АКШ желеги. Архивдик сүрөт

Иран депутаттары парламентте АКШнын желегин өрттөп жиберген видео

347
(жаңыланган 12:28 13.05.2018)
Желек күйүп бүткөн соң, жерге таштап, үстүнөн тебелеп жаткандыктарын байкоого болот.

БИШКЕК, 10-май. — Sputnik. Иран парламентинин бир нече депутаттары парламентте АКШнын желегин өрттөп жиберишти. Бул боюнча видео YouTube каналына жайгаштырылды.

Мындай каршылык кадам Американын президенти Дональд Трамп Тегеран менен болгон өзөктүк куралдар боюнча келишимден чыгарын жарыялагандын эртеси болгон.

Ирандык депутат АКШнын желегин көлөмдүү кагазга чыгарып алып, президиумга келип, күйгүзүүгө аракет кылып, чакмак ташы күйбөй койгон. Ал арада ары жактан басып келген бир нече кесиптештери көмөктөшүп, жыйынтыгында желекти биргелешип өрттөшкөн. Аны менен парламентарийлердин дагы бир кагазды күйгүзүп жатканын көрүүгө болот. Жергиликтүү ЖМКлар бул нааразылыкты жараткан документтин — өзөктүк куралдар боюнча келишимдин көчүрмөсү экендигин жазды.

Президиумга чогула калган депутаттар Америкага каршы ураандарды айтып, муштумдарын көрсөткөн. Кагаз күйүп бүткөн соң, жерге таштап, үстүнөн тебелеп жаткандыктарын байкоого болот.

Шейшемби күнү, 8-майда Американын президенти Дональд Трамп Тегеран менен болгон өзөктүк куралдар боюнча келишимден чыгарын жарыялаган. Ал Тегеранды тыюу салууларга карабай, келишимди сактабай, уранды байытып жана иштетип жатат деп күнөөлөгөн.

Бул чечим Израилдин премьер-министри Биньямин Нетаньяхунун чалгын кызматы тапкан жашыруун документтер боюнча билдирүүсүнөн кийин болгон. Анда Нетаньяху Иран эл аралык коомчулук менен кол койгон келишимге карабай, мындан ары да колдонуу үчүн аскердик өзөктүк куралдарды өнүктүрүп жаткандыгын айткан.

Буга чейин келишимге кепилдик катары чыккан башка өлкөлөр Вашингтонду сынга алып, бул кадамдын кесепети кооптуу болорун айтышкан.

Иран жана эл аралык ортомчулар (Россия, АКШ, Британия, Кытай, Франция, Германия) 2015-жылы Ирандын өзөктүк куралдар маселесин жөндөө боюнча 2015-жылы келишимге кол койгон.

347
Белгилер:
өзөктүк курал, өрт, желек, депутат, АКШ, Иран
Тема боюнча
Иран АКШнын 11-сентябрь боюнча компенсация төлөтүү чечимин сынга алды
UFC мушкери кыргызстандык Антонина Шевченко. Архив

Антонина Шевченко UFC берген 50 миң доллар бонусту кайда коротконун айтты. Видео

5
antonina-shevchenko-ufc-50-min-dollar-bonus-korotuu 15-майда Шевченко UFC уюмундагы алтынчы беттешине чыгат. Ага америкалык мушкер кыз Андреа Ли атаандаш болот.

БИШКЕК, 14-май — Sputnik. UFC мушкери кыргызстандык Антонина Шевченко өткөн беттеште алган бонусун кантип коротконун, кезектеги атаандашы америкалык Андреа Ли менен кантип таанышканын айтып берди. Бул тууралуу спортчу UFC Russia уюмунун YouTube каналына берген маегинде билдирди.

"Алган бонустардын баарын мен учууларга коротуп жатам. Буга чейинки беттештерде алган сый акыларыма мыкты учак сатып алгам. Менин көптөн бери максат кылып жүргөн көксөөм орундалды", — деген ал.

Белгилеп кетсек, Антонина эки ирет, 2019-жылдын августунда жана 2020-жылдын ноябрындагы мелдештерде мыкты кармаш тартуулагандыгы үчүн 50 миң доллардан бонус сый акы алган.

Кыргызстандык мушкер кыз, ошондой эле, учурдагы атаандашы менен кантип таанышып калганын да айткан.

"Биз АКШга көчүп келгенде Хьюстондо жашап калдык. Андреа Ли дагы Техастан болот. Биз анын кикбоксинг боюнча беттешин көргөнбүз. Валентина да ал мелдешке катышкан. Жолукканбыз, сүйлөшкөнбүз, бирок бирге машыккан эмеспиз", — деди Антонина.

Эске сала кетсек, 16-майдын таңында (Бишкек убактысы боюнча) АКШнын Хьюстон шаарында UFC 262 мелдеши өтөт. Анда кыргызстандык Антонина Шевченко промоушендин алкагында алтынчы беттешине чыгып, КГБ каймана аттуу Андреа Ли менен кармашат.

5
Белгилер:
учак, бонус, беттешүү, UFC, Антонина Шевченко
Тема боюнча
Өзү деле билчү... Рамзан Кадыров Хабибди UFC уюмунун долбоору деп атады
Ай-буйга келтирбей... UFC апрелдеги кызыктуу жеңиштердин видеосун чыгарды

Футбол боюнча Европа чемпионатынын расмий ыры жаңырды. Видеоклип

27
(жаңыланган 12:18 14.05.2021)
Чемпионаттын расмий ырын голландиялык ди-джей Мартин Гаррикс, ошондой эле Ирландиянын U2 Bono жана The Edge рок тобунун мүчөлөрү аткарышты.

Трек We are the people ("Биз — элбиз") деп аталат.

"Жаңы ырымды (Боно жана Эдже катышкан) тартуулай турчу да күн келди. Ал быйылкы жылы өтүүчү футбол боюнча EURO турниринин расмий ыры болот", — деген Гаррикс.

2020-жылга белгиленген Европа чемпионаты коронавирус пандемиясынан улам 2021-жылдын жай айына жылдырылган болчу.

Европа биринчилигин 11-июндан тарта 11-июлга чейин континенттеги 11 шаарда өткөрүү пландалган. Ал үчүн Санкт-Петербург (Россия), Лондон (Англия), Севилья (Испания), Мюнхен Германия), Баку (Азербайжан), Рим (Италия), Бухарест (Румыния), Копенгаген (Дания), Амстердам (Нидерланддар), Глазго (Шотландия) жана Будапешт (Венгрия) шаарлары тандалган.

27
Белгилер:
клип, мелдеш, Европа чемпионаты, футбол
Тема боюнча
Кыргызстандык дзюдочу кыздар Азия кубогунда намыс талашат