БИШКЕК, 17-окт. — Sputnik. Нацисттик Германиянын башчысы, фашизмдин ана башы Адольф Гитлердин гомосексуалдык, гетеросексуалдык өзгөчөлүгү, андан сырткары, садомазохисттик жагы да болгон. Бул туурасында АКШнын борбордук чалгындоо башкармалыгынын (ЦРУ) жашыруун делип келген документти ачыктаган докладында айтылат.

Аны 1943-жылы антрополог Генри Филд АКШнын Стратегиялык кызматынын башкармалыгынын буюртмасы менен түзгөн. Доклад Гитлердин өткөн кылымдын 20-30-жылдарындагы жакын досу Эрнст Сежвик Ганфштенглдин байкоолоруна негизделген. Экөөнүн байланышы Эрнст Америкага эмиграцияга кеткенде үзүлгөн.

Докладда Гитлердин жаш кезинде "гомосексуализмге ыктап, андан сырткары, садомазохизмге жакын" экендиги жазылган. Ал жылдары келечектин фюрери өзүнө орун басар кылып дайындаган Рудольф Гесс аттуу жигитке сексуалдык жактан кызыкчылыгы болгондугу да айтылган. Отчетто Гесстин төшөк мамилесинде аялдар эмес эркектерге жакын экендиги, өзүнүн жүрүм-турумунан, кийингенинен улам "Фройлен Анна" деген мыскылданган атка ээ болгону жазылган.

Докладдан Гитлер өспүрүм балдарды карап, байкап отургандан эстетикалык канааттануу аларын окууга болот. Мындан сырткары, 1910-1913-жылдары сүрөтчү болуп жүргөндө "улгайган эркектер менен жигиттер жолуккан жер" деген атка конгон мейманканада жашаганы да факты катары келтирилген.

"Гитлер көп нерсеге эки башкача караган. Ал бир эле учурда интимдик мамиледе аялдарга да, эркектерге да кызыккан, анан улутчул жана социалист, дагы кызыгы эркек дагы, аял дагы болгон", — деп айтылат документте.

Доклад 70 барактан туруп, анда фашизмдин ана башы болгон бул кишинин сексуалдык багытынан тарта балалыгы, алган билими, кандай тамакты, музыканы сүйгөнү, адаттары тууралуу кеңири баяндалган.

18-январда "Орловка" тоо лыжасы базасында башталган турнир бүгүн, 22-январда, жыйынтыкталып отурат. Анда спортчулар лыжа менен жөн гана ылдый түшпөстөн, жолдогу табигый жана жасалма тоскоолдуктардан өтүшү керек болду.

Турнирге улуттук курама командадан тышкары Казакстан, Өзбекстан жана Тажикстандын спортчулары катышты.

Пандемияга байланыштуу борбор азиялык спортчулар Европадагы турнирге бара албай калып, натыйжада квалификациялык мелдешти Кыргызстанда өткөрүү чечими кабыл алынган. Уюштуруу милдетин КРдин Лыжа спорту федерациясы алган.

Спортчулар лыжа тебүүнүн атайын жана гигант түрлөрүндө күч сынашты. Медалдар кыздар жана эркектер арасында ойнотулуп, натыйжада казакстандык спортчулар алдыга оозуп чыга алды.