Түркиядагы аскердик төңкөрүш аракети. Архивдик сүрөт

Түркияда мамлекеттик төңкөрүш жасоого айыпталган 72 аскер адамы өмүр бою кесилди

119
(жаңыланган 21:24 12.07.2018)
Стамбул соту бүгүн 2016-жылдын 16-июлунда болгон төңкөрүш тууралуу айрым адамдарга өкүм чыгарды.

БИШКЕК, 12-июл. — Sputnik. Стамбул шаарынын соту 2016-жылы мамлекеттик төңкөрүш жасоого тийиштиги бар деп айыпталган 72 кишини өмүр бою эркинен ажыратты. Бул тууралуу Түркиянын NTV телеканалы кабарлады.

Сот андан сырткары Эрдогандык "Адилет жана өнүгүү" партиясын жарнама кылып, элге таанытуу менен алектенген Эрол Олчокту 16 жаштагы баласы менен атып өлтүрдү деп айыпталган 12 киши дагы өмүрүнүн аягына чейин кесилди.

Белгилей кетсек, 2016-жылы 16-июлда Түркияда бийликти аскер менен тартып алуу аракети болгон. Негизги каршылык акциялары Анкара менен Стамбул шаарында өткөн. Анын кесепетинен 240тан ашык жаран каза болуп, 2 миңден ашык киши түрдүү жаракаттарды алган.

Бийликти басып алуу аракетинен кийин Түркияда 50 миңден ашык киши камакка алынып, 160 миңден ашык мамлекеттик кызматкерлер жана аскерлер иштен четтетилген.

Расмий Анкара бул иштердин артында дин аалымы Фетхуллах Гүлен турарын айтып чыккан. Гүлен өз кезегинде коюлган айыптар суу кечпей турганын билдирген.

119
Белгилер:
өкүм, сот, Стамбул, Түркия
Тема:
Түркиядагы аскердик төңкөрүш аракети (65)
Тема боюнча
Анкара Гүлендин тарапташтарын өмүр бою кесүү боюнча 3 миңге чукул бүтүм чыгарды
Түркияда дагы 18,6 миң мамлекеттик кызматкер иштен алынды
Пикирлер