Жылкылар. Архив

Жылкы адамдын кыял-мүнөзүн эстеп калуу жөндөмүнө ээ экени айтылды

549
(жаңыланган 10:13 01.05.2018)
Аттан сырткары ит, шимпанзе, карга жана панданын чоңу сүрөттөн көрүп туруп эле адамдын маанайын билип коеру белгилүү болду

БИШКЕК, 30-апр. — Sputnik. Британиялык психологдор жылкы адамдын кыял-жоругун, мүнөзүн туюп-билүү менен чектелбестен, аны эстеп каларын да аныктап чыкты. Бул туурасында Current Biolgy сайтына окумуштуулар жазганын nplus1.ru кабарлады.

Ат кишини экинчи ирет көрсө, мурдагы жолуккан учурдагы маанайын эстеп калат да, ошого жараша мамиле кылары айтылган.

Кээ бир жаныбарлар, маселен, ит, шимпанзе, карга жана панданын чоңу сүрөттөн көрүп туруп эле адамдын маанайын билип кое алат экен. Каргалар кооптуу деген кишини эстеп каларын окумуштуулар изилдеп чыккан. Бирок ушу күнгө чейин жаныбарлардын кишинин болор-болбос эмоциясын сезип жана аларды эстеп калары белгисиз болуп келген.

Сассекск университетинин психологдору Карен Маккомбдун жетекчилиги менен 48 атка тажрыйба жасап көргөн. Жаныбарларды экиге бөлүп, аларга ачууланган жана күлүп турган эки кыздын биринин сүрөтүн көрсөткөн. 3-6 сааттан кийин ошол эле кыз кайра кирип, эмоциясы жок турган. Кыздын эки сүрөттүн кайсынысын жылкыларга көрсөткөнүнөн кабары болгон эмес. Тажрыйбага алынган көзөмөл тобундагы атка адегенде күлүп же ачууланган сүрөттү көрсөтүшкөн, ал эми бир аздан соң короого башка кыз кирген. Тест учурунда жылкылардын жүрөгүнүн кагышын тыңшап жана өздөрүн кандай алып жүрөрүнө көз салышкан.

Эксперименттеги жылкылар кызды биринчи ирет көргөндөгү ачууланып турган учурун эстеп калган жана экинчи көргөндө чунаңдап, бышкырып, стресс болгонун көрсөткөн. Ал эми көзөмөл тобундагы аттар кызды көргөндө эч нерсе болгон эмес.

Буга чейин окумуштуулар эгерде жаныбарлар адамдын жүзүн жаман маанай менен эстеп калса, алардын мээсинин оң жарым шары активдешип, адамды сол көзү менен карай турганын айтышкан. Макаланын авторлору ат кызды жаман маанай менен эстеп калып, сол көзү менен улам-улам карап же тескерисинче болгонун жазган.

"Мындан улам жылкы баласы адамдын жүзүнөн анын маанайын эле сезбестен, ошол тейде да эстеп каларын, кийин көргөндө да ошондой кабыл аларын аныктадык. Кызыгы, буга жараша аттардын да кыял-жоругу өзгөрөт", — деп айтып берген Карен Маккомб.

Окумуштуулар мурдараак аттар белгилер менен сүйлөшөрүн да жазышкан.

Буга чейин Кытайда кожоюндун унаасын "айдай качкан" ит дүкөндү талкалаган видео тараган.

549
Белгилер:
стресс, жылкы, тажрыйба, Окумуштуулар, Улуу Британия
Тема боюнча
Кытайда кожоюндун унаасын "айдай качкан" ит дүкөндү талкалады. Видео
Аккула, Жармаңдай, Мааникер: буудандарды буйдалтпай табабыз. Тест
Россия президентинин маалымат катчысы Дмитрий Песков. Архивдик сүрөт

Путиндин маалымат катчысы коронавирустан айыгып, үйүнө чыкты

15
(жаңыланган 23:18 25.05.2020)
Дмитрий Песков өзү журналисттерге ооруканадан чыкканын жана азырынча үйдө иштей турганын тастыктады.

БИШКЕК, 25-май — Sputnik. Россия президентинин маалымат катчысы Дмитрий Песков коронавирустан сакайып, ооруканадан чыкты. Бул тууралуу РИА Новости жазды. 

Эске салсак, ал 12-май күнү коронавирус жуктуруп алганын билдирген. Ошондой эле анын жубайы, муз бийчиси Татьяна Навкадан дагы вирус аныкталган.

Песков өзү журналисттерге ооруканадан чыкканын жана азырынча үйдө иштей турганын билдирди.

15
Белгилер:
оорукана, коронавирус, Дмитрий Песков, Россия
Тема:
Кытайдагы жаңы типтеги коронавирус
Тема боюнча
Песковдун жубайы Навкадан да COVID-19 табылып, абалы кандай экени айтылды
Шамалга учкан чатыр. Архивдик сүрөт

Бакты омкоруп, чатырды кагаздай учуруп... Екатеринбургдагы шамалдын видеосу

164
(жаңыланган 22:09 25.05.2020)
РИА Новости агенттигинин ИИМ жана жергиликтүү саламаттык сактоо органына таянып жазганына караганда, жаратылыш кырсыгынан эки киши көз жумду.

БИШКЕК, 25-май — Sputnik. Урал жана анын борбору Екатеринбург шаарында (Россия) дүйшөмбү күнү кечинде катуу бороон-чапкын болду. Ал учурда тартылган видеолорду интернет колдонуучулар социалдык тармактарга жүктөдү.


Кадрларда көрүнүп тургандай, шамал темир такталарды, курулуш таштандыларын асманга сапырып жатат.

Башка видеодо жерге түшүп калган темир чатырдын үстүндө турган кишини шамал алып ыргытып, темирди кагаздай желбиретип учуруп кеткенин көрүүгө болот.

РИА Новости агенттигинин ИИМ жана жергиликтүү саламаттык сактоо органына таянып жазганына караганда, жаратылыш кырсыгынан эки киши көз жумду.
Материалдык чыгым эсептелип жатат.

164
Белгилер:
Россия, Екатеринбург, шамал, кырсык, аба ырайы
Тема боюнча
Автобусту алып бараткан катуу шамалдын видеосу. Индиядагы окуя
Суу каптаганы аз келгенсип, эми куюн кууратты. Казакстандагы окуянын видеосу