Президент РФ Владимир Путин на церемонии возложения цветов к Могиле Неизвестного солдата в Александровском саду. Архивное фото

Путиндин жансакчысы оолактатып койгон согуш ардагери окуянын чоо-жайын айтып берди

3936
(жаңыланган 22:41 15.05.2018)
Гүл койгондон кийин Сыркашев башка ардагерлер менен бирге Кремлдеги кабыл алууда болгон.

БИШКЕК, 10-май — Sputnik. Согуштун ардагери Дмитрий Сыркашев 9-май күнү РФ президенти Владимир Путиндин жанынан жан сакчылары эмнеге четке чыгарып, оолактаткандыгын айтып берди. Бул туурасында РЕН ТВге билдирди.

Окуя 9-майда Улуу жеңиштин 73 жылдык урматына болгон параддан кийин Владимир Путин Израиль өкмөт башчысы Биньямин Нетаньяху жана Сербия президенти Александр Вучич менен Кызыл аянтта келе жатканда болгон. Алардын алдына туура келип калган ардагерди Путиндин жан сакчылары оолактатып койгон. Бул учурду байкап калган Россия президенти өзү басып келип, учурашып, ардагерге чогуу басып, Белгисиз Жоокердин мүрзөсүнө бирге гүл коюну сунуштаган.

​Ардагер Сыркашев телеканалга окуянын чоо-жайын айтып берген. 

© Ruptly
Путин не дал в обиду ветерана

"Кызыл Аянтта парад болуп жатканда Владимир Путиндин аркасында отургам. Алгач келгенде баарыбыз менен учурашып, орун алды. Ардагерлер көп элек. Андан соң трибунага чыгып, сүйлөдү. Парад бүткөндүн кийин Белгисиз Жоокердин мүрзөсүн көздөй жөнөп, мен бир аз алдыга чыгып кетиптирмин", — деп айтып берген ардагер.

Гүл койгондон кийин Сыркашев башка ардагерлер менен бирге Кремлдеги кабыл алууда болгон.

Россия лидеринин маалымат катчысы Дмитрий Песков окуя кокустан болгонун билдирип, президент мындай көрүнүштүн мындан ары кайталанбоо зарылдыгына көңүл бурганын кошумчалады.

Кечээги окуянын каарманы генерал-майор Дмитрий Петрович Сыркашев — Кызыл Жылдыз орденинин эки жолку кавалери. Ал Батыш жана 3-Белоруссия фронтунда согушуп, Смоленскини бошотууга жана Кенигсбергди алууга катышкан.

3936
Белгилер:
жан сакчы, парад, Кызыл Аянт, Жеңиш күнү, Владимир Путин, Россия, Москва
Тема боюнча
Жээнбеков: өлбөс полкко согушта дайынсыз жоголгон чоң атамдын сүрөтүн алып чыктым
Көчөгө батпай, ураалап кыйкыргандар. Бишкектеги "Өлбөс полк" акциясынын видеосу
Көчөгө батпай агылган эл. Бишкектеги "Өлбөс полктун" өзгөчө сүрөттөрү
Россиянын президенти Владимир Путин. Архив

Песков Путиндин "унутуп калган" көйнөгүн саткан жарнама боюнча айтып берди

139
(жаңыланган 20:33 04.07.2020)
Жарнамада көйнөк отелдин номерин тазалап жатканда табылгандыгы, бирок андан кийин атайын жуулбагандыгы, эгерде керек болсо сатуучу аны экспертизага берүүгө даяр экендиги айтылган.

БИШКЕК, 4-июл. — Sputnik. Интернеттеги "Россия президенти Владимир Путиндин унутуп таштап кеткен көйнөгү сатылат" деген кабарга лидердин маалымат катчысы Дмитрий Песков комментарий берип, ага ишенбеш керектигин айтты. Бул тууралуу РИА Новости жазды.

Элге белгилүү болгон сайттардын бирине "Нижний Новгород аймагындагы Sheraton мейманканасына президент Путиндин унутуп таштап кеткен көйнөгү сатылат" деген жарнама чыккан. Анда көйнөк отелдин номерин тазалап жатканда табылгандыгы, бирок андан кийин атайын жуулбагандыгы, эгерде керек болсо сатуучу аны экспертизага берүүгө даяр экендиги айтылган. Көйнөк 165 миң рублга бааланган. Путин аталган шаарда соңку ирет 2019-жылдын 10-ноябрында Дене тарбия жана спортту өнүктүрүү боюнча президенттин алдындагы кеңештин отурумуна катышкан.

