Армения оппозициясынын лидери Никол Пашинян. Архивдик сүрөт

Тынчыбыган Армения: Пашинян элди өлкөнүн бардык жолдорун тосууга чакырды

94
(жаңыланган 13:37 02.05.2018)
Нааразылыкка чыккандардын "элдин ичинен чыккан талапкерди" өкмөт башчылыгына шайлоо деген бир гана талабы бар.

БИШКЕК, 2-май — Sputnik. Армения оппозициясынын лидери Никол Пашинян Улуттук жыйындын депутаттары аны премьер-министрлик кызматка бекитүүгө добуш бербей койгону үчүн элди көтөрүлүүгө чакырды. Бул туурасында РИА Новости жазды. 

Ал мамлекеттик кызматкерлерди "моюн сунбайбыз" деген жарандык акцияга чыгып, көчө менен жолдорду жабууга үндөдү.

Тагыраагы, ал армениялыктарды бардык трассаларды, анын ичинен аэропортко кеткен жолду тосуусун айтты. Анын пикиринде, нааразылыкка чыккандардын бир гана талабы бар, ал — "элдин ичинен чыккан талапкерди" өкмөт башчылыгына шайлоо.

Пашиняндын тарапташтары өлкөнүн борбору Ереванда "жеңишке жеткенге чейин" митинг кылууга даяр экендиктерин айтышты.

1-май күнү Никол Пашинянды Улуттук жыйындын депутаттары премьер-министрликке шайлабай койгон. Талкуу атайын отурумга салынган соң Армениянын оппозициячысына 45 депутат добуш берген, өкмөттү жетектөө үчүн 53 добуш зарыл эле.

"Елк" бирикмесинин талапкери үчүн парламенттеги эки фракция "Царукян" жана "Дашнакцутюн" блоктору макул деген. Парламентте 105 депутат болсо, үч фракция 47 мандатка ээ. Ал эми Армениянын республикалык партиясынын 58 мандаты бар. Бул башкаруучу партия. Алар оппозициянын талапкерине каршы добуш берген.

Аталган фракциянын лидери Ваграм Багдасарян буга чейинки билдирүүсүндө фракциялар талапкер сунуштаса, каршы болбой тургандыктарын айткан. Анткен менен добуш берүүгө келгенде андай болгон жок.

Пашинян добуш берүүнүн жыйынтыгынан соң "кеп премьерликке шайланып же шайланбай калышында эмес" эмес экенин белгиледи.

"Силер элдин жеңишин каалайсыңарбы же жокпу, кеп ошондо. Бул жеңишти токтото албай тургандыңарды жакшы билесиңер", — деген ал.

Пашиняндын "Жарандык келишим" партиясынын маалымат катчысы Тигран Авинян оппозиция лидерини талапкерлиги Армениянын өкмөт башчылыгына кайрадан сунушталарын айткан.

"Никол Пашиняндын талапкерлигин кайра сунуштайбыз. Элдик кыймыл ийгиликке жетти деп эсептейм, ал эми бир аптадан кийин бул ийгиликти юридикалык жаткан бекитебиз", — деген Авинян.

Баш мыйзамга ылайык, өкмөттүн жаңы жетекчисин шайлоо жети күндөн кийин өтөт. Эми талапкерди өзүнчө фракциялар эмес, кеминде депутаттардын үчтөн бир бөлүгү сунушташы керек. Эгерде премьер-министрди экинчи ирет шайлай албай калышса, анда парламент тарашы керек болот.

Евробиримдик эмне дейт?

Евробиримдик Армениядагы окуяларга катышып жаткан бардык тараптарды, анын ичинен тартип коргоо органдарын, нааразылыкка чыккандарды каршылашуудан алыс болууга чакырды.

"Бул окуяга катышып жаткан тараптар, тартип сактоочулардан тарта өзүнүн эркиндикке болгон укугун орнотом деп жаткандар кагылыштан алыс болушу зарыл. Акыркы күндөрү болуп келе жаткан сабырдуулукту сактап, жоопкерчиликти сезе билгени жакшы", — деп айтылган Европалык тышкы саясат боюнча кызмат тараткан маалыматта.

Эске салсак, Серж Саргсяндын премьер-министр болуп шайланышына каршы нааразылык акциялар 13-апрелде башталган. Никол Пашинян башында турган оппозиция аны өлкөнү натыйжасыз башкарып, экономикалык абалды начарлатып жиберди деп күнөөлөгөн. Кийин ал премьерлик кызматка талапкер болгон.

2018-жылдын 16-апрединде митингге чыккандар парламенттин имаратына кирүүгө аракет кылганы менен полиция аларды артка сүрүп, мунун кесепетинен ондогон киши жаракат алган. Ал эми 17-апрелде нааразылыкка чыккандар "баркыт ыңкылабы" башталганын жар салган.

Нааразылыктарга карабай, Армениянын парламенти 17-апрелде Саргсянды өкмөт башчылыкка шайлаган. Бирок толкундоолордун кысымынан улам, 23-апрелде, алты күндөн соң Саргсян отставкага кеткен.

Бул окуялар Армения башкаруунун парламенттик түрүнө өтүү боюнча Баш мыйзамга өзгөрүүлөр киргизилгенден кийин болгон. Алардын негизинде премьер-министр бийликтин негизги адамы болуп калат.

94
Белгилер:
жол тосуу, толкун, ынкылап, Евробиримдик, Серж Саргсян, Армения
Тема:
Армениядагы митинг (6)
Тема боюнча
Арменияда "Баркыт революциясы" башталганын жар салышты
Армениядагы ыңкылаптын жемиши. Жаңы премьер Серж Саргсян отставкага кетти
Өзүн-өзү эркин деп жарыялаган Тоолуу Карабах республикасындагы Степанакерт шаары. Архив

Армения менен Азербайжандын чатагы. Тараптардын бири аскердик абал жарыялады

2
(жаңыланган 15:55 27.09.2020)
Карабах чыры 1988-жылдын февраль айында башталган. Анда Карабах автономдук облусу Азербайжан ССРинин курамынан чыгарын жар салган.

БИШКЕК, 27-сен. — Sputnik. Өткөн түнү Армения менен Азербайжан чектешкен аймактагы өзүн-өзү эркин деп жарыялаган Тоолуу Карабах республикасында жаңжал чыгып, таң аткыча аскердик кагылышууларга чейин жетти. Мындан улам республика президенти аскердик абал жарыялаганын РИА Новости жазды.

Эртең менен Азербайжандын Коргонуу министрлиги алардын аскерлерине жана бир нече айылга Армения тараптан минометтер менен аткылоо болгонун айтып чыкты. Ал эми Армения өзүнүн Тоолуу Карабахтагы куралдуу күчтөрү Азербайжандын басып кирүүсүнөн коргонуу үчүн ок чыгарганын жар салды.

Эки тарап тең бир нече техникаларынан ажыраганын жана аскерлердин жарадар болгонун айтууда.

Көп өтпөй Армения өкмөтү шашылыш жыйын өткөрүп, өлкөгө аскердик абал жарыялагынын билдирди.

Белгилей кетсек, Карабах чыры 1988-жылдын февраль айында башталган. Анда Карабах автономдук облусу Азербайжан ССРинин курамынан чыгарын жар салган. 1992-1994-жылы куралдуу тирештин жыйынтыгында Азербайжан Карабахты колдон чыгарган. 1992-жылдан бери бул кырдаалды тынчтык жолу менен жөнгө салуу боюнча Европадагы Коопсуздук жана кызматташтык уюмундагы (ОБСЕ) Минск кеңешмесинин алкагында сүйлөшүүлөр жүрүп келет. Анда Азербайжан өз аймагынын бүтүндүүлүгүн көздөсө, Армения сүйлөшүүлөргө аралаша албаган Карабах республикасынын кызыкчылыгын коргойт.

Европа либералдык пикирлештик жана демократиялык тоталитаризм үчүн күрөшүүдө

Кырдаал боюнча Россия ТИМи абалды тынчтык жолу менен жөнгө салуу боюнча эки тарапты тең атышууну токтотууга чакырууда. Ал эми Түркия Тышкы иштер министрлиги Азербайжандын тарапташы экенин моюндайт. Кыргызстан мүчөлүк кылган Жаматтык коопсуздук жөнүндө келишим уюму (ЖККУ) абалдын тынчтык жолу менен жөнгө салынышын көздөйт.

2
Белгилер:
атышуу, чек ара, Жаңжал, Армения, Азербайжан
Тема боюнча
КМШнын абадан коргонуу күчтөрү НАТОнун чагымдарына каршы биригүүгө даярбы? Видео
Компьютердик томография кабинетинде иштеген лаборант. Архив

Тарыхта биринчи ирет ВИЧтен айыккан адамдан рак аныкталды

38
(жаңыланган 14:39 27.09.2020)
Лейкемия Браунда 2019-жылы кайра пайда болуп, организмине тарап кеткен. Учурда ал Калифорниядагы ооруканада дарыланып жатат.

БИШКЕК, 27-сен. — Sputnik. Тарыхта биринчи ирет ВИЧтен айыккан Тимоти Рэй Браун аттуу бейтаптан дарыгерлер рак оорусун аныктап, ал акыркы стадиясына жетип калганын кабарлашкан. Бул тууралуу РИА Новости Associated Press басылмасына таянып кабарлады.

"Берлиндик пациент" деген ат менен таанымал эркек киши 2007-жылы лейкемия менен күрөшүү максатында сөөктүн чучугун алмаштырган. Жыйынтыгында ал ракты жеңип, ага чейин алышып келе жаткан ВИЧ-инфекциясынан да айыккан.

Ошондон бери анын организминен ВИЧ илдетинин бир дагы белгиси байкалган эмес. Бирок лейкемия 2019-жылы кайра пайда болуп, организмине тарап кеткен. Учурда Браун Калифорниядагы ооруканада дарыланып жатканы маалым болду.

Ак кандын биринчи белгилери кандай болот? Онкологдун жообу

Бүгүнкү күнгө карата ВИЧ инфекциясын толугу менен эки эле адам жеңген. Экинчи бейтапты "лондондук пациент" деп коюшат. Эки учурда тең ооруну жуктуруп алгандар донордун жардамы менен сөөк чучугун трансплантация кылдырышкан.

38
Белгилер:
рак, бейтап, оору, ВИЧ
Тема боюнча
ДССУ: бардык өлкөлөрдүн өкмөттөрү катаал карантин киргизүүгө даяр турушу керек