WhatsApp тиркемесинин логотиби. Архив

Испаниялык киши аялынын WhatsApp аркылуу жазышканын аңдып окуганы үчүн кесилди

694
(жаңыланган 16:59 08.08.2018)
Аял күйөөсү анын жеке жазышууларын окуганы аз келгенсип, кол көтөрүп зордуктаганын айтып сотко кайрылган.

БИШКЕК, 8-авг. — Sputnik. Испаниянын Валенсия шаарынын тургуну аялынын WhatsApp мессенджеринде жазышкандарын аңдып окуганы үчүн эки жылга кесилгенин El Caonfidencail басылмасы жазды.

Ага ылайык, 32 жаштагы эркек киши тыңчылык кыла турган атайын программаны колдонуп, аялынын WhatsApp мессенджери аркылуу жазышкандарын скриншот кылып өзүнө жиберип турган. Ал жубайы көзүнө чөп салып жатканын тастыктай турчу бир нече билдирүүнү таап алган экен.

Аялы күйөөсү аңдып жүргөнүн билип калып, сотко берем деп коркутканда жолдошу өзүнүн артын тазалоо үчүн аялынын телефонунун программалык камсыздоосун жаңылап салган.

Аял жолдошу анын жеке жашоого болгон укугун бузгандыгын жана кол көтөрүп зордуктаганын айтып сотко кайрылган. Ошондой эле күйөөсүн 78 жылга эркинен ажыратууну суранган.

Жыйынтыгында сот эркек кишини эки жылга эркинен ажыратып, 3,3 миң евро айып салган. Сот ошондой эле аны аялы менен төрт жылга чейин жолукпоону буйрук кылган.

694
Белгилер:
сот, билдирүү, WhatsApp, Испания
Тема боюнча
Арманым аттын башындай! Прокуратуранын WhatsApp номерине үч миң киши арызданды