Путин жыйында калемин столго ыргытып жиберип, министрлерден отчёт сурады. Видео

Сатуучу көйнөк дагы деле сатыкта экендигин айткан. Анын сөзүнө караганда, "кийимдин президентке таандык экендиги боюнча жазылган эч кандай атрибуттар жок, бирок зарыл болсо ДНК-экспертизага берүүгө даяр".

Песков мындай кулактандырууларга ишене берүүгө болбой тургандыгын айткан.

"Жок. Андай болууга мүмкүн эмес", — деген ал көйнөк чын эле президентке таандык болушу мүмкүнбү деген суроого жооп берип жатып.

Путин буга чейин журналисттерге кабинетиндеги жашыруун бөлмөсүн көрсөтүп, ал ЖМКлардын эле эмес, коомчулуктун дагы кызыгуусун жараткан.

139
Белгилер:
отель, көйнөк, Владимир Путин, Россия
Тема боюнча
Путин кабинетиндеги жашыруун бөлмөсүн көрсөттү. Видео
Путин чүмбөттөлүп алып коронавируска кабылган жарандарын көрүп чыкты. Видео
UFC чемпиону Хабиб Нурмагомедовдун атасы, машыктыруучусу Абдулманап Нурмагомедов. Архив

Хабибдин атасы Абдулманап Нурмагомедовдун сөөгү Дагестанда жерге берилди

123
(жаңыланган 20:07 04.07.2020)
Маалыматта машыктыруучуну акыркы сапарга узатуу зыйнатына Чеченстандын башчысы Рамзан Кадыровдун дагы катышканы айтылат.

БИШКЕК, 4-июл. — Sputnik. UFC чемпиону Хабиб Нурмагомедовдун атасы, машыктыруучусу Абдулманап Нурмагомедовдун сөөгү кичи мекенинде жерге берилди. Бул туурасында РИА Новости билдирди.

Маалыматка ылайык, коштошуу зыйнатына Чеченстандын башчысы Рамзан Кадыров дагы катышкан.

Россиянын эмгек сиңирген машыктыруучусу Нурмагомедовдун сөөгү Дагестандын Кизилюртов районунун Кироваул айылына коюлган.

UFC чемпионунун атасы коронавирустун оор түрү менен жабыркап Москвадагы клиникалардын бирине жаткырылган. Ага эки тараптуу пневмония деген диагноз коюлуп, андан кийин инсульт алган. Бул дарттан айыга албай 3-июль күнү 58 жаш курагында каза тапты.

"Аны акыркы сапарга узатууга көп адам катышкан жок. Туугандары жана Москвадан спортчулар келди", — деп айткан Кироваул айылынын башчысы Ильяс.

Мушкер Хабиб Нурмагомедовго UFC уюмунун президенти Дана Уайт көңүл айтып, спортчунун атасынын жашоодогу орду тууралуу айтып берген видеосун жарыялады.

​Ошондой эле Хабибдин октагондогу атаандаштары Конор Макгрегор жана Тони Фергюсон сыяктуу бир катар спортчулар көңүл айткан.

123
Белгилер:
жерге берүү, сөөк, машыктыруучу, Дагестан, Абдулманап Нурмагомедов
Тема боюнча
Белгилүү ырчы-обончу Тургуналы Нурматовдун жерге качан берилери айтылды
Коомдук ишмер, экс-депутат Болот Шердин сөөгү кичи мекенинде жерге берилди
Бишкек шаары. Архив

Жекшембиге карата аба ырайы

0
(жаңыланган 21:03 04.07.2020)
Түнкүсүн Чүй облусунун тоолуу райондорунда өткүн өтүп, күн күркүрөп, бийик тоолуу райондордо кар жаайт. Калган аймактарда жаан-чачын болбойт.

БИШКЕК, 4-июл. — Sputnik. Эртең күндүз республика боюнча көпчүлүк аймактарда жамгыр жаап, бийик тоолуу райондорго кар түшүшү күтүлөт. Бул тууралуу Кыргызгидромет билдирди.

Абанын температурасы Чүйдө +24...+29, Талас жергесинде +23...+28, Ош, Жалал-Абад жана Баткен облустарында +30...+35, Ысык-Көл, Нарын аймактарында +22...+27 градус жылуу болот.

Борбор калаада күндүн табы +27...+29, Ошто +33...+35, Чолпон-Атада +22...+24 градус болору маалымдалды.

Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

0
Белгилер:
аба ырайы, Кыргызстан
Тема боюнча
Жаанчыл болот. Бир жумага карата аба ырайы