Уруш. Архивдик сүрөт

Оюндан от чыга жаздаганда. Кишилерди поезддин алдынан тартып чыккан видео

267
(жаңыланган 10:40 06.04.2018)
Видеодон платформанын кырында турган чоң эле балдар бири-бирин түртүп, күрөшүп ойноп жатып, келе жаткан поезддин алдына кулап түшкөнүн көрүүгө болот.

БИШКЕК, 6-апр. — Sputnik. Алагүү болуп алган эки жигит метродо күрөшүп ойноп кетип, поезд келе жатканда рельске кулап түшкөн. Жүрөктөн суусун алган видео YoutTube каналга жарыяланды.

Окуя 1-апрелде Лондон шаарындагы Green Park станциясында болгон. Анда платформанын кырында турган чоң эле балдар бири-бирин түртүп, күрөшүп ойноп жатып, келе жаткан поезддин алдына кулап түшкөнүн көрүүгө болот. Айланасында тургандар көз ачып жумганча кулап түшкөн экөөнү тартып чыгарып алууга жетишкен.

Шакылдап өтүп бара жаткан поезддин алдында бирөөнүн кийими кала берип, ал бир караганда киши сымал көрүнүп кетет. Окуянын күбөсү болгондордун бири эки жигит тең аман-соо экендигин, жан-жакадагылар алардын өмүрүн сактап калгандыгын айтып берди.

Ошол жерден турган кыз эки бала эч нерсе болбогон сымал поездге кирип, андан ары жолун улаганын, бирок поезд баары бир 15 мүнөткө кармалып турганын жазган.

Бул окуя жакшы аяктады. Ал эми жакында эле трагедия болуп, Бишкек — Мерке каттамы менен бараткан поезд илип кетип 15 метрге чейин сүйрөп барган өспүрүм ооруканада каза болду.

267
Белгилер:
жигит, трагедия, оюн, поезд, станция
Тема боюнча
Селфинин айынан индиялык үч студент поезд алдында калып каза тапты
Бышырылган жумуртка. Архив

Адис: жумуртка диабеттен жабыркагандар үчүн пайдалуу тамак

34
Дарыгерлер жумурткадан жасалган эртең мененки тамак адамды узак убакытка ток кармап, денедеги майдын азайышына өбөлгө болорун белгилешет.

БИШКЕК, 5-дек. — Sputnik. Жумуртка экинчи типтеги диабет менен жабыркагандар үчүн пайдалуу азык. Бул тууралуу РИА Новости Америкалык диабет ассоциациясына шилтеме берип жазды.

Адистер тооктун бир жумурткасында бир граммга жетпеген углевод жана жети граммга жакын белок бар экендигин айтышат. Мындан сырткары, жумуртка нервди жана булчуңдарды чыңдап, жүрөк-кан тамыр системасын жакшыртуучу калийдин булагы экендигин белгилешет.

"Жумуртканы ачкарын такай жеп туруу экинчи типтеги диабет менен жабыркаган адамдардын канындагы глюкозанын деңгээлин жакшыртууга мүмкүн экенин изилдөөлөр көрсөттү", — деп айтылат маалыматта.

Дарыгерлер жумурткадан жасалган эртең мененки тамак адамды узак убакытка ток кармап, ашыкча тамак жеп алуудан сактап, денедеги майдын азайышына өбөлгө болорун белгилешет.

34
Белгилер:
жумуртка, кеңеш, диабет, диета, ден соолук
Тема боюнча
Кант диабети менен ооругандар арзандатылган тесттерди сатып алса болот
Немец диетологдору ачкарын жегенге болбой турган азыктарды атады
Уктап жаткан киши. Архивдик сүрөт

Дарыгер коркунучтуу түштөрдөн кантип арылса болорун айтып берди

59
Сомнолог адамдын жаман түштөрү эки топко бөлүнөрүн айтты. Экөө тең кишинин психологиялык абалынан көз каранды экен.

БИШКЕК, 5-дек. — Sputnik. Түндө жаман түштөр кирип же адамдын уктап жатып кыйналышына күндүзгү стресстик абал себепкер болот. Бул тууралуу медицина илимдеринин доктору, сомнолог Роман Бузуновго шилтеме берип РИА Новости жазды.

"Мисалы, жаңылыктарды бир күндө 15 мүнөт карап коюу жетиштүү. Башка убакта негативди карап отура бербей, колдон келсе сейилдеп келиңиз. Көп кыймылдап, үй жумуштарын жасаңыз. Чарчаганга чейин жумуш кылуу стресс менен жагымсыз ойлордон арылуунун эң сонун жолу. Маанай чөгүп, ал кеткенде кофе же таттуулар менен алаксыбай, чуркап же дене көнүгүүлөрүн жасаңыз", — деди сомнолог.

Анын айтымында, адамдын жаман түштөрү эки топко бөлүнөт.

"Биринчиси — ар кандай сюжеттеги түштөр. Алар мээ бир нерсеге бушайман болуп, бирок ошол кырдаалдан чыгып кетүүгө жол издеп жатканда кирет. Экинчиси — бир эле окуя кайталана берген түштөр. Ал бир нерсеге көнө албай же маанилүү чечим кабыл ала албай жаткан адамдарга көп кирет", — деди профессор.

Мындан тышкары, адис көпчүлүк учурда адамдын күнү кандай өтсө, уйкусу дагы дал ошондой болорун кошумчалады.

59
Белгилер:
психология, ден соолук, адам, адис
Тема боюнча
Окумуштуулар уйкусуздуктун таң калычтуу себебин табышты
Уйку канат. Дарыгер кумшекерден баш тартуунун пайдасын айтты
Томографиядан бейтапты өткөргөн медиктер. Архивдик сүрөт

Коронавирус жуктуруп алгандар жана айыккандар. Соңку маалымат

0
(жаңыланган 11:35 05.12.2020)
Бүгүнкү статистикада илдетти илештирип алгандардын саны ооруканадан айыгып чыккандарга караганда аз.

БИШКЕК, 5-дек. — Sputnik. Кечээтен бери Кыргызстанда 401 адам коронавирус жуктуруп алса, дарыланып жаткан 425 адам айыгып чыкты. Бул тууралуу Республикалык штаб кабарлады.

Оору жуктургандар төмөнкү аймакта:

  • Бишкек - 99;
  • Ош - 20;
  • Чүй облусу – 133;
  • Ош облусу - 22;
  • Талас облусу - 15;
  • Нарын облусу - 2;
  • Ысык-Көл облусу – 45;
  • Жалал-Абад облусу – 39;
  • Баткен облусу - 26.

Айыккандар:

  • Бишкек – 124;
  • Ош шаары – 10;
  • Чүй облусу – 102;
  • Ош облусу – 11;
  • Талас облусу – 16;
  • Нарын облусу – 9;
  • Ысык-Көл облусу – 40;
  • Жалал-Абад облусу – 60;
  • Баткен облусу – 53.

Ушуну менен пандемия башталгандан тарта оору илештирип алгандардын саны 74 774 болду. Анын 66 538и айыгып чыкты.

0
Белгилер:
айыгуу, жуктуруу, оорукана, бейтап, Кыргызстан, коронавирус
Тема:
Кыргызстандагы коронавирус жуктуруп алгандар
Тема боюнча
ЖАМК: абактагы 100дөй адам коронавирус жуктуруп алган, каза болгондору да бар