Улуу Британиялык стюардесса Кэй Лонгстаффтын архивдик сүрөтү

Британиялык аял кемеден кулап, сууда 10 саат сүзүп жүргөн

(жаңыланган 14:45 23.08.2018)
Куткаруучулар барганда аял аман-эсен керек болсо күүлүү-күчтүү абалда болгон.

БИШКЕК, 22-авг. — Sputnik. Улуу Британиялык стюардесса Кэй Лонгстафф жүрүп бараткан круиздик лайнерден кулап кетип, сууда он сааттай сүзүп жүргөн. Бул тууралуу РИА Новости агенттиги The Sun басылмасына шилтеме берип жазды.

Лонгстафф өзүнүн жигити менен Norwegian Cruise Line компаниясынын кемеси менен Хорватиядан Италияга сапар алган. Күндөрдүн биринде ал 20 метрлик бийиктиктен деңизге кулап түшкөн.

Хорватиянын Деңиз, транспорт жана инфраструктура министрлиги видео көзмөлдөөнү карап чыгып, окуя болгон жерди аныктай алган. Куткаруучулар жерине барганда аял аман-эсен керек болсо күүлүү-күчтүү абалда болгон.

Лонгстаффдын айтымында, муздак сууда 10 саат кармалууга йога менен машыккандыгы жардам берген. Ал ошондой эле уктап калбаш үчүн ырдап жүргөнүн билдирген.

Куткаруу иштеринен кийин аял ооруканага жаткырылган, учурда абалы жакшы.

Белгилер:
деңиз, кеме, куткаруу, Хорватия
Тема боюнча
Испанияда чөгүп бараткан аялды дрондун жардамы менен сактап калышты
ӨКМ: быйыл сууга чөгүп ажал тапкан адамдардын саны 100дөн ашты
Документ текшерип жаткан ФМС кызматкери. Архив

Россияда мыйзамсыз жүргөн мигранттар жоопко тартылбастан каттоого тура алат

(жаңыланган 19:34 23.04.2021)
Үстүбүздөгү жылдын 15-июнуна чейин РФ аймагында мыйзамсыз жүргөн мигранттар каттоого турса аларга карата административдик чара колдонулбайт жана өлкөдөн чыгарылбайт.

БИШКЕК, 23-апр. — Sputnik. Россиянын аймагында мыйзамсыз жүргөн кыргызстандык мигранттар 15-июнга чейин каттоого тура алышат. Бул тууралуу Россия өкмөтүнүн төрагасынын орун басары Алексей Оверчук 21-апрелде Кыргызстандын биринчи вице-премьери Артём Новиков менен жолукканда билдиргенин өкмөттөн кабарлашты.

Маалыматка караганда, үстүбүздөгү жылдын 15-июнуна чейин РФ аймагында мыйзамсыз жүргөн мигранттар каттоого турса аларга карата административдик чара колдонулбайт жана өлкөдөн чыгарылбайт.

"Россия тарап эмгек мигранттарынын укугун чектөө боюнча эч кандай иш-аракеттерди жүргүзбөйт. Бирок мигранттар каттоодон өтүп коюшу керек", — деди Новиков.

Ал ошондой эле жалпы диаспора өкүлдөрүн ишке тартып, ар бир мигрантка жеке статусун тастыктоосу зарыл экенин жеткирүү керектигин кошумчалады.

Белгилер:
статус, мыйзам, Мигрант, Россия, Кыргызстан
Тема боюнча
Россияда мигрант куруучулардын реестрин түзүү сунушталууда. Максаты кандай

Карга үчүн аппак, кирпи үчүн жумшак... Жаныбарлардын балдары тартылган 15 сүрөт

  • Жаңы туулган баласын кучактап жаткан горилла июнь айында Антверпен (Бельгия) шаарында тартылган
Эң коркунучтуу жырткыч да сүйкүмдүү күчүк болуп төрөлөт. Адамдар алардын айрымдарын зоопарктан көргөндө боору ооруйт.

Кээ бир учурда Кызыл китепке кирген же сейрек кездешүүчү жаныбардын тукуму жарыкка келсе дүйнө жүзү үчүн чоң сенсация болот.

Бул сүрөт түрмөктө жаныбарлардын күчүктөрү кичинекей кезинде кандай болорун көрөсүздөр. Sputnik Кыргызстан сүйкүмдүү 15 сүрөттү сунуш кылат.

 

  • © AFP 2021 / Sebastien Bozon

    Франциянын Мюлуз зоопаркындагы леопарддын күчүгү. Леопард арстан менен жолборско салыштырмалуу кичирээк келет

  • © REUTERS / TT News Agency / Jonas Ekstromer

    Стокгольмдун зоопаркындагы мамалак. Ысыкта ал сууга түшүп сергип жатат

  • Жаңы туулган баласын кучактап жаткан горилла июнь айында Антверпен (Бельгия) шаарында тартылган
    © REUTERS / YVES HERMAN

    Жаңы туулган баласын кучактап жаткан горилла июнь айында Антверпен (Бельгия) шаарында тартылган

  • © AFP 2021 / Guillaume Souvant

    Гиппопотамдын баласы Франциянын зоопаркында 7-июнда туулган. Аны "Мадагаскар" мультфильминин каарманы Глориянын ысымы ыйгарылган

  • © AFP 2021 / Sebastien Bozon

    Игрунка маймыл тукумундагы эң кичинекей жандык деп эсептелет. Анын чоңу куйругун кошо өлчөгөндө 22 сантиметр чыгат. Сүрөт июнь айында Францияда тартылган

  • © AP Photo / Peter Steffen / dpa

    Дарбыз тиштеп алган ак аюунун мамалагына Нана деген ысым ыйгарылган. Ал Ганновердеги (Германия) зоопаркта жашайт

  • © AFP 2021 / Cristina Quicler

    Ак арстандар сейрек кездешкен жандыкка кирет. Ошондуктан анын күчүгүнүн жарык дүйнөгө келишин сенсациялуу окуя деп бааласа болот. Сүрөт Испаниядагы зоопаркта күчүккө сүт берип жатканда тартылган

  • © REUTERS / Daniel Becerril

    Мексикалык карышкырлар тукуму жок болуп кетүү алдында турат. 90-жылдардан тарта бул жандыкты көбөйтүү боюнча программа иштелип чыккан. Бөлтүрүктөрү менен жаткан эне-карышкырдын сүрөтү Сальтильо (Мексика) зоопаркынан тартылган

  • © AFP 2021 / Ashraf Shazly

    Судандагы жапайы айбанаттардын паркында арстан күчүгүн көтөрүп турат. Пандемия убагында бул жерде бир нече арстан жарыкка келген. Азырынча аларды сүрөттөн гана көрүүгө болот

  • © Sputnik / Press service of the Moscow zoo

    Москванын зоопаркында күчүктөрү менен турган Фрея аттуу жапайы ит. Бул жандык көбүнесе үлпүлдөк аюуга окшош. Ал Борбордук жана Түштүк Америкада жашайт

  • © AP Photo / Kerstin Joensson

    Туулганына үч күн болгон керик. Ал 6-июнда Австриянын Зальцбург зоопаркында жарыкка келген

  • © REUTERS / Charles Platiau

    Ымыркайын артына көтөрүп жүргөн лемур. Баласы Франциянын зоопаркында жаз айындагы карантин убагында туулган

  • © AP Photo / Dita Alangkara

    Акыра кичинекей баласынан канчалык чоң экенин көрүңүз. Сүрөт Индонезиянын Жакарта зоопаркында тартылган

  • © Sputnik / Ekaterina Chesnokova

    Бул суматрандык орангутандын баласы Москванын зоопаркында жашайт

  • © AP Photo / Axel Heimken / dpa

    Боор ооруткан сүрөт. Гамбургдун (Германия) жапайы айбанаттар паркында сүлөсүндүн үч мый-мыйынын бири

Белгилер:
зоопарк, Франция, АКШ, жаныбарлар
Тема боюнча
Жамбаштап жатсаң сонун да! Кымыз жыттанган кыргыздын жайлоолору сүрөттө