БИШКЕК, 17-июн. — Sputnik. Москва шаарынын мэри Сергей Собянин Twitter баракчасына бир нече адамды коюп кеткен айдоочунун окуясы тууралуу жазып, абал жеке көзөмөлүндө экенин айтты.
Эскерте кетсек, кырсык 16-июнь күнү Москванын чок ортосунда болгон. Кыргызстандын Россиядагы элчилигинин маалыматы боюнча таксист КР жараны болуп чыккан.
На Ильинке произошел неприятный инцидент с такси. Водитель не справился с управлением. Пострадали несколько человек, которым уже оказана необходимая помощь. Держу ситуацию на контроле.
— Сергей Собянин (@MosSobyanin) 16 июня 2018 г.
"Ильинкада таксиге байланыштуу жагымсыз окуя болуп кетти. Айдоочу рулга ээ боло албай калыптыр. Бир нече адам жабыркады, аларга тийиштүү жардам көрсөтүлдү. Абал менин жеке көзөмөлүмдө", — деди Собянин.
Такси айдоочусу окуя болгон жерден кетип калууга аракет кылган. Бирок аны күбөлөр кармап калышканы айтылды.
