Лаборатория кызматкерлери. Архив

Окумуштуулар мурунду чукуу кандай ооруга алып келерин айтышты

1006
(жаңыланган 09:18 15.10.2018)
Изилдөөгө жалпысынан 70тен ашык ыктыярчы катышкан.

БИШКЕК, 14-окт. — Sputnik. Британиянын Ливерпуль университетинин окумуштуулары мурунду чукуу адамдын ден соолугуна зыян экенин аныкташты. Окумуштуулардын ырасташынча, мындай аракеттер пневманиянын жайылышын шарттайт.

Бул жаатта окумуштуулар бир нече эксперимент жүргүзүп, анын жыйынтыгын European Respiratory Journal журналына жарыялады. Алар 70тен ашык ыктыярчыны сынап көрүшкөн. Ал үчүн окумуштуулар ыктыярчылардын манжасына пневмококк бактериясынын кошулмаларын сүйкөп, мурдун чукууну суранышкан.

Бир жумадан кийин ыктыярчылардын 40 пайызы пневмания дартын "ийгиликтүү" жуктурушканын байкашкан. Андыктан окумуштуулардын ырасташынча пневмания аба аркылуу гана жукпастан, оорулуу кишиден дагы түз жугат деген бүтүмгө келишкен. Бул нерсени бир гана дарыгерлер эмес ата-энелер жана өспүрүмдөр дагы эске алышы керектигин белгилешкен.

1006
Белгилер:
ден соолук, медицина, Окумуштуулар
Тема боюнча
Сыранын кайсы түрү пайдалуу экенин окумуштуулар аныктап чыкты
Окумуштуулар идеалдуу төшөк кумарынын сырын ачты
Пикирлер