Доллар акчасынын өрттөнүшү. Архивдик сүрөт

ЖМК: АКШнын мамлекеттик карызы өзүнө коркунуч жаратууда

298
(жаңыланган 17:57 04.11.2018)
Учурда АКШнын мамлекеттик карызы 21 триллион доллардан ашат.

БИШКЕК, 2-ноя. — Sputnik. АКШ президентинин улуттук коопсуздук боюнча жардамчысы Жон Болтон АКШнын мамлекеттик карызы өлкөгө коркунуч туудуруп жатканын билдирди. Ал мындай пикирин Вашингтондо "Александр Гамильтондун коому" бейөкмөт уюмунда сүйлөп жатып билдиргенин "Известия" басылмасы жазды.

"Мамлекеттик карыздын мындай көлөмгө жетиши коомго дагы терс таасирин тийгизип, керек болсо өлкөнүн улуттук коопсуздугуна коркунуч жаратат", — деди Болтон.

Ал ошондой эле өз сөзүндө АКШнын бийлиги артыкчылык берилген багыттар боюнча иш алып барып, мамлекеттин чыгымдарын азайтуусу керектигин кошумчалады. Кийинки жылдын жаңы бюджетинде чыгаша бөлүгүн кыскартуу каралганын белгиледи.

Учурда АКШнын мамлекеттик карызы 21 триллион доллардан ашат. Ошол эле учурда мамлекеттин ички дүң продукциясы 19,5 триллион долларга бааланат. Америкалык экономисттердин божомолу боюнча 2026-жылга карата мамлекеттик карыз 30 триллион долларга жетет.

Ал эми Кыргызстан мамлекеттик карызды төлөө үчүн канча каражат жумшай турганын бул жактан окуңуз.

298
Белгилер:
Тышкы карыз, экономика, карыз, АКШ
Тема боюнча
Министр: 2027-жылы тышкы карызды төлөөгө 400 млн. доллар керектелет
Мамлекеттик карызга кетчү төлөм миллиарддап өсөт. 2021-жылга чейинки график
Такси. Архивдик сүрөт

Россияда төрт жылдан кийин айдоочусу жок таксилер ишке кириши күтүлүүдө

22
(жаңыланган 08:48 16.07.2020)
Москвада ушул тапта эксперименттин алкагында "Яндекс" компаниясы сыналып жатат. Бирок унаалар коомдук жолдордо эмес, жабык аймактар менен полигондордо тестирлөөдөн өтүүдө.

БИШКЕК, 16-июл. — Sputnik. Москвада төрт жылдан кийин алгачкы жолу айдоочусу жок автономдуу таксилер пайда болушу күтүлүп жатат. Бул тууралуу Россиянын транспорт министринин орун басары Алексей Семеновго шилтеме берүү менен "Известия" билдирди.

"Бул ишке кызыкдар мекеме жана компаниялардын (Транспорт министрлиги, Ички иштер министрлиги, Өнөр жай жана соода министрлиги) сунуштамаларынын негизинде иштеп жаткан планды жүзөгө ашыра баштасак, менимче, 2024-жылы айдоочусу жок таксилер кызмат көрсөтүп баштайт", — деген Семенов.

Россияда обочолонуу учурунда таксисттердин 93%ы кирешеден кол жууган

Москвада ушул тапта эксперименттин алкагында "Яндекс" компаниясы сыноодон өтүп жатканы кошумчаланды. Бирок федералдык мыйзамга ылайык, автономдуу унаа шоферу жок коомдук жолдордо жүрө албайт. Жабык аймактар менен полигондордон тестирлөөдөн өтүүдө. Мындай таксилерге оор кырдаалда, анын ичинде аварияга учурап же бузулуп калганда инженер-операторлор жардамга келери айтылат.

22
Белгилер:
Москва, эксперимент, сыноо, унаа, айдоочу, такси
Тема боюнча
Рулга туура отур! Эксперт айдоочунун алты "жаңылыштыгын" атады
Бишкекте такси кызматынын дем алыш күндөрү иштөөсүнө кайра уруксат берилди

Туристтердин көзүнчө арстанга тирүүлөй жем болгон каман. Видео

82
(жаңыланган 08:31 16.07.2020)
Түштүк Африкадагы Крюгер коругуна барган туристтер камандын арстанга жем болгон учурун видеого тартып алышкан.

Жырткычтардын каманга кол салган видеосун Kruger National Park Videos YouTube каналына жарыялады.

Анда көрүнүп тургандай, арстан бактын ары жагына жашынып алып камандын өтүшүн күтүп отурат. Эч нерседен кабары жок каман бактын жанынан өтөрү менен арстан аны басып жыгылган. Жапайы чочко качканга да жетишпей калган. Акыры ал бир эмес эки арстанга жем болгон.

Алгач пилди коркутуп качырып, андан соң баласын көз ирмемде куткарышты

Жаныбарлар кармашына күбө болгон туристтер кадр сыртында кол салган учурду талкуулап, жырткычтарды сүрөткө тартып алышкан.

Крюгер улуттук паркы Түштүк Африка Республикасындагы байыркы жана дүйнөдөгү эң чоң парктардын бири болуп саналат. Ага өлкө президенти Трансвааль Пауль Крюгердин аты берилип, эки миллион гектар аянтта жапайы жандыктар кенен-кесир жүрөт. Мындан тышкары, гүл менен бадалдын эки миң түрү бар.

Тыйын чычканды сактайм деп... Чаңырыгы чочуткан кыздын күлкүлүү видеосу

Аталган паркка барган туристтер жаныбарлардын өзгөчө окуяларына көп күбө болушат.

82
Белгилер:
видео, каман, арстан, Түштүк Африка Республикасы
Тема боюнча
Жашоо үчүн күрөш. Чүткөр менен жыландын кармашкан видеосу
Терезенин алдында беткап кийип турган аял. Архивдик сүрөт

Бейтап жаткан бөлмөнү желдетип туруу керек. Пульмонологдун кеңеши

0
(жаңыланган 09:22 16.07.2020)
Үй шартында дарыланып жаткан бейтаптын бөлмөсүн желдетип туруу керек. Мында вирус бир жерде турбай, бөлмө тазаланып турат.

БИШКЕК, 16-июл. — Sputnik. Кычкылтек концентратору өзү кычкылтек иштеп чыкпагандыктан аны колдонууда бөлмөнү желдетип турган оң. Бул тууралуу Улуттук кардиология жана терапия борборунун врач-пульмонологу Жыпара Кемелова билдирди.

Буга чейин коомчулукта жел тийгизип алуудан коркуп, бейтап жаткан бөлмөнү чүмкөп, эшик-терезелерди ачпай койгондуктан кычкылтек концентраторуна туташкан бейтап кыйналып, кээде өмүрү менен кош айтышып калышы мүмкүн деген маалымат тараган.

Дарыгердин айтымында, азыр аба ырайы ысык болгондуктан бейтап жаткан бөлмөнүн терезелерин улам-улам ачып туруу керек.

"Аппарат өзү кычкылтек иштеп чыкпагандыктан абаны сырттан, өзү жайгашкан бөлмөдөн алат. Ошол себептен бөлмөнү шамалдатып, аба киргизип туруу керек. Пульсоксиметр менен кычкылтекти берүү деңгээлин да карап, аппараттын эрежеси менен толук таанышуу зарыл. Азыркы учурда ооруканаларда оор бейтаптарга беш литрден да көп кычкылтек берилип жатат. Алар эки же үч булактан алышууда. Негизинен аппаратка туташкан бейтап гана эмес, ар бир оорулуу жаткан бөлмөгө аба киргизип туруу зарыл. Бирок терезени ачпай койгондон кычкылтек концентраторуна аба жетпей калды деген калпысыраак болуп калат", — деди Кемелова.

Кычкылтек концентратору дем алуу органдарынын курч жана өнөкөт оорусу күчөгөндө колдонулат. Ал кычкылтекти топтоп, бейтапка 90-95 пайыздык катышта бере турган аппарат. Ал эми бейтапты аба менен камсыз кылуу анын сатурациясына (кандын кычкылтек менен каныгышына) жараша болот.

Аталган аппарат абаны бөлмөдөн алып, аны тазаланган (буулуу суу) суудан өткөрүп, андан соң атайын түтүкчө аркылуу кычкылтек жеткирет.

0
Белгилер:
тазалоо, бейтап, аппарат, кычкылтек концентратору
Тема боюнча
Кычкылтек концентратору деген эмне, кандай максатта пайдаланылат? Түшүндүрмө