БИШКЕК, 7-авг. — Sputnik. Кайсы үлгүдөгү автоунааларды дат тез басып кете тургандыгын Novate журналы өзүнүн баяндамасында санап чыккан. https://novate.ru/blogs/060818/47368/
Журналдын жазгандарына таянсак датка жакын автоунаа "Волга" экен. Учурда сейрек кездешкен бул үлгүдөгү темир тулпарга 2000-жылдары суроо-талап көп болгон. Сырты начар сапаттагы металлдан жасалгандыктан, автоунааны дат эки жылдан кийин эле басып баштаганы айтылган.
Экинчи сапка 2007-2014-жылдары чыккан Ford Mondeo үлгүсүндөгү автоунаа чыкты. Суук көп болуп, туз арбын себилген жолдо жүргөндүктөн, анын сырткы темири тез чирийт экен.
Кийики сапка "УАЗ Патриот" жол тандабасы коюлган. Сырткы көрүнүшү кынтыксыз жасалган бул унаа да датка тез алдырат экен.
Бешинчи орунду 1995-2006-жылдары чыккан Nissan Almera ээлеген. Аны ишенимдүү деп айтышканы менен эшиктери, капоттун үстү, жүк салган тарабы жана босого темирлери тез чирийт экен. Ал тургай багажниктин капкагын 2-3 жылда эле дат басып кеткен учурлар кездешкени айтылган.
Алтынчы орунга 2002-2012-жылдары чыккан Mazda-6 автоунаасы чыккан. Журнал аталган темир тулпардын биринчи мууну жакшы жасалганы менен даттан коргоо жагы аксап калганын жазган. Эгерде кожоюну жакшылап карап, кам көрбөсө, кузов тез эле чирип кетет деген эскертүү берилген.
