Өзбекстандын тунгуч президенти Ислам Каримовдун архивдик сүрөтү

Ислам Каримовдун эң биринчи колдонгон уюлдук телефону көрсөтүлдү

1825
(жаңыланган 10:32 14.10.2018)
Ал кезде мындай телефондун баасы 5 миң доллар болчу.

БИШКЕК, 12-окт. — Sputnik. Өзбекстандын тунгуч президенти Ислам Каримовдун алгачкы уюлдук телефону Ташкенттеги Тарых музейге коюлду. Бул туурасында Sputnik Өзбекстан агенттиги жазып чыкты.

Каримов ушул телефон менен 1992-жылы 26-августта биринчи жолу байланышка чыгып сүйлөшкөн.

Музейге коюлган аппарат Nokia компаниясынын 1987-жылы алгачкы ирет чыгарган Mobira Cityman 900 үлгүсүндөгү телефон. Гаджет 1987-жылы 9-апрелде Горбачевдин Финляндиянын борбору Хельсинки шаарынан Москвага чалган сүрөтү дүйнөгө тарагандан кийин элге белгилүү болуп калган.

Nokia Mobira Cityman 900 үлгүсүндөгү телефондун чыгышы өзгөчө жаңылык алып келген. Башка аппараттардын салмагы 5 килограммды түзгөндө, ал 760 грамм болуп чыгарылган. Сүйлөшүүдөн сырткары андан смс билдирүүлөрдү жиберүү мүмкүнчүлүгү түзүлгөн. Ошол кезде бул телефондун баасы 5 миң доллар болчу.

1825
Белгилер:
музей, телефон, Nokia, Ислам Каримов
Тема боюнча
Гитлер өзү колдонуп жүргөн телефон 243 миң долларга сатылды
iPhone уюлдук аппаратынын эң биринчи үлгүсү 24 миң долларга сатылып жатат
Пикирлер