Бейрутта кайырчылык сураган аял. Архивдик сүрөт

Кайырчылык кылган аялдын банк эсебинде миллион доллар болгон

6213
(жаңыланган 12:56 22.05.2018)
Ливандын түндүгүндө жашаган туугандары оорулуу аялдын миллионер экендигин билген эмес.

БИШКЕК, 21-май — Sputnik. Ливандын Бейрут шаарынын тургуну, кайырчы Фатима Отман банктык эсебинде миллион доллар жатканын эч кимге айткан эмес. Бул туурасында Arab News жазган.

Жүрөгү кармап каза болгон 52 жаштагы аялдын сөөгүн кароосуз калган автоунаадан табышкан. Жанындагы сумкадан беш миллион Ливан фунт (3 миң доллардан ашыгыраак) жана сактык китепчесин табышкан. Аманат китебинде 1,75 миллиард ливан фунтунун (1 миллион 162 миңден көбүрөөк доллар каражат) банкта сакталганы жазылган. Январдан тарта анын эсебинде каражаттын көлөмү 25 миллион ливан акчасына (16 611 доллардын тегереги) өскөн.

​Аялдын колдору туулгандан бери эле иштеген эмес. Басылма, мындан сырткары анын баса албай турганын да жазган. Жергиликтүү тургундар ал 20 жылдан ашуун үй-жайсыз болгондугун айтып беришкен. Аял кайырчылык менен күн көрүп, башкалардан киреге алган автоунаада жашаган.

"Белгисиз бир эркек киши айына бир ирет алып кетип, эртеси Отман кайра келип калчу. Ал бизге дарыгерге барып, ден соолугун текшертип келгендигин айтып берчү", – дешкен жакын жашагандар.

Полиция Отмандын беш эже-сиңдисин, эки эркек бир тууганын, энесин издеп тапкан. Ливандын түндүгүндө жашаган туугандары оорулуу аялдын байлыгы, мүлкү туурасында билишкен эмес. Алар маркумдун сөөгүн өз шаарына көмүү үчүн алып кетишкен.

Буга чейин Sputnik Америкалык Жефф Кретцер 4 миллион доллар уткан лотерея билетин алып коюп, үйүнө унутуп калгандыгын жазган.

6213
Белгилер:
оору, кайырчы, акча, Бейрут, Ливан
Тема боюнча
Америкада медайым лотереядан 758 миллион доллар утуп алды
Акчалай сыйлык утуп алган ишкер бийлеп жаткан жеринен жан берди. Видео
Тышкы иштер министри Руслан Казакбаев. Архив

Тышкы иштер министри Руслан Казакбаев Россияга барды

143
(жаңыланган 14:26 22.10.2020)
Иш сапардын жүрүшүндө Казакбаевдин россиялык кесиптеши Сергей Лавров жана башка мамлекеттик органдардын жетекчилери менен жолугушуусу күтүлүүдө.

БИШКЕК, 22-окт. — Sputnik. Кыргызстандын тышкы иштер министри Руслан Казакбаев бүгүн, 22-октябрда, Россия Федерациясына барды. Бул тууралуу өлкөнүн РФтеги элчилигинен билдиришти.

Иш сапардын жүрүшүндө Казакбаевдин россиялык кесиптеши Сергей Лавров жана башка мамлекеттик органдардын жетекчилери менен жолугушуусу күтүлүүдө.

Алдыдагы сүйлөшүүлөрдө саясий, соода-экономикалык жана маданий-гуманитардык чөйрөлөрдөгү, ошондой эле эки тараптуу кызыкчылыкты көздөгөн маселелер талкууланат.

Мындан тышкары, кыргыз-орус кызматташтыгынын күн тартибиндеги маселелерди кароо пландаштырылууда.

Буга чейин Казакбаев Россияга эки күндүк иш сапары менен барары айтылган болчу

143
Белгилер:
Сергей Лавров, жолугушуу, Руслан Казакбаев, Кыргызстан, Россия
Тема боюнча
Россия биздин ишенимдүү өнөктөш. Садыр Жапаров элчи менен жолукту
Рим папасы Франциск. Архив

Рим папасы Франциск бир жыныстуу никени мыйзамдаштырып берүүгө чакырууда

94
(жаңыланган 12:39 22.10.2020)
Дин өкүлүнүн айтымында, ЛГБТ коомчулугундагы адамдарды дагы Кудай жараткан жана алар үй-бүлөлүү болууга укуктуу. Демек, бул нерсени мыйзам деңгээлинде ишке ашыруу керек.

БИШКЕК, 22-окт. — Sputnik. Рим папасы Франциск бир жыныстагы адамдарга мыйзамдуу түрдө никеге турууга уруксат берүү керектигин айтып чыкты. Бул тууралуу The Washington Post басылмасы жазды.

Анын айтымында, ЛГБТ коомчулугундагы адамдарды дагы Кудай жараткан жана алар үй-бүлөлүү болууга укуктуу. Андыктан бул нерсени мыйзам деңгээлинде ишке ашыруу зарыл.

"Бул үчүн бир дагы адам коомдон куулуп же бактысыз болбошу керек. Биз бул дүйнөгө душмандашуу үчүн эмес, үй-бүлөлүү болуу үчүн келгенбиз", — деди Рим папасы.

Эске салсак, ал башынан эле бир жыныстагы адамдардын баш кошуусун колдоп келет.

94
Белгилер:
мыйзам, нике, үй-бүлө, Рим папасы Франциск
Тема боюнча
Рим папасы төшөк кумары тууралуу оюн билдирип, аны башкача баалады
Добуш берип жаткан адам. Архив

Шайлоо босогосун азайтуу мыйзам долбоорун ЖК комитети үч окууда жактырды

0
Маселе комитеттен кийин Жогорку Кеңештин жалпы жыйынында талкууланмак. Бирок саат 14:00дөн бери кворум жок жыйын башталбай жатат.

БИШКЕК, 22-окт. — Sputnik. Конституциялык мыйзамдар, сот-укуктук маселелер жана Жогорку Кеңештин регламенти боюнча комитет шайлоо мыйзамдарына өзгөртүү киргизүү боюнча мыйзам долбоорун үч окууда жактырды.

Белгилей кетсек, аталган демилге кечээ, 21-октябрда, парламентте биринчи окуудан өткөн. Бүгүн комитетте дароо экинчи жана үчүнчү окууда каралып колдоо тапты.

Андан соң Жогорку Кеңештин жалпы жыйынында талкууланмак. Бирок саат 14:00дөн бери кворум жок жыйын башталбай жатат. Бул конституциялык мыйзам болгондуктан кабыл алуу үчүн кеминде 80 депутат добуш бериши керек.

ЖК комитети эки шайлоонун мөөнөтүн жылдыруу мыйзам долбоорун колдоду

Эгер сунушталган мыйзам күчүнө кирсе:

  • парламенттик шайлоонун күрөөсү 5 миллион сомдон 1 миллион сомго түшүрүлөт;
  • босого чеги 7 пайыздан 3 пайызга төмөндөтүлөт;
  • шайлоо участкасын алмаштырууга шарт түзгөн №2 форма жокко чыгарылат. Анын жолу татаалдаштырылат;
  • шайлоого катышууга ниети бар мамлекеттик жана муниципалдык кызматкерлер жумуштан убактылуу гана четтетилбей, толугу менен ишинен бошотулат.
0
Белгилер:
колдоо, комитет, мыйзам долбоору, шайлоо
Тема:
Жогорку Кеңешке боло турган кайра шайлоо
Тема боюнча
Шайлоолордун мөөнөтүн жылдырууну кайсы депутаттар демилгеледи. Тизме
Эки шайлоонун мөөнөтү жылып, Конституция өзгөрүшү мүмкүн. Жаңы сунуш