Түркия желеги. Архивдик сүрөт

Түркияда дагы 18,6 миң мамлекеттик кызматкер иштен алынды

233
(жаңыланган 15:18 12.07.2018)
Түрк өкмөтүнүн Resmi Gazete басылмасынын билдиришинче, кызматтан алынгандардын арасында өлкөнүн аба күчтөрүндө, деңиз аскер күчтөрүндө, жандармерияда иштегендер бар.

БИШКЕК, 8-июл. — Sputnik. Түркияда дин аалымы Фетхуллах Гүлендин уюмуна тийиштиги бар делген 18 632 киши иштен алынганын РИА Новости агенттиги жазды.

Президент Сооронбай Жээнбеков жана Режеп Тайип Эрдоган. Архивдик сүрөт
© Пресс-служба президента КР / Султан Досалиев
Түрк өкмөтүнүн Resmi Gazete басылмасынын билдиришинче, кызматтан алынгандардын арасында өлкөнүн аба күчтөрүндө, деңиз аскер күчтөрүндө, жандармерияда иштегендер бар. Андан сырткары, юстиция, билим берүү министрликтеринде иштегендер, мамлекеттик университетте сабак бергендер дагы иштен алынган. Ошондой эле 12 коомдук уюм, үч газета менен бир телеканал жабылган.

Белгилей кетсек, 2016-жылы 16-июлда Түркиядагы бийликти басып алууга карата аскердик төңкөрүш жасоого аракеттер болгон. 240тан ашык киши каза болуп, 2 миңден ашык киши түрдүү жаракаттарды алган.

Расмий Анкара бул аракеттин артында дин аалымы Фетхуллах Гүлен турарын айтып, АКШдан аны экстрадициялоону талап кылган. Өз кезегинде дин аалымы ага эч кандай тиешеси жок экенин белгилеп, бардык айыптоолорду четке каккан.

233
Белгилер:
жумуш, Фетхуллах Гүлен, Түркия
Тема:
Түркиядагы аскердик төңкөрүш аракети (65)
Тема боюнча
Элчи Ибрагим Жунусов "сууп" кеткен мамиле жана Гүлен уюму тууралуу айтты
Түркиядагы президенттик шайлоонун жеңүүчүсү аталды
Анкара Гүлендин тарапташтарын өмүр бою кесүү боюнча 3 миңге чукул бүтүм чыгарды