Доллар акчасынын өрттөнүшү. Архивдик сүрөт

ЖМК: АКШнын мамлекеттик карызы өзүнө коркунуч жаратууда

300
(жаңыланган 17:57 04.11.2018)
Учурда АКШнын мамлекеттик карызы 21 триллион доллардан ашат.

БИШКЕК, 2-ноя. — Sputnik. АКШ президентинин улуттук коопсуздук боюнча жардамчысы Жон Болтон АКШнын мамлекеттик карызы өлкөгө коркунуч туудуруп жатканын билдирди. Ал мындай пикирин Вашингтондо "Александр Гамильтондун коому" бейөкмөт уюмунда сүйлөп жатып билдиргенин "Известия" басылмасы жазды.

"Мамлекеттик карыздын мындай көлөмгө жетиши коомго дагы терс таасирин тийгизип, керек болсо өлкөнүн улуттук коопсуздугуна коркунуч жаратат", — деди Болтон.

Ал ошондой эле өз сөзүндө АКШнын бийлиги артыкчылык берилген багыттар боюнча иш алып барып, мамлекеттин чыгымдарын азайтуусу керектигин кошумчалады. Кийинки жылдын жаңы бюджетинде чыгаша бөлүгүн кыскартуу каралганын белгиледи.

Учурда АКШнын мамлекеттик карызы 21 триллион доллардан ашат. Ошол эле учурда мамлекеттин ички дүң продукциясы 19,5 триллион долларга бааланат. Америкалык экономисттердин божомолу боюнча 2026-жылга карата мамлекеттик карыз 30 триллион долларга жетет.

Ал эми Кыргызстан мамлекеттик карызды төлөө үчүн канча каражат жумшай турганын бул жактан окуңуз.

300
Белгилер:
тышкы карыз, экономика, карыз, АКШ
Тема боюнча
Министр: 2027-жылы тышкы карызды төлөөгө 400 млн. доллар керектелет
Мамлекеттик карызга кетчү төлөм миллиарддап өсөт. 2021-жылга чейинки график
Франциялык депутат, миллиардер Оливье Дассо. Архив

Франциялык миллиардер Оливье Дассо авиакырсыктан набыт болду

18
(жаңыланган 11:50 08.03.2021)
"Республикачылар" саясий партиясынын өкүлү Франциянын түндүгүндө кырсыкка кабылды. Ишкер 69 жашта болчу.

БИШКЕК, 8-мар. — Sputnik. Франциялык депутат, миллиардер Оливье Дассо Нормандиядагы (өлкөнүн түндүгү) авиакырсыктан набыт болду. Бул тууралуу Europe 1 радиостанциясы жазды.

Маалыматка караганда, Тук коммунасында тик учак кыйрап, анын кесепетинен учкуч дагы каза болгон. Франциянын президенти Эммануэль Макрон Twitter аркылуу көңүл айтты.

"Оливье Дассо Францияны жакшы көрчү. Ири ишкер, тандалган депутат, Аскер-аба күчтөрүнүн запастагы кол башчысы. Ал биздин өлкөгө өмүрүнүн аягына чейин кызмат кылды", — деп жазган Макрон.

"Республикачылар" партиясынын өкүлү 69 жашында көз жумду. Анын атасы Серж Дассо дагы миллиардер, белгилүү ишкер жана саясатчы болгон.

18
Белгилер:
өлүм, миллиардер, ишкер, тик учак
Тема боюнча
Индияда тажияга келгендерди чатыр басып калып 18 адам каза болду
Ысык-Көлдө кыйраган 37 млн. сомдук тик учак. Ми-8 кантип кырсыктаган

Эшигин өзү ачып-жаап, баладай секирип ойноп. Чээнден чыккан аюунун видеосу

27
Кадимки эле күрөң аюунун чээнден чыккан учурун көргөндөр аз болсо керек. Россиянын аймагындагы Орешково аэродромундагы вольерде жашаган аюу 20 күндөн кийин эле чээнден чыкканы ал жерге тагылган камерага жазылып калган.

Мансур аттуу бул жаныбардын уйкулуу көздөрүн жана өзүнүн жыгач үйүнүн эшигин ичинен кадимки кишилерге окшоп жаап алганга аракет кылып жатканын көрөбүз. Бир нече ирет кылган аракетинен майнап чыкпагандан кийин 300 кг салмакка жакын аюу карды аралай эшикке чыккан.

Видеодон 20 күндүк уйкудан ойгонуп, чээнден чыккан Мансур кадимки жаш балага окшоп кар баскан таңгак чөптү чачып, ага оонап ойноп жаткандыгын көрүүгө болот. Вольерди аралап чуркап, бакка жөлөнүп, андан соң үйүлгөн карды алдыңкы эки буту менен шилеп жатканы кадрга түшүп калган.

Мансур - интернет жылдызы. Ал учурда Калуга облусундагы Орешково аэродромундагы вольерде жашайт. Facebook тармагындагы баракчасындагы маалыматта аюунун беш жашта экендиги, аны учкучтар өзүнүн камкордугуна алып багып келгендиги айтылат.

Мамалак кезинде белгисиз бирөөлөр аэродромго таштап кетип, аны Ил-14 учагын калыбына келтирүү менен алектенген авиаторлор багып алышкан.

Учурда Мансур жарым эркиндиктеги вольерде жашайт. Ага кам көрүп бүтүндөй бир команда иштесе, жырткычтын турган жайына Андрей Иванов аттуу учкуч гана кооптонбой кирип, карап турат.

Sputnik буга чейин да Мансурдун таңгак чөптү тажабай тоголоткон видеосун жарыялаган.

27
Белгилер:
чээн, аюу, аэродром, Калуга областы, Россия
Тема боюнча
Энеси алдыңкы буту менен аярлай кармап... Апакай мамалактын жылмайткан видеосу
Жаалданган уй ооруканага кирип келип, элди сүзгүлөгөн видео. Колумбиядагы окуя
Жыйындын катышуучулары. Архив

Элетте туруп киреше табыңыз. Ишкер аялдарды колдогон акция башталды

7
(жаңыланган 11:57 08.03.2021)
Акциянын максаты — айыл жергесиндеги аялдардын өндүрүмдөрүн, кызматын сатып алуу менен экономикалык мүмкүнчүлүктөрүн кеңейтүү.

БИШКЕК, 8-мар. — Sputnik. Өлкөдө "Ишкер аялды колдо!" акциясы башталды. Анын алкагында элет жергесиндеги аялдар өздөрү өндүргөн товарларын мобилдик тиркеме аркылуу сата алышат. Бул туурасында Бириккен Улуттар Уюумунун аялдар түзүмүнүн маалымат кызматы билдирди.

Эки айга созулган акциянын максаты — айыл жергесиндеги аялдар арасындагы ишкерликке коомчулуктун көңүлүн буруу жана алардын өндүрүмдөрүн, кызматын сатып алуу менен экономикалык мүмкүнчүлүктөрүн кеңейтүү.

Уюштуруучулардын айтымында, бул багытта айылдарда бир катар иш-чаралар пландалууда.

"Айым баштайт" уюмдун жетекчиси Асел Кубанычбекова ишкер аялдардын товарларын сатуу үчүн атайын тиркеме иштелип чыгарын белгиледи.

"Социалдык тармактарда "Ишкер аялды колдойлу" аталышында флешмоб өткөрүлөт. Айыл жериндеги ишкер аял өзүнүн баяны жана товарынын видеосу менен бөлүшүп, эстафетаны башкаларга жөнөтөт. Мындан сырткары, аялдардын товарларын сатуу аянтчалары Бишкек жана Ош шаарларында уюштурулуп, бир апта бою соода кылуу мүмкүнчүлүгү түзүлөт", — деди Кубанычбекова.

Бул акция "БУУ — Аялдар" түзүмүнүн "Элеттик аялдардын экономикалык укуктарын жана мүмкүнчүлүктөрүн кеңейтүү" (JR RWEE) программасынын негизинде ишке ашырылып жатат. БУУнун мекемелери, Норвегия жана Швециянын өкмөтү тарабынан каржыланат. Ошондой эле Япония өкмөтү каржылаган "COVID-19 пандемиясы маалында кыздардын жана аялдардын муктаждыгына жооп кайтаруу" долбоору дагы колдоо көрсөтөт.

7
Белгилер:
элет, ишкер, колдоо, БУУ, аял
Тема боюнча
Лидер аялдар ийгиликке жетүү үчүн зарыл болгон сапаттарды аташты
Аялдар конгресси мыкты айымдар менен өрнөктүү энелерди сыйлады. Сүрөттөр