Хорватиянын футбол командасы чемпионаттан алчу акчасын балдарга берет
(жаңыланган 12:02 19.07.2018)
Чемпионатта экинчи орунду ээлегендиги үчүн Хорватия футболчулары 28 миллион доллар алат.БИШКЕК, 19-июл. — Sputnik. Хорватиянын футбол боюнча курама командасынын оюнчулары Футбол боюнча 2018-жылы Россияда өткөн чемпионатта алчу сыйлык акчаларын өлкөдөгү жакыр жашагандарга бермей болду. Бул туурасында Известия басылмасы жазды.
"Команданын машыктыруучусу Златко Далич алардын ала турган акчасы Хорватияда жашап бирок Адриатика деңизин көрө элек балдарды алып барган атайын фондуга жумшалат. Ал спортчулар Ховартиядагы жашоо-деңгээлди жакшыртууну каалаарын, себеби аталган өлкөнүн жарандары азыр кыйын күндөрдү башынан кечирип жаткандыгын айткан", — деп жазган басылма.
ФИФА футбол боюнча 2018-жылы Россияда өткөн чемпионатта экинчи орунду ээлеген командага 28 миллион доллар бермекчи. Байге фондусу 2017-жылы аныкталып, жалпы сумма 400 миллион долларды түзгөн.
Тышкы иштер министри Руслан Казакбаев Россияга барды
(жаңыланган 14:26 22.10.2020)
Иш сапардын жүрүшүндө Казакбаевдин россиялык кесиптеши Сергей Лавров жана башка мамлекеттик органдардын жетекчилери менен жолугушуусу күтүлүүдө.БИШКЕК, 22-окт. — Sputnik. Кыргызстандын тышкы иштер министри Руслан Казакбаев бүгүн, 22-октябрда, Россия Федерациясына барды. Бул тууралуу өлкөнүн РФтеги элчилигинен билдиришти.
Иш сапардын жүрүшүндө Казакбаевдин россиялык кесиптеши Сергей Лавров жана башка мамлекеттик органдардын жетекчилери менен жолугушуусу күтүлүүдө.
Алдыдагы сүйлөшүүлөрдө саясий, соода-экономикалык жана маданий-гуманитардык чөйрөлөрдөгү, ошондой эле эки тараптуу кызыкчылыкты көздөгөн маселелер талкууланат.
Мындан тышкары, кыргыз-орус кызматташтыгынын күн тартибиндеги маселелерди кароо пландаштырылууда.
Буга чейин Казакбаев Россияга эки күндүк иш сапары менен барары айтылган болчу.
Белгилер:
Рим папасы Франциск бир жыныстуу никени мыйзамдаштырып берүүгө чакырууда
(жаңыланган 12:39 22.10.2020)
Дин өкүлүнүн айтымында, ЛГБТ коомчулугундагы адамдарды дагы Кудай жараткан жана алар үй-бүлөлүү болууга укуктуу. Демек, бул нерсени мыйзам деңгээлинде ишке ашыруу керек.БИШКЕК, 22-окт. — Sputnik. Рим папасы Франциск бир жыныстагы адамдарга мыйзамдуу түрдө никеге турууга уруксат берүү керектигин айтып чыкты. Бул тууралуу The Washington Post басылмасы жазды.
Анын айтымында, ЛГБТ коомчулугундагы адамдарды дагы Кудай жараткан жана алар үй-бүлөлүү болууга укуктуу. Андыктан бул нерсени мыйзам деңгээлинде ишке ашыруу зарыл.
"Бул үчүн бир дагы адам коомдон куулуп же бактысыз болбошу керек. Биз бул дүйнөгө душмандашуу үчүн эмес, үй-бүлөлүү болуу үчүн келгенбиз", — деди Рим папасы.
Эске салсак, ал башынан эле бир жыныстагы адамдардын баш кошуусун колдоп келет.
Белгилер:
Шайлоо босогосун азайтуу мыйзам долбоорун ЖК комитети үч окууда жактырды
БИШКЕК, 22-окт. — Sputnik. Конституциялык мыйзамдар, сот-укуктук маселелер жана Жогорку Кеңештин регламенти боюнча комитет шайлоо мыйзамдарына өзгөртүү киргизүү боюнча мыйзам долбоорун үч окууда жактырды.
Белгилей кетсек, аталган демилге кечээ, 21-октябрда, парламентте биринчи окуудан өткөн. Бүгүн комитетте дароо экинчи жана үчүнчү окууда каралып колдоо тапты.
Андан соң Жогорку Кеңештин жалпы жыйынында талкууланмак. Бирок саат 14:00дөн бери кворум жок жыйын башталбай жатат. Бул конституциялык мыйзам болгондуктан кабыл алуу үчүн кеминде 80 депутат добуш бериши керек.
ЖК комитети эки шайлоонун мөөнөтүн жылдыруу мыйзам долбоорун колдоду
Эгер сунушталган мыйзам күчүнө кирсе:
- парламенттик шайлоонун күрөөсү 5 миллион сомдон 1 миллион сомго түшүрүлөт;
- босого чеги 7 пайыздан 3 пайызга төмөндөтүлөт;
- шайлоо участкасын алмаштырууга шарт түзгөн №2 форма жокко чыгарылат. Анын жолу татаалдаштырылат;
- шайлоого катышууга ниети бар мамлекеттик жана муниципалдык кызматкерлер жумуштан убактылуу гана четтетилбей, толугу менен ишинен бошотулат.