Ким Чен Ын Трамптын өтүнүчү менен үч америкалыкты бошотту

© AP Photo / Ahn Young-joonОбострение ситуации на Корейском полуострове
Обострение ситуации на Корейском полуострове - Sputnik Кыргызстан
Жазылуу
АКШнын мамкатчысы Помпео Пхеньянга болгон сапарында башы азат болгондорду өзү менен кошо Вашингтонго ала кеткен.

БИШКЕК, 10-май — Sputnik. Түндүк Кореянын лидери Ким Чен Ын АКШ президенти Дональд Трамптын өтүнүчү менен кармалып, камалган үч америкалыктын башын азат кылды. Бул туурасында РИА Новости Ренхап агенттигине таянып кабарлады.

Кореянын борбордук телеграф агенттигинин маалыматына караганда, Ким Чен Ын "АКШнын президентинин расмий сунушун кабыл алып, америкалык үч жаранга "алардын мекенине кайтуусу үчүн ырайым кылган" чечим кабыл алган.

Түндүк Корея "душмандашкан бүлдүрүү иши" үчүн корей тегиндеги үч америкалыкты темир торго салган. Пастор Ким Дон Чхоля 2005-жылы, былтыр апрелде политехникалык университеттин окутуучусу Тони Ким (Ким Сан Дока) жана анын дагы бир кесиптеши Ким Хак Сона 2017-жылдын май айында кармалган.

АКШнын мамлекеттик катчысы Майк Помпео Пхеньянга болгон сапарында башы азат болгондорду өзү менен кошо Вашингтонго ала кеткен.

Президент Филиппин Родриго Дутерте - Sputnik Кыргызстан
Президент Родриго Дутерте: Түндүк Корея лидери Ким Чен Ын менин кумирим
Помпео иш сапар учурунда Ким Чен Ынга АКШ президентинин Трамптын айттырган "оозеки дубай саламын" жеткирген. Маалыматта Түндүк Корея башчысы Трамптын "диалог аркылуу маселени жөндөөгө өзгөчө кызыкдар болуп жаткандыгын" жогору баалагандыгы жазылган.

АКШнын президенти Ким Чен Ын менен майда же июндун башында кездешүү ниетинде. Маалыматта эки өлкөнүн саммити 22-майда, Трамп Вашингтондо Түштүк Корея президенти Мун Чжэ Инди кабыл алгандан соң болору айтылган.

Апрелдин аягында Түштүк жана Түндүк Кореянын лидерлери Ким Чен Ын менен Мун Чжэ Ин жолугуп, жакшы маанайда жолугуп, мындан аркы кызматташууну талкуулаган.

Америка менен Түндүк Кореянын ортосундагы тирешүү Трамптын бийликке келиши менен курчуган. Ал тургай бири-бирин кемсинткен сөздөрдү да айтып жиберишкен.

Кореянын ракеталарды удаа-удаа учуруп, өзөктүк куралдарды сынаганы АКШ администрациясынын кескин нааразылыгын жараткан. Мындан улам Бириккен улуттар Уюмунун Коопсуздук кеңеши Пхеньянга карата санкцияларды катуулаткан.

Жаңылыктар түрмөгү
0