызской Республики Садыр Жапаров принял члена Государственного совета, министра иностранных дел Китайской Народной Республики Ван И. 16 сентября 2021 года
    Кытайдын Тышкы иштер министри Ван И президент Садыр Жапаров менен жолукту
    © Пресс-служба президента КР / Султан Досалиев
  • Член Государственного совета, министр иностранных дел Китайской Народной Республики Ван И во время встречи с президентом КР Жапаровым
    Тараптар Душанбеде өтүп жаткан ЖККУнун Жамааттык коопсуздук кеңешинин саммити менен ШКУ башчыларынын отурумунун алкагында баарлашкан.
    © Пресс-служба президента КР / Султан Досалиев
1 / 2
© Пресс-служба президента КР / Султан Досалиев
Кытайдын Тышкы иштер министри Ван И президент Садыр Жапаров менен жолукту

Жапаров Кыргызстан Кытайды негизги соода инвестициялык өнөктөштөрдүн бири катары карай турганын жана биргелешкен инвестициялык долбоорлорду ишке ашырууга кызыкдар экенин билдирген.

Президент учурда өлкөдөгү инвестициялык климатты жакшыртуу боюнча активдүү чаралар көрүлүп жатканын кошумчалаган. Анын айтымында, кыргыз тарап эки өлкө ортосундагы туруктуу аба каттамдарын жандантууну маанилүү деп эсептейт.

Кытай — Кыргызстан — Өзбекстан темир жолунун курулушу боюнча да кеп болуп, Жапаров долбоорду ишке ашыруу Кыргызстан үчүн эле эмес, жалпы регион үчүн маанилүү экенин белгилеген.

"КЭР мамлекеттик кеңешинин мүчөсү, тышкы иштер министри Кытай өкмөтү өлкөнүн социалдык-экономикалык өнүгүүсүн колдоо иретинде Кыргызстанга 650 миллион юань (100 миллион АКШ долларынын тегерегинде) бөлүүгө даярдыгын айтты. Ошондой эле коронавирустук инфекцияга каршы кытайлык вакцинанын кошумча партиясын (1 миллион доза) жана медициналык каражаттарды берүү чечимин кабыл алганын билдирди", — деп айтылат маалыматта.

Мамлекеттик кеңештин мүчөсү Кытай тараптын автоунаа жолдорун куруу жана ирригациялык түйүндөрдү кеңейтүү тармактарында биргелешкен долбоорлорду ишке ашырууга кызыкдар экенин билдирген. Мындан сырткары, тараптар регионалдык коопсуздук маселелерин талкуулаган.

221
Белгилер:
Кыргызстан, Кытай, Садыр Жапаров, вакцина, каражат
Тема:
Коронавируска каршы эмдөө
Тема боюнча
3 млн. бет кап, коргоочу костюм. Кыргызстанга Кытайдан гумжардам келди