Холодильники карап жаткан кыз. Архив

Окумуштуулар кеч тамактануунун зыян жактарын айтып беришти

1456
(жаңыланган 10:26 13.11.2018)
Эскперимент үчүн 18-76 жаш куракка чейинки 12,7 миңден ашык адам медициналык текшерүүдөн өткөрүлүп, эки күн бою алардын тамактануусуна көңүл бурулган.

БИШКЕК, 13-ноя. — Sputnik. Кеч тамактануу адамдын биологиялык ыргагын (ритм. — ыргак.) бузуп, жүрөк-кан тамыр жана кант диабети ооруларын чакыра турганын Америкалык кардиологиялык ассоциациянын окумуштуулары аныктады. Бул туурасында РИА Новости LiveScience порталына шилтеме берип жазды.

Адистер диабет, салмак кошуу, гипертония оорулары менен убагында тамактануунун кандай байланышы бар экенине кызыгышкан.

Эскперимент үчүн 18ден 76 жаш куракка чейинки 12,7 миңден ашык адам медициналык текшерүүдөн өткөрүлүп, эки күн бою тамактануусуна көңүл бурулган.

Изилдөөчүлөр 18.00дөн кийин тамактангандардын канында кант менен инсулиндин деңгээли жана кан басымдын жогору экендигин байкаган.

Иликтөө жүргүзгөн адистердин бири Нур Макардын пикиринде, сергек жашоонун бузулушу биологиялык ыргакка терс таасирин тийгизип, зат алмашуу процессин басаңдатат. Ошондой эле өнөкөт оорулардын пайда болушун шарттайт.

Маалыматта кечинде, өзгөчө уйку алдында тамак жеп алуу адамды семиртип, жада калса ракты чакыруу мүмкүндүгү айтылат.

1456
Белгилер:
эксперимент, диабет, оору, тамактануу, окумуштуулар
Тема боюнча
Жарык бөлмөдө уктоонун зыяны көп. Адистердин аныктамасы
Жаракат алган терини тырыгы жок бүтүргөн гель чыкты
Россиянын президенти Владимир Путин. Архив

Путин: Россия өзүнүн жана коңшулардын коопсуздугу үчүн баарына даяр

26
Владимир Путин Россия эч качан өз оюн башкаларга таңуулабай турганын, ал эми дүйнөлүк жана аймактык көйгөйлөрдү саясий-дипломатиялык ыкма менен чечишүүгө даяр экенин белгиледи.

БИШКЕК, 23-июн. — Sputnik. Москва шаарында өтүп жаткан эл аралык коопсуздук боюнча IX Москва конференциясында Россия президенти Владимир Путин өз өлкөсүнүн эл аралык мамилелер жаатындагы позициясын эске сала кетти.

РИА Новости агенттигинин жазганына караганда, Путин Россия өз элинин коопсуздугу үчүн бардык аракеттерди көрөрүн айтты.

"Кечээ өлкө тарыхындагы эң өкүттүү даталардын бирин белгиледик. Туура 80 жыл мурда фашисттик Германия биздин мамлекетке кол салган. Бул окуя бизге чоң сабак болгон. Андыктан Россия өз элинин коопсуздугу үчүн колдон келген аракетин жасайт. Куралдарыбызды күчтөндүрөбүз, дипломатия жолу менен сүйлөшүүгө аракет кылабыз, кызыкдар тараптар менен диалогго барабыз", — деди Путин.

Ошол эле учурда президент Россия эч качан өз оюн башкаларга таңуулабай турганын, ал эми дүйнөлүк жана аймактык маселелерди саясий-дипломатиялык ыкма менен чечишүүгө даяр экенин айтты.

"Россия эч качан өз оюн башкаларга таңуулабайт. Дүйнөлүк жана аймактык көйгөйлөрдү саясий-дипломатиялык ыкмалар менен чечишүүгө салым кошкубуз келет. Россия жаратмандыкты колдойт", — деди РФ лидери.

Мындан тышкары, Путин Россия коңшу өлкөлөрдүн коопсуздугу үчүн жоопкерчиликтүү экенин эч качан унутпасын белгиледи.

"Коңшулар менен ажырагыс тарыхый жана маданий байланышыбыз бар. Биз алардын коопсуздугу үчүн жоопкерчилигибизди унутпайбыз. Биздин жалпы континентибиздеги тынч жашоо жана ачык асман үчүн аймактык чыр-чатактарды басаңдатууга салым кошо бермекчибиз", — деди ал.

Эл аралык коопсуздук боюнча Москва конференциясы — коргоо мекемелеринин, эл аралык уюмдардын жана бейөкмөт эксперттердин башын бириктирип, коопсуздук боюнча жыл сайын өтүүчү форум.

