Сирияда мектепке бараткан окуучулар. Архив

Окумуштуулар бактысыз балалыктын кесепети кандай болорун аныкташты

682
(жаңыланган 15:47 02.10.2018)
Кандайдыр бир жыйынтыкка келүү үчүн адистер 20 миң адамдын таржымалын иликтеп көрүштү.

БИШКЕК, 1-окт. — Sputnik. Чехиялык окумуштуулар бактысыз, өтө жакыр турмушта өскөн балалык адамдын келечегине терс таасирин тийгизе турганын аныкташты. Бул тууралуу "Известия" басылмасы жазды.

Адистер Европада жашы 70тен өткөн 20 миң кишини маалыматты кабыл алуу, эске тутуу, анализдөө жана сөз байлыгы боюнча атайын тесттен өткөргөн.

Жыйынтыгында бала кезинде өтө жакыр, жетишпеген үй-бүлөдө, же ата-энесиз өскөн 844 киши эң төмөн упай алышкан. Мындан улам окутуштуулар бала кезинен оор турмушта өскөндөр кийин акылынан эрте ажыроо коркунучуна кабылат деген бүтүмгө келишти.

682
Белгилер:
акыл, кесепет, жакырчылык, балалык
Тема боюнча
Окумуштуулар диета кармабай, машыкпай эле арыктоонун ыкмасын айтып беришти
Стресс аялдарга караганда эркектердин өмүрүн көп алат. Себеби
UFC чемпиону Хабиб Нурмагомедов. Архив

Көк бөрү көрөбүз! Хабиб машыктыруучусу менен Кыргызстанга келет

122
(жаңыланган 01:19 26.11.2020)
Нурмагомедов Кыргызстанга 2018-жылы келген. Анда ал өлкөдө ушунчалык атактуу экенине таң калганын билдирген.

БИШКЕК, 25-ноя. — Sputnik. UFC чемпиону Хабиб Нурмагомедовдун машыктыруучусу Хавьер Мендез Instagram баракчасына Кыргызстанга келип, көк бөрү оюнун көрүү каалоосу тууралуу жазган.

Посмотреть эту публикацию в Instagram

Публикация от Javier Mendez (@akajav)

Мендез менен Нурмагомедов азыр Бириккен Араб Эмирлигинде жүргөнү маалым болду. Машыктыруучу Кыргызстанды кайрадан көргүсү келип жатканын кыргыз ишкери менен жолукканда айткан.

"Кереметтүү Кыргызстанга барууну чыдамсыздык менен күтүп жатам, ошондой эле көк бөрү оюнун да көрсөк дейбиз", — деп жазган Мендез. 

UFC чемпиону да Instagram баракчасынын сторис бөлүмүнө "Жакында Кыргызстанга барам" деп жазган.

Белгилей кетсек, 2018-жылы Хабиб Нурмагомедов Улуттук олимпиада комитетинин чакыруусу менен өлкөгө келип кеткен. Анда ал КРде ушунчалык атактуу экенине таң калганын билдирген.

122
Белгилер:
Көк бөрү, спортчу, тренер, Хабиб Нурмагомедов, Кыргызстан
Тема боюнча
Миссиямды аткардым. Хабиб кайра октагонго чыгар-чыкпасын айтты
Легендарлуу футболчу Диего Марадона. Архив

Легендарлуу футболчу Диего Марадона көз жумду

127
(жаңыланган 22:50 25.11.2020)
Аргентиналык спортчу 60 жашта болчу. Ал 30-октябрда медициналык көзөмөлдөн өтүү үчүн ооруканалардын бирине жаткырылган.

БИШКЕК, 25-ноя. — Sputnik. Футбол боюнча 1986-жылы дүйнө чемпиону болгон легендарлуу футболчу Диего Марадона көз жумду. Бул тууралуу РИА Новости Аргентинанын TN телеканалына таянып кабарлады.

Аргентиналык спортчу 60 жашта болчу.

30-октябрда "Химнасия жана Эсгрима" футбол клубуна башкы машыктыруучулук кылып жаткан Марадона бир катар текшерүүлөрдөн өтүү үчүн ооруканага жаткырылган. Кийинчерээк анын мээсине операция жасалгандыгы кабарланган. Марадона ооруканадан 12-ноябрда чыгарылганы айтылган. Футбол адисинин акыркы жылдары басканы оорлошуп, өзүн начар сезип калган.

127
Тема боюнча
Роналду, Зидан, Марадона... Дүйнөлүк футболчулардын атын алган кыргызстандыктар