iPhone 8. Архив

Apple компаниясы iPhone 8дин кандай кемчилиги бар экенин айтты

148
(жаңыланган 11:33 05.09.2018)
Гаджеттер күтүүсүз жерден өчүп-жанып, катып же күйбөй калышы ыктымал.

БИШКЕК, 4-сен. — Sputnik. Apple компаниясы iPhone 8 смартфонунда кемчиликтер бар экендигин, тагыраагы телефондун иштешин камсыздай турган негизги схема (motherboard. — ред.) бузук чыгып калгандыгын айтты.

Аталган компаниянын маалыматында, бул кемчиликтер гаджеттердин 2017-жылдын сентябрынан 2018-жылдын мартына чейинки убакта рыноккко чыккан мезгилинде байкалган. Алар негизинен Австралия, Кытай, Гонконг, Индия, Япония, Макао, Жаңы Зеландия жана АКШ мамлекеттерине сатылган.

"Гаджеттер күтүүсүз жерден өчүп-жанып, катып же күйбөй калышы ыктымал",— деп айтылат сайттын техникалык колдоо бөлүмүндө.

Компания смартфондорду акысыз оңдоп-түзөп берүүгө убада берген. Apple ошондой эле башка моделдерде, анын ичинде iPhone —8 Plus үлгүсүндө мындай кемчиликтер жок экендигин кошумчалаган.

148
Белгилер:
Apple, iPhone, гаджет, смартфон, маалымат
Тема боюнча
iPhone кантип жарылып, жалындап күйдү. Видео
iPhone телефонунан маалыматтар уурдалышы мүмкүн экен. Сак болгула!
Тажикстанда Бузулгус бир туугандык — 2021 машыгуулары

Тажикстанда ЖККУнун аскердик машыгуусу аяктады. Видео

61
(жаңыланган 17:27 24.10.2021)
Аскерлер чек арадагы куралдуу жаңжалды басууга даярдык көрүү жана биргеликте операция жүргүзүү тапшырмаларын аткарышты.

БИШКЕК, 24-окт. — Sputnik. Тажикстанда Жамааттык коопсуздук келишим уюмунун "Бузулгус бир туугандык — 2021" машыгуулары аяктады.

Россиянын Борбордук аскердик округунун кол башчысы Александар Лепин аскерлердин тактикалык машыгуусу ЖККУга мүчө-мамлекеттерди ар кандай террордук коркунучтардан коргоого багытталганын айтканын RT жазды.

"ЖККУнун Ыкчам чара көрүү жамааттык күчтөрүнүн Тажикстандагы масштабдуу машыгуусу Афганистанда курчуп кеткен кырдаалга жооп берүүчү маанилүү кадам болду", — деди Лапин.

Бул машыгуунун өзгөчөлүгү чалгындоонун жаңы каражаттарын колдонуу, радиоэлектрондук күрөш, байланыш, материалдык-техникалык жана медициналык жактан камсыздоо болду. Мисалы, "Издөө — 2021" машыгуусунда коркунучтарды алдын ала билүүгө жана кол салуу аракетине сокку берүү мүмкүнчүлүгүн камсыздаган эффективдүү чалгындоону башкаруу системасы пайдаланылган.

ЖККУнун жааматтык күчтөрү чек арадагы куралдуу жаңжалды басууга даярдык көрүү жана биргеликте операция жүргүзүү тапшырмаларын аткарышты.

61
Белгилер:
ЖККУ, Тажикстан, машыгуу, Аскер
Тема боюнча
Россиялык Су-25тер Тажикстанда: кол салгандын катыгын берүүгө даярдык
Тажикстанда кайрадан ЖККУнун аскердик окуулары. Машыгуунун максаты, каражаттары
Өзбекстандын президенти Шавкат Мирзиёев үй-бүлөсү менен Ташкентте добуш учурунда

Күйөө бала, неберелери. Мирзиёев бүт үй-бүлөсү менен келип добуш берди. Сүрөт

138
(жаңыланган 15:53 24.10.2021)
Саат 11:00гө карата добуш берүүгө 6 669 522 адам же шайлоочулардын 33,6 пайызы катышып, президенттик шайлоо өттү деп таанылды.

БИШКЕК, 24-окт. — Sputnik. Өзбекстандын президенти Шавкат Мирзиёев бүгүн Ташкент шаарында бүт үй-бүлөсү менен келип добуш берди.

Өлкө президентинин сайтына чыккан сүрөттөрдөн Мирзиёев жубайы Зироатхон, кыздары Саида, Шахноза, күйөө балдары Ойбек, Отабек, кичүү уулу Давран жана неберелери менен келгенин көрүүгө болот.

  • Президент Узбекистана Шавкат Мирзиёев во время голосования на президентских выборов в Ташкенте. 24 октября 2021 года
    Өзбекстандын президенти Шавкат Мирзиёев бүгүн Ташкент шаарында бүт үй-бүлөсү менен келип добуш берди
    © Фото / пресс-служба президента Узбекистана
  • Президент Узбекистана Шавкат Мирзиёев во время голосования на президентских выборов в Ташкенте. 24 октября 2021 года
    Өлкө президентинин сайтына чыккан сүрөттөрдөн Мирзиёев жубайы Зироатхон, кыздары Саида, Шахноза, күйөө балдары Ойбек, Отабек, кичүү уулу Давран жана неберелери менен келгенин көрүүгө болот
    © Фото / пресс-служба президента Узбекистана
  • Президент Узбекистана Шавкат Мирзиёев во время голосования на президентских выборов в Ташкенте. 24 октября 2021 года
    Коңшу өлкөдөгү президенттик шайлоого расмий түрдө иш алып барган беш партиянын тең талапкерлери ат салышууда
    © Фото / пресс-служба президента Узбекистана
1 / 3
© Фото / пресс-служба президента Узбекистана
Өзбекстандын президенти Шавкат Мирзиёев бүгүн Ташкент шаарында бүт үй-бүлөсү менен келип добуш берди

Коңшу өлкөдөгү президенттик шайлоого расмий түрдө иш алып барган беш партиянын тең талапкерлери ат салышууда.

Өзбекстандын либерал-демократтар партиясы учурдагы мамлекет башчы Шавкат Мирзиёевдин талапкерлигин көрсөткөн. Ал эми "Миллий тикланиш" партиясынан 46 жаштагы Алишер Кадыров, Өзбекстандын элдик-демократиялык партиясынан 60 жаштагы Максуда Варисова, "Адолат" партиясынын 62 жаштагы лидери Бахром Абдухалимов, "Экология" партиясынан 46 жаштагы Нарзулло Обломурадов катышып жатат.

Саат 11:00гө карата алынган маалымат боюнча, добуш берүүгө 6 669 522 адам катышты. Бул шайлоочулардын (19,86 миллион) 33,6 пайызын түзүп, президенттик шайлоо өттү деп таанылды. Өзбекстандын мыйзамдарына ылайык, босого чек 33 пайыз деп белгиленген.

138
Белгилер:
Өзбекстан, шайлоо, Шавкат Мирзиеев, үй-бүлө
Тема боюнча
Мирзиёев кайрадан президент болууга аттанды, ага аял киши атаандаш болот
Дүйнө таң кала тургандай шайлоо өткөрөлү. Жапаров аткаминерлерге кайрылды

Кыргызстанда майды аз ичкен унаалар канчадан сатылууда. Инфографика

0
(жаңыланган 20:39 24.10.2021)
Sputnik Кыргызстан көбүрөөк суроо-талап менен сатылып жаткан майды аз ичүүчү автоунаалардын баасы кандай өзгөргөнүн анализдеп көрдү.
Кыргызстанда эң өтүмдүү  автоунаалардын баасы

Инфографикада чыккан жылы жаңы унаалардын орточо наркы берилген. Мониторинг autobaza.kg, cars.kg, turbo.kg жана mashina.kg ресурстарына чыккан маалыматка карап январь-октябрь айларында жүргүзүлдү.

Эң көп сатылган 10 автоунаага төмөнкүлөр кирди:

  • Daewoo Matiz;
  • Honda Fit;
  • Lada 2107;
  • Toyota IST;
  • Hyundai Getz;
  • Volkswagen Golf;
  • Mazda Demio;
  • Chevrolet Spark;
  • Honda Civic;
  • Toyota Prius.

Дээрлик бардык унаалар 200дөн 1000 долларга чейин кымбаттаган.

Сатуучулар жана эксперттер машинанын баасы улам кымбаттай берет деген пикирде. Экономист Элдар Абакиров буга акчанын кунунун кетиши таасир этерин айтат.

"Элде накталай акча бар, бирок аны менен бай болуп кете албайсың. Болгону акча кунун жоготуп баратат. Ушундан улам баары, анын ичинде машина дагы кымбаттап жатат", — деди эксперт.

Чет өлкөдөн машина ташуучу компаниянын кожоюну Данияр Салякаев баалардын төмөндөшүнө үмүт артпай эле коюу керек деген пикирде.

"Учурда дээрлик баары кымбаттап жатат, ал эми машина суроо-талап менен колдонулат. Мындай кырдаалда эч качан арзандабайт. Бул реалдуулук, жакшы машина алуу үчүн акча чогултуш керек", — деди ал.

"Элчи" социалдык-саясий изилдөөлөр борборунун директору Денис Бердаков мындай жагдайга ири автоконцерндер тушуккан каатчылык түздөн-түз себепкер экенин белгилейт.

"Машина өндүрүүчүлөр кыймылдаткычтар үчүн керектүү тетиктердин тартыштыгына кабылышты. Тагыраагы, башкаруунун электрондук блокторунун, тышкы электр жабдууларынын, жабдыктарды башкаруу панелинин, мультимедиалык системалардын микросхемалары азыр жетишсиз болуп турат. Ушул өңдүү тетиктердин өндүрүш көлөмү пандемиянын, ар кыл мамлекеттердеги ушул багыттагы өндүрүш ишканаларына коюлган чектөө чараларынын айынан азайып кеткен", — деген оюн ортого салды эксперт.

Кыргызстанда автоунаалардын баасы кымбаттап жатканына чет өлкөдөн массалык түрдө транспорт ташылбай калганы да себеп болууда.

0
Белгилер:
Кыргызстан, автоунаа, баа, сатып алуу, кымбат
Тема боюнча
Кыргызстандагы алдыңкы 10 жолтандабас менен кроссовердин баасы кандай өзгөрдү