Абхазиянын премьер-министри Геннадий Гагулия. Архив

Түндө Абхаз өкмөт башчысы капилет көз жумду. Ал кабылган автокырсыктан кийинки видео

1546
(жаңыланган 14:44 10.09.2018)
Өкмөттүк кортеж Сочи аэропортунан Абхазияга бара жаткан.

БИШКЕК, 9-сен. — Sputnik. Абхазиянын премьер-министри Геннадий Гагулия 9-сентябрга караган түнү жол кырсыкка кабылып, ооруканада үзүлдү. Бул тууралуу Абхазия өкмөтүнүн маалымат кызматына шилтеме берип РИА Новости жазды.

Маалыматка карганда, өкмөттүк кортеж Сочи аэропортунан Абхазияга бет алган.

"Өкмөт башчы бара жаткан унаа ВАЗ үлгүсүндөгү авто менен сүзүшүптүр. Бардыгы үч киши жабыркап, оорукага жеткирилген. Алардын ичинен Геннадий Гагулия көз жумду", — деп айтылат макалада.

Өлкөнүн Ички иштер министрлиги ВАЗды башкарып келе жаткан жарандын канынан баңги зат табылганын билдирди.

Ал эми Sputnik Абхазия агенттиги өкмөт башчы каза тапкан жол кырсыгынан кийин жеринде тартылган алгачкы видеону жарыялады.

© Sputnik
Первые кадры видео с места аварии, в которой погиб премьер Абхазии

Кадрлардын  эки унаа тең талкаланып калганын көрүүгө болот.

Белгилей кетсек, Геннадий Гагулия жакында күндөрү Сирияга расмий сапары менен барып келген. Мындан улам, өлкөнүн президентинин маалымат кызматынан премьер-министрдин өлүмүн атайын кол салуу же террор эместигин айтып, "жөн гана кырсык" деп баа беришти.

Гагулия өкмөттү 2018-жылдын апрель айынан бери жетектеп келе жаткан. Бирок ал буга чейин ал 1995-1997 жана 2002-2003-жылдар аралыгында премьер-министр болгон.

1546
Белгилер:
өлүм, Геннадий Гагулия, Абхазия
Тема боюнча
Азия сулуусу милициянын автокөлүгү менен сүзүшкөн кырсык. Чоо-жайы, сүрөт
Шарап. Архив

Ашказанды бузат. Шарапты кайсы тамактар менен аралаштырбоо керектиги айтылды

3
Дарыгер ичимдик менен айрым тамактарды кошо ичүү гастрит, ашказан жарасы жана панкреатит ооруларын күчөтөрүн билдирди.

БИШКЕК, 14-июн. — Sputnik. Шарап менен эмнелерди аралаштырып жесе болбой турганын РИА Новостиге гастроэнтеролог Анна Денисова айтып берди.

Адис шарап сыяктуу алкоголдук ичимдик менен майлуу жана ачуу тамактарды колдонуунун зыянын эскертти.

"Куйрук май, колбаса, семга, скумбрия, маринаддалган жашылча, суши жегенде колдонгон васаби татымалын шарап менен аралаштырган болбойт. Бөтөнчө гастрити же ашказанында жарасы барлардын оорусу күчөп кетиши мүмкүн. Ичимдик менен майлуу тамак ашказанга түшкөндө панкреатит да катуу кармайт. Мындайда бейтап ооруканага түшүп, операциялык жол менен дарыланышы мүмкүн", — деген дарыгер.

Мындан тышкары, гастроэнтеролог күнүнө бир-эки гана бокал шарап ичүүнү сунуштап, көп ичүү ден соолукка зыян экенин кошумчалаган.

Ошондой эле ичимдиктин өзүн эле ичүү да кооптуу экенин билдирген.

3
Белгилер:
ден соолук, ашказан, шарап
Тема боюнча
Кофеиндүү суусундуктар менен алкоголду чогуу ичүү жүрөк ыргагын бузат
Душанбе шаары, Тажикстан. Архив

Душанбеде ШКУнун 20 жылдыгына карата кинофестиваль өтөт

9
Фестивалдын алкагында Кыргызстан баш болгон уюмга мүчө сегиз өлкөнүн жана байкоочу макамындагы алты мамлекеттин фильмдери көрсөтүлөт.

БИШКЕК, 14-июн. — Sputnik. Душанбе шаарында 29-июндан тарта 2-июлга чейин Шанхай кызматташтык уюмуна (ШКУ) мүчө-мамлекеттердин арасында көркөм жана телефильмдердин фестивалы өтөт. Бул тууралуу Кинематографты колдоо фондунан кабарлашты.

Фестивалдын алкагында Кыргызстан баш болгон уюмга мүчө сегиз өлкөнүн жана байкоочу макамындагы алты мамлекеттин фильмдери көрсөтүлөт. Жеңүүчүлөргө "Алтын чабалекей" сыйлыгы жана дипломдор ыйгарылат.

Кыргызстандын атынан кайсы тасма көрсөтүлөрү айтыла элек.

Эске салсак, ушул жылдын 15-июнь күнү бирикменин түзүлгөнүнө 20 жыл толот. Буга байланыштуу ар кандай саясий жана маданий иш-чараларды өткөрүү пландалган.

9
Белгилер:
тасма, фестиваль, ШКУ, Тажикстан, Кыргызстан
Тема боюнча
Байге фонду миллион сомдук республикалык айтыш сынагы өтөт
Кыргыздын "Шамбала" тасмасы Испаниядагы кинофестивалга катышат