АКШда биолог. Архивдик сүрөт

АКШда коркунучтуу оору жайыла баштады. Жабыркагандардын көбү балдар

440
(жаңыланган 12:05 20.10.2018)
90 пайыз учурда илдетке балдар кабылган. Медиктер оорунун себебин таба албай жатат.

БИШКЕК, 19-окт. — Sputnik. Американын 22 штатында миелит дарты жайыла баштады. Бул тууралуу Science Alert басылмасы жазды.

Көзөмөл жана ооруларды алдын алуу борбору быйыл 127 учурду каттоого алган. Дарыгерлер бул дартка чалдыккандардын саны акыркы айларда тездик менен өсүп жатканына кабатыр болушууда. 90 пайыз учурда илдетке балдар кабылган. Болгондо да орточо курак төрт жашты түзүүдө.

"Биз миелит жөнүндө көп нерсе билебиз. Бирок тилекке каршы, канчалаган аракеттерге карабай анын келип чыгуу себебин аныктай албай жатабыз. Эл, өзгөчө ата-энелер кабатыр болуп жатканын жакшы түшүнөбүз", — деди Иммунизациялоо улуттук борборунун директору Нэнси Мессонье.

Миелит нерв системаларын өзгөчө жүлүндү жабыркатат. Дарт полиомиелитке окшошуп кетет. Мындай неврологиялык илдетке кабылууга көптөгөн себептер болушу мүмкүн.

440
Белгилер:
дарт, АКШ
Тема боюнча
Россия Борбор Азияга ракты дарылоо боюнча жардам берүүнү көздөйт
Апамдан жашырган сырым бар. Морфин алган кыргызстандыктар жөнүндө
Окумуштуулар рак илдетин алдын алуунун оңой жолун табышты