26
Белгилер:
диалог, коопсуздук, регион, Владимир Путин, Россия
Тема боюнча
Путиндин макаласы: өткөнгө карап кылчактай бербей, ачык болуш керек
Массалык жок кылуучу куралдын жайылуу коркунучу. Путин Москва форумунда сүйлөдү
Россия президенти Владимир Путин. Архив

Путин: туруктуулук үчүн саясий эрк жана компромисс зарыл

17
(жаңыланган 18:06 23.06.2021)
СНВ-3 келишими 2011-жылдын 5-февралында күчүнө кирген. Анын шарты боюнча тараптар өзүнүн өзөктүк арсеналын кыскартып, тийиштүү көлөмдө кармап турушу керек.

БИШКЕК, 23-июн. — Sputnik. Стратегиялык туруктуулук жаатында ийгилик жаратуу үчүн саясий эрк жана компромисске баруу жөндөмү керек. Бул тууралуу Россия президенти Владимир Путин эл аралык коопсуздук боюнча Москва конференциясында сүйлөп жатып айтты.

РФ лидери өлкө буга чейин коопсуздуктун жаңы механизмин иштеп чыгууну сунуштаганын эске салды.

"Система стратегиялык туруктуулукка таасир тийгизе турчу бардык факторлорду камтышы керек. Саясий эрк жана компромисске бара билүү жакшы натыйжасын берерине ишенебиз", — деди Путин.

Анын айтымында, буга Россия менен АКШнын стратегиялык жана чабуул коюучу куралдын (СНВ-3) көлөмүн 2026-жылга чейин кыскартуу тууралуу келишиминин узарышы ачык далил.

Белгилей кетсек, СНВ-3 келишими 2011-жылдын 5-февралында күчүнө кирген. Анын шарты боюнча тараптар өзүнүн өзөктүк арсеналын кыскартып, тийиштүү көлөмдө кармап турушу керек. Башкача айтканда, жети жылдан кийин жана андан аркы убакытта континенттер аралык баллистикалык ракеталардын, суу алдындагы бомбардировщиктердеги баллистикалык ракеталардын саны 700дөн ашпашы керек. Мындан тышкары, ракета огу 1500,  орнотмолор 800дөн көп болбошу шарт.

Келишим максатына жетип, тараптар арсеналын тийиштүү көлөмдө кармап турат. 2021-жылдын башында, бийликке Жо Байден келери менен, макулдашуу эч өзгөрүүсүз дагы беш жылга узартылды. Буга чейин администрация келишимди узартууну маалкатып, бүтүндөй стратегиялык туруктуулук системасына коркунуч жаратып келди.

17
Белгилер:
система, курал-жарак, коопсуздук, конференция, Владимир Путин
Тема боюнча
Путиндин макаласы: өткөнгө карап кылчактай бербей, ачык болуш керек
Путин менен Байдендин жолугушуусунан кийин дүйнөлүк саясат кандай өзгөрөт
Путин белгисиз жоокердин мүрзөсүнө гүл койду. Видео
Газ плитасы. Архив

Бишкектин айрым жерлеринде 12 күн газ жок болот. Тизме

0
(жаңыланган 18:42 23.06.2021)
"Газпром Кыргызстан" компаниясы тамак-аш даярдоо үчүн альтернативдүү энергетика булагына өтүүнү сунуштады.

БИШКЕК, 23-июн. — Sputnik. Бишкектин айрым жерлеринде 28-июндан 9-июлга чейин жаратылыш газы өчүрүлөт. Бул тууралуу "Газпром Кыргызстан" ишканасынан билдиришти.

Бул күндөрү 1976-жылы эксплуатацияга берилген жер алдындагы түтүктөрдүн жабдыктары жаңысына алмаштырылат.

"Садырбаев, Лев Толстой, Миңжылкыев, Тыналиев, Ала-Арча дарыясы, Масалиев көчөлөрү жана Жал-23, "Ротор" от казаны менен чектешкен аймактарда көгүлтүр от берүү үзгүлтүккө учурайт", — дешти компаниядан.

"Газпром Кыргызстан" жаралган ыңгайсыздык үчүн кечирим сурап, тамак-аш даярдоо үчүн альтернативдүү энергетика булагына өтүүнү сунуштады. Ошондой эле ишканадан жарандар үчүн газ колдонуу коопсуз болушу үчүн бардык күчүн жумшап жатканын кабарлашты.

0
Белгилер:
оңдоо, өчүрүү, газ, жаңы конуштар, көчө, Бишкек
Тема боюнча
Кышында жарыксыз калбайбызбы? Өлкөдөгү ГЭСтердин абалы жана картасы
Июлда күйүүчү майдын баасы дагы 4-6%га кымбаттаары айтылды