Основатель секты Аум Синрикё* Сёко Асахара. Архивное фото

Японияда террористтик уюмдун жетекчилери өлүм жазасына тартылды

332
(жаңыланган 22:20 07.07.2018)
Аум Синрикё" уюму террористтик деп табылып, Европа Биримдигинде, АКШда, Россияда жана ЖККУнун курамына кирген Армения, Белоруссия, Казакстан, Тажикстан жана Кыргызстанда тыюу салынган.

БИШКЕК, 6-июл. — Sputnik. Жума күнү Японияда "Аум Синрикё" диний сектасынын негиздөөчүсү Сёко Асахару өлүм жазасына тартылды. Бул тууралуу NHK телеканалына шилтеме берип РИА Новости жазды.

Сёко Асахару менен бирге сектанын жетекчилигине кирген Киёхидэ Хаякава жана дагы беш адам өлтүрүлдү. Хаякава 1993-жылы Японияда уулуу зарин газын өндүрүүчү заводдун курулушун жетектеген. 

"Ошол эле газдын жардамы менен аталган уюм эки ирет террордук аракеттерди кылган. Биринчисинде 1994-жылы уулуу газды Мацумото шаарына чачышып, жети адамдын өмүрүн алган. Экинчи жолкусунда 1995-жылы Токио метросуна кое берип, 13 адам каза таткан. Мындан тышкары, 6,3 адам ооруканага түшкөн", — деп жазылат макалада. 

Маалыматка караганда, 1987-жылы уюштурулган бул сектага дүйнө жүзү боюнча 30-50 миңдей адам кирген. 

Бир нече жыл мурда террористтик уюмдун 30га жакын мүчөсү кармалып, 2015-жылы жетекчилерин өлүм жазасына тартуу чечими чыккан. Өкүм 6-июль күнү ишке ашырылды. 

Учурда "Аум Синрикё" уюму террористтик деп табылып, Европа Биримдигинде, АКШда, Россияда жана ЖККУнун курамына кирген Армения, Белоруссия, Казакстан, Тажикстан жана Кыргызстанда тыюу салынган. 

332
Белгилер:
өлүм жазасы, Япония
Тема боюнча
Индияда 12 жашка чейинки кыздарды зордуктагандар өлүм жазасына тартылмай болду
Дүйнө жүзү боюнча өлүм жазасына тартылгандардын саны азаюуда

Бөрү карыса да бир койлук алы бар! Тайсон менен Жонстун беттешинин толук видеосу

64
Бүгүн бокс дүйнөсүндө чоң майрам болду. Спорттун дөө-шаалары Майк Тайсон менен Рой Жонс рингде көптөн күттүргөн кармашты тартуулады.

Атактуу спортчулардын беттешинин толук видеосу YouTube-каналга жарыяланды.

Кармашуу АКШнын Калифорния шаарында өттү. Ал сегиз раундга ылайыкташып, ар бир бөлүк эки мүнөткө белгиленген.

Беттеш мөөнөтүнөн мурда аяктабай, спортчулар аягына чейин кармашышты. Натыйжада калыстар алар тең чыкты деген тыянакка келишкен.

Кармаш күйөрмандар болжолдогондой эле болду. Тайсон дистанцияны жакындатып, Жонско ыңгайсыздык жаратканга аракет кылды. Атаандашы өз кезегинде күүлүү-күчтүү экенин тастыктап турду. Нокаут болгон жок.

Эки боксчу тең жыйынтыкка макул болбой, жеңгенин бир ооздон айтып, рингдеги артыкчылыктарын санашты.

Тайсон да, Жонс да рингге карьерасын жыйынтыктагандан кийин кайтып жатканын белгилей кетели. Майк Тайсон 2005-жылдан бери, ал эми Рой Жонс 2018-жылдан бери беттешке чыга элек болчу.

64
Белгилер:
видео, беттешүү, бокс, Рой Жонс, Майк Тайсон, АКШ
Тема боюнча
Майк Тайсон менен Рой Жонстун кыл чайнашы. Тексттик трансляция
Тайсон Жонсту тез утпаса иш чатак болот. КР боксчуларынын беттешке божомолу
Атактуу боксчулар Майк Тайсон менен Рой Жонс

Тарыхый окуя! Рой Жонс менен Майк Тайсондун кармашы аяктады. Видео

1101
(жаңыланган 13:41 29.11.2020)
Ардагер спортчулар рингде эки мүнөттөн сегиз раунд кыл чайнашты. Тайсон рингге акыркы жолу 2005-жылы чыккан.

БИШКЕК, 29-ноя. – Sputnik. Рингде кезиккен атактуу боксчулар Майк Тайсон менен Рой Жонс тең чыкты. Беттеш түз эфирден көрсөтүлдү.

