Франциянын президенти Эммануэль Макрондун архивдик сүрөт

Франция президенти Макрон коалиция Сириядан качан кете турганын айтты

184
(жаңыланган 10:27 17.04.2018)
Биздин жоопкерчилик "Ислам мамлекетинен" да ары тереңдеп кетти деген өлкө башчы.

БИШКЕК, 16-апр. — Sputnik. Эл аралык коалициянын Сириядагы аскердик милдеттери "Ислам мамлекети" тероордук уюмдары менен согуш бүткөндө аяктайт, мындан сырткары, Сирияны калыбына келтирүү жоопкерчилиги турат. Бул туурасында Франциянын президенти Эммануэль Макрон айткандыгын РИА Новости жазды.

Ал жогорудагы пикирин Жаңы Зеландиянын премьер-министри менен жолугуп жатканда билдирген.

"Аскердик аракеттер "Ислам мамлекети" террордук уюмдарына каршы жасалууда. Алар милдетинин аягына качан гана бул террордук уюм менен күрөш бүткөндө чыгат. Франция да ошондой эле (АКШ сыяктуу – ред.) маанайда. АКШ туурасында да айта кетсем. Алар операцияларды жүргүзүү чечимин биз менен кошо кабыл алгандыктан, биздин жоопкерчилик "Ислам мамлекетинен" да ары тереңдеп кетти. Бул аталган өлкөдөгү гуманитардык жана тынчтыкты кайра ордуна келтирүү жоопкерчилиги", — деген Макрон.

14-апрелдин таңында АКШ, Улуу Британия жана Франциянын куралдуу күчтөрү Сириядагы объектилерге абадан сокку урган. Жалпысынан 103 ракета чабуул койсо, алардын 32си мелжеген жерине жеткен. Биринчи сокку изилдөө борборуна, экинчиси алар зарин заты сакталып турган деп эсептеген "химиялык куралдардын кампасына" жасалган.

Көп өтпөй үч мамлекеттин Сирияга болгон чабуулунун алгачкы видео, сүрөттөрү чыкты.

184
Белгилер:
коалиция, террорчулук, "Ислам мамлекети" террордук тобу, Эммануэль Макрон, Франция, Сирия
Тема:
Батыш коалициясынын Сирияга болгон чабуулу (11)
Тема боюнча
Жүрөгүң түшөт! Сирияга болгон чабуулдун алгачкы видео, сүрөттөрү чыкты
Россия ТИМи Сириядагы химиялык чабуул жасалма экенин айтты
Прездинет Садыр Жапаров Казакстандын президенти Касым-Жомарт Токаев менен. Архив

Токаев Жапаровду жаңы Конституциянын кабыл алынышы менен куттуктады

38
(жаңыланган 00:49 06.05.2021)
Токаев Казакстан Кыргызстандын стратегиялык өнөктөшү жана союздашы катары ар тараптуу колдоо көрсөтүүгө даяр экенин билдирди.

БИШКЕК, 6-май — Sputnik. Казакстандын президенти Касым-Жомарт Токаев кесиптеши Садыр Жапаровду жаңы Конституциянын кабыл алынышы менен куттуктады. Бул тууралуу Акорданын сайтында жазылган.

Казакстандын лидери жиберген куттуктоо телеграммасында Нур-Султан Бишкекке ар тараптуу колдоо көрсөтүүгө даяр экендиги айтылат.

"Эл тарабынан колдоого алынган Баш мыйзам Кыргызстанды өнүктүрүүнүн, суверендүүлүгүн коргоонун жана коомду андан ары консолидациялоонун узак мөөнөттүү стратегиясынын негизин түзөт. Сиздин демилге жана реформаларыңызды ийгиликтүү ишке ашыруу кыргыз мамлекеттүүлүгүн бекемдөөгө, өлкөнүн эл аралык аренада кадыр-баркын жогорулатууга өбөлгө түзөт. Казакстан Кыргызстандын стратегиялык өнөктөшү жана союздашы катары мындан ары дагы ар тараптуу колдоо көрсөтүүгө даяр", — деп айтылат билдирүүдө.

Жыйынтыгында Токаев Жапаровго кыргыз элинин бакубаттуулугу жана келечеги үчүн жооптуу миссиясында чоң ийгиликтерди каалады.

Садыр Жапаров 5-майда жаңы Конституцияга кол койду. Анын алкагында кыргыз өкмөтү министрлер кабинети болуп өзгөрдү

38
Белгилер:
Садыр Жапаров, Касым-Жомарт Токаев, Казакстан, Кыргызстан
Тема:
Жаңы Конституциянын долбоору жана референдум
Тема боюнча
Көбү ордунда калды. Министрлер кабинетинин мүчөлөрүнүн тизмеси
Кыргыз өкмөтү министрлер кабинети болуп өзгөрдү. Жапаров жарлыкка кол койду
Президент Садыр Жапаров

Садыр Жапаров 9-майга карата Москвага барбайт. Себебин Байтерек түшүндүрдү 

728
(жаңыланган 00:44 06.05.2021)
Тажикстандын президенти Эмомали Рахмондун Россияга сапары кыргыз-тажик чек арасындагы жаңжалга чейин макулдашылганы айтылды.

БИШКЕК, 6-май — Sputnik. Кыргызстандын мамлекет башчысы Садыр Жапаров Улуу Жеңиш күнүнө карата (9-май) Москвага барбайт. Бул тууралуу президенттин маалымат кызматынан билдиришти.

5-майда айрым ЖМКлар 9-майдын алдында, тагыраагы, 8-майда Россиянын президенти Владимир Путин Тажикстандын башчысы Эмомали Рахмон менен Москвадан жолугушарын жазышкан. Ал эми Путиндин маалымат катчысы Дмитрий Песков Жапаровдун сапары пландалбаганын айтканы кабарланган. Бул өз учурунда соцтармакта кызуу талкуу жаратты. КР президентинин маалымат катчысы болсо төмөнкүлөрдү билдирди.

“Президент Садыр Жапаров пандемиядан улам 9-майда Москвага барууну пландаган жок. Россия тарап дагы быйыл Жеңиш күнүнүн юбилейлик датасы болбогондуктан КМШнын лидерлери расмий түрдө чакырылбаганын маалымдап, буга пандемия дагы себеп экенин белгилешти. Ал эми Тажикстандын президентинин Москвага болгон сапары бир ай мурун эле макулдашылган”, — деди Байтерек.

Белгилей кетсек, буга чейин ЖМКлар дагы Тажикстандын президенти Эмомали Рахмондун Россияга сапары кыргыз-тажик чек арасындагы жаңжалга чейин макулдашылганын жазышкан.

728
Белгилер:
Эмомали Рахмон, Тажикстан, Владимир Путин, Россия, Садыр Жапаров, Кыргызстан
Тема боюнча
БУУнун жогорку комиссары өкмөттүн чек арадагы жаңжалды жөнгө салуусун кубаттады