Сары-Челек. Архивдик сүрөт

Кыргызстан 2019-жылы саякаттоого эң мыкты 10 өлкөнүн катарына кирди

787
(жаңыланган 10:36 27.10.2018)
Рейтингди түзүүдө абройлуу басылмалардын редакторлорунун, эл аралык изилдөөчүлөрдүн пикири эске алынган.

БИШКЕК, 25-окт. — Sputnik. Эл аралык Lonely Planet басылмасы Кыргызстанды 2019-жылы саякаттоого эң мыкты болгон он мамлекеттин катарына кошту.

Аталган тизмеде Кыргызстан бешинчи орунга татыган. Биринчи орунда Шри-Ланка турат. Бул мамлекеттин бийлиги он жылга созулган ички жаңжалын жөнгө салып, туристтер үчүн түзүлгөн шартты жакшырта алган. Экинчи орунда Германия, үчүнчү орунга Зимбабве татыган.

Рейтингди түзгөндөрдүн ырасташынча, туристтер Кыргызстанга Көчмөндөрдүн дүйнөлүк үчүнчү оюндары өткөндөн кийин кызыгып калышкан.

"Жөө жүрүү үчүн узундугу 2,7 чакырымга жеткен жаңы маршруттар, туристтерге ыңгайлашкан продукцияларды чыгаруу, автожолдордун оңдолушу жана жеңилдетилген электрондук виза… Бузула элек жаратылышты көрүүнү каалагандар үчүн Кыргызстан сүймөнчүк жайга айланууда", — деп жзылат макалада.

Туристтер үчүн сунушталган он мамлекеттин катарына ошондой эле Панама, Иордания, Индонезия, Белоруссия, Сан-Томе жана Принсипи (Борбордук Африкадагы аралча мамлекет) кирди.

Lonely Planet басылмасы 1972-жылы негизделген. Ал капчыгы өтө калың болбогон саякатчыларга ыңгайлуу мамлекеттерди сунуштап келет. Башкы кеңсеси Австралияда орун алган.

Эгер сиз жалгыз саякаттагынды жактырсаңыз бул мамлекеттерди кыдырсаңыз болот.

787
Белгилер:
Кыргызстан, рейтинг, саякат
Тема боюнча
Дүйнөдөгү эң мыкты арал кайда экени аныкталды
КР жарандары канча өлкөгө визасыз кире алат? Паспорттор рейтинги
Кыргызстанга кай жактан көп киши келет? Мамлекеттердин рейтинги
Грек-рим күрөш боюнча кыргызстандык балбан Акжол Махмудов. Архив

Акжол Махмудов Роман Власовдун беттеш боюнча чакырыгын кабыл алды

177
(жаңыланган 21:52 07.12.2021)
Роман Власов — грек-рим күрөшү боюнча россиялык атактуу балбандардын бири. Ал кыргызстандык атлет Акжол Махмудов менен беттешүү ниетин айтты.

БИШКЕК, 7-дек. — Sputnik. Грек-рим күрөшү боюнча кыргызстандык балбан Акжол Махмудов россиялык Олимпиада чемпиону Роман Власовдун чакырыгын кабыл алды. Маалыматты балбандын жеке машыктыруучусу Мейрамбек Ахметов Sputnik Кыргызстан агенттигине тастыктады.

Буга чейин Власов Instagram тармагындагы түз эфир учурунда күрөш сүйүүчүлөрү андан Акжол Махмудов менен беттеши тууралуу көп сурашарын айткан. Ал катардагы мелдештерде кез келип калары мүмкүн экенин, бирок көпчүлүктүн каалоосу боюнча аны атайын уюштуруу керектигин белгилеген.

Кечирээк россиялык спортчу кыргыз балбаны менен видеомаек аркылуу байланышканын сүрөт кылып чыгарган.

"Сенин жок деп баш тартпай турганыңды мен билгем. Килемдин арстандары чакырыктарды ар дайым кабыл алат. Жакынкы убакта биз бул ниеттерди ишке ашырабыз. Мен килем үстүндө өлсөм да жеңишти бербейм", — деп жазган Власов.

Махмудовдун жеке машыктыруучусу Мейрамбек Ахметов беттеш жазында шоу-мелдеште болорун тастыктады.

Эскерте кетсек, эки спортчу тең эң күчтүү атаандаштык бар делген 77 килограмм салмактын балбандары.

31 жаштагы Роман Власов россиялык атактуу спортчулардын бири. 2012-жылы Лондон жана 2016-жылы Рио Олимпиада оюндарынын алтын байгесин уткан. Үч ирет дүйнө, көп жолку Европа чемпиону болгон. Ал Токио Олимпиадасына бара албай калган. Деген менен быйыл Ослодо өткөн дүйнө биринчилигине катышып, чемпион болду.

Ал эми 22 жаштагы Акжол Махмудов Токио Олимпиадасынын, 2018-жылдагы Азия оюндарынын күмүш байге ээси. 2018-жылдагы Азия чемпиону.

Эске салсак, Власов буга чейин кыргызстандык балбандар Жоламан Шаршенбеков жана Айсулуу Тыныбекова тууралуу жылуу пикирлерин айтып келген.

177
Белгилер:
Кыргызстан, Россия, Акжол Махмудов, Роман Власов, беттешүү, чакырык, кабыл алуу
Тема боюнча
Укмуш беттеш болот! Роман Власов Акжол Махмудов менен күрөшүү ниетин билдирди
ПЦР-тест тапшырып жаткан адам. Архив

Россия ПЦР-тесттин жарактуу мөөнөтүн кыскартты. Кыргызстандыктарга таасир этеби? 

82
(жаңыланган 21:48 07.12.2021)
Мындай чечим коронавирустун өтө жугуштуу "омикрон" штаммы жайылып жатканына байланыштуу кабыл алынган.  

БИШКЕК, 7-дек. — Sputnik. Россияда коронавируска каршы тапшырылган ПЦР-тесттин жарактуу мөөнөтү 72 сааттан 48 саатка чейин кыскартылды. Бул тууралуу РИА Новости Роспотребнадзордун жетекчиси Анна Поповага таянуу менен билдирди.

Мындай чечим коронавирустун өтө жугуштуу "омикрон" штаммы жайылып жатканына байланыштуу кабыл алынган.  

Ошондой эле Попова Россияда колдонулуп жаткан ПЦР-тесттердин баары "омикрон" штаммын жугузгандарды дагы аныктай аларын белгилеген.

Эскерте кетсек, учурда Россияга бара жаткан кыргызстандыктар милдеттүү түрдө 72 сааттан кечиктирбей ПЦР-тест тапшырып, терс жыйынтыгын көрсөткөн сертификат менен кетишет. Демек, изилдөөнүн жыйынтыгынын жарактуу мөөнөтү дагы 24 саатка кыскарат.

82
Белгилер:
ПЦР-тест, Россия, кыскартуу, 'омикрон' штаммы
Тема:
Дүйнөгө жайылган коронавирус
Тема боюнча
"Спутник V" вакцинасы "омикрондон" канчалык коргой аларын дарыгер айтып берди
Казакстан өлкөгө кирүү эрежесин катаалдаштырып, чектөө киргизет
АКШ долларлары. Архив

Улуттук банк бүгүн 71,3 млн. доллар сатып, дагы бир рекорд жаратты    

0
(жаңыланган 22:34 07.12.2021)
Мурунку рекорд эки жума мурун катталган. Анда башкы финансылык ведомство 70,3 миллион долларлык интервенция жасаган.

БИШКЕК, 7-дек. — Sputnik. Улуттук банк бүгүн, 7-декабрда, валюта рыногуна 71,3 миллион доллар сатты. 

Бул 2010-жылдан бери жүргүзүлгөн эң ири интервенция (андан мурунку жылдарга карата маалымат ачык булактарда жок).

Буга чейинки рекорддук көрсөткүч 23-ноябрда катталып, 70,3 миллион доллар сатылган болчу.

Ушуну менен быйылкы жылдын эсебинен 14 жолу интервенция жасалды. Бул аралыкта сатылган доллардын суммасы 633 миллионго жетти. Улуттук банк 24-ноябрда накталай түрүндө дагы 38 миллион доллар саткан.

0
Белгилер:
Улуттук банк, интервенция, доллар, сатуу
Тема боюнча
Улуттук банк ноябрда сомдун курсун кармап туруш үчүн канча акча коротту
Президент салыктан бошоткон ишканаларга беш талап койду. Тизме