​Кармашуу АКШнын Калифорния шаарында өттү. Ал сегиз раундга ылайыкташып, ар бир бөлүк эки мүнөткө белгиленген.

Эки боксчу тең жыйынтыкка макул болбой, жеңгенин бир ооздон айтып, рингдеги артыкчылыктарын санашты.

Комментаторлор, эң негизгиси, кармашта эч ким катуу жабыркап өмүрүнө жана ден соолугуна зыян тийгизбегенин билдиришти. Ошондой эле көз кандырган беттеши үчүн ыраазычылык айтышты.

Эки спортчу тең рингге карьерасын жыйынтыктагандан кийин кайтып жатканын белгилей кетели. Майк Тайсон 2005-жылдан бери, ал эми Рой Жонс 2018-жылдан бери беттешке чыга элек болчу.

1101
Белгилер:
жеңиш, беттешүү, Рой Жонс, Майк Тайсон, АКШ
Тема боюнча
Поветкин Уайтты укмуштуудай нокаут менен утуп, чемпион болду. Видео
Майк Тайсон менен Рой Жонстун көз караштар таймашынын видеосу
Кыш мезгили. Архив

Дагы кар жаайбы? Бир жумага карата аба ырайы

0
Бул жумада көпчүлүк аймактарда кар жаап, бирок мурунку аптадагыдай катуу суук болбой турганы айтылды.

БИШКЕК, 29-ноя. – Sputnik. Кыргызгидромет агенттиги алдыдагы аптага карата аба ырайынын божомолун жарыялады.

Ага ылайык, борбор калаада дүйшөмбүдөн бейшембиге чейин күн ачык болот. Ал эми жума күнү мезгил-мезгили менен кар жаашы ыктымал. Батыштан соккон шамалдын ылдамдыгы секундасына 4-9 метрге жетет.

Чүй, Талас облустары

30-ноябрда жана 1-декабрда жаан-чачын жаабайт. 2-3-декабрда Талас облусунун кээ бир райондорунда жана Чүйдүн тоолорунда кар жаайт. Ал эми дыйканчылык аймактарында күн ачык болот. 4-декабрда көпчүлүк жерлерде мезгил-мезгили менен кар жаайт. Жолдорго муз тоңуп, тайгак болот.

Ош, Жалал-Абад, Баткен облустары

30-ноябрда жаан-чачын күтүлбөйт. 1-2-декабрда Ош, Жалал-Абад облустарынын кээ бир райондорунда кар жааса, Баткен облусунда күн ачык болот. Ошондой эле Ош облусунун дыйканчылык аймактарында дагы жаан жаабайт.

3-декабрда түнкүсүн кээ бир райондордо кар жаашы мүмкүн. Эртең менен жана күндүз Жалал-Абад облусунун айрым аймактарында, Ош, Баткен облустарынын тоо этектеринде жана тоолуу жерлеринде кар жаайт. Бирок Ош, Баткен облустарынын өрөөндөрүндө күн ачык болот.

4-декабрда көпчүлүк аймактарда мезгил-мезгили менен кар жаашы ыктымал.

Ысык-Көл облусу

30-ноябрда түнкүсүн кээ бир райондордо кар жаап, күндүзү күн ачык болот. 1-2-декабрда түнкүсүн жаан-чачын болбойт, 2-декабрда күндүз кээ бир райондордо кар жаайт. 3-4-декабрда кээ бир райондордо кар жаашы болжолдонууда.

Ал эми 30-ноябрда түнкүсүн Каракол шаарында кар жаайт, Чолпон-Атада күн ачык болот. 30-ноябрда күндүз жана 1-4-декабрда жаан-чачын күтүлбөйт.

Нарын облусу

30-ноябрда жана 1-декабрда жаан жаабайт, ал эми 2-3-декабрда күндүз кээ бир райондордо кар жаайт. 4-декабрда көпчүлүк аймактарда мезгил-мезгили менен кар жаашы күтүлөт.

5-6-декабрга карата Кыргызстандагы аба ырайынын жакындатылган божомолу

5-декабрда түнкүсүн Ош, Жалал-Абад, Баткен облустарынын көпчүлүк аймактарында, Чүй, Талас, Ысык-Көл, Нарын облустарынын кээ бир райондорунда мезгил-мезгили менен кар жаайт. Күндүз кээ бир райондордо кар жаашы мүмкүн.

6-декабрда тоолуу жерлерге кар түшүп, дыйканчылык аймактарда күн ачык болот. Абанын температурасы бир аз төмөндөйт.

0
Белгилер:
аймак, тоо, күн, жаан, кар, аба ырайы, Кыргызстан
Тема боюнча
Кышында унаадагы күйүүчү майды үнөмдөөнүн жолу айтылды
Декабрга карата аба ырайы. Тоолуу жерлерде суук 34 градуска